Свет
(Видео) Запалената синагога во Мелбурн е терористички чин, рече австралискиот премиер

Австралискиот премиер Ентони Албанес изјави денеска дека подметнувањето пожар во синагогата во Мелбурн се чини дека е терористички чин, еден ден откако неговиот израелски колега изјави дека лабуристичката влада е мотивирана од антиизраелската политика.
„Злосторствата што се случија во синагогата во Мелбурн беа јасно дизајнирани да создадат страв во заедницата и затоа од моја перспектива сигурно ја исполнуваат таа дефиниција за тероризам“, рече Албанес на прес-конференција во Перт.
Израелскиот премиер Бенјамин Нетанјаху во саботата изјави дека пожарот во синагогата Адас Израел, кој избувна рано во петокот, не може да се одвои од „анти-израелскиот дух“ на централно-левичарска влада, чија политика вклучува поддршка на недамнешниот предлог на ОН за поддршка на палестинската држава.
STRONTZIEK >> 🇵🇸
De ‘Adass Israel Synagogue’ in Melbourne, Australië, is ernstig beschadigd nadat deze met brandbommen werd bestookt.
Dit is de realiteit voor Joden in Australië in de 21e eeuw. Mislukt immigratiebeleid en zwak leiderschap zijn de oorzaak hiervan.#Halsema… pic.twitter.com/QUlbW6cDoB
— Rafael Dahan ✡︎ (@rafaeldahan) December 5, 2024
Австралиската влада ја брани својата антисемитистичка политика, објавувајќи во саботата дека откако Албанес ја презеде функцијата во мај 2022 година, владата обезбеди 25 милиони австралиски долари за подобрување на безбедноста во еврејските места, вклучително и училиштата, го забрани нацистичкиот поздрав и презеде мерки против говорот на омраза.
Законите донесени минатата година исто така забранија јавно прикажување на симболи на терористички групи.
Полицијата се уште трага по две лица за кои се сомничи дека намерно предизвикале пожар во кој едно лице е повредено и причинета е голема материјална штета.
Австралија бележи пораст на антисемитски и исламофобични инциденти од почетокот на војната меѓу Израел и Газа во октомври 2023 година. Некои еврејски групи рекоа дека владата не направила доволно како одговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон повика на зголемен притисок врз Москва за да се стави крај на војната во Украина

Францускиот претседател Емануел Макрон денеска повика на зголемен притисок врз Москва за да се стави крај на војната во Украина, по самитот меѓу американскиот претседател Доналд Трамп и рускиот лидер Владимир Путин во Анкориџ, Алјаска.
Во објава на социјалната мрежа Х, Макрон истакна дека заедно со европските колеги смета оти е неопходно да се одржи притисок врз Русија сè додека нејзината инвазија врз Украина не заврши и не се постигне траен мир што ги почитува правата на Украина.
Тој нагласи дека цврстиот мир мора да биде проследен со непоколебливи безбедносни гаранции.
„Ja поздравувам подготвеноста на СAD да придонесат во овој процес“, напиша Макрон, додавајќи дека за конкретен напредок е потребна нова средба на „Коалицијата на podgotvenite“, алијанса од околу 30 земји предводена од Велика Британија и Франција, која ја поддржува Украина.
Макрон, исто така, повика на извлекување поуки од последните 30 години, особено од „ добро познатата тенденција на Русија да не ги почитува своите обврски“.
Разговорите во Анкориџ меѓу Трамп и Путин беа опишани како продуктивни, но не беа објавени конкретни резултати.
Свет
Орбан вели дека светот е побезбедно место по средбата меѓу Трамп и Путин

Светот е побезбедно место по средбата меѓу американскиот претседател Доналд Трамп и неговиот руски колега Владимир Путин во Алјаска, изјави денеска унгарскиот премиер Виктор Орбан.
„Со години гледавме како двете најголеми нуклеарни сили ја елиминираат рамката на нивната соработка и си испраќаат пораки едни на други“, напиша Орбан на Фејсбук.
Тој додаде дека сега таа практика е завршена.
„Светот денеска е побезбедно место отколку што беше вчера“, рече Орбан.
Светските лидери денес реагираа на самитот меѓу американскиот и рускиот претседател Доналд Трамп и Владимир Путин, а како што објавија медиумите, реакциите беа поделени – некои го критикуваа недостатокот на конкретни резултати, додека други ја нагласија важноста на самиот дијалог.
Свет
Русија во текот на ноќта лансираше 85 беспилотни летала кон Украина

Русија во текот на ноќта лансираше 85 беспилотни летала и една балистичка ракета кон територијата на Украина, објавија утринава украинските воздухопловни сили.
Нападите во текот на ноќта беа насочени кон области на линијата на фронтот во регионите Суми, Доњецк, Чернигов и Дњепропетровск, објавија воздухопловните сили на каналот Телеграм.
Оттаму, исто така, наведуваат дека нивните единици за противвоздушна одбрана уништиле 61 беспилотно летало.
Главниот штаб на украинските вооружени сили објави во својот дневен утрински извештај дека во текот на изминатите 24 часа на линијата на фронтот имало 139 судири со непријателот.
Од друга страна, руските системи за противвоздушна одбрана во текот на ноќта пресретнале и уништиле 29 украински дронови над различни руски региони, вклучувајќи 10 беспилотни летала над Ростовскиот регион, објавија утринава руските медиуми, повикувајќи се на руското Министерство за одбрана.
Американскиот претседател Доналд Трамп и неговиот руски колега Владимир Путин, по нивната вчерашна средба во Алјаска, не споменаа ништо за потенцијален прекин на огнот во војната во Украина.