Свет
(Видео) Зголемената активност на НАТО во близина на руските граници може да доведе до сериозен инцидент
Москва предупреди дека зголемувањето на западната воена активност во близина на руските граници на крајот може да доведе до опасни последици. Оваа година се забележани повеќе бродови и авиони на НАТО, кои се приближуваат до територијата на земјата.
Зборувајќи за владиниот весник „Росијскаја газета“, заменик-министерот за одбрана на Русија, Александар Фомин, потсети на неодамнешните блиски средби и ги обвини САД и нивните сојузници дека користат и агресивна реторика.
„Во 2020 година активноста на воздушните и поморските сили на НАТО значително се зголеми, а сè повеќе се појавуваат ситуации што може да доведат до сериозни инциденти. Овие активности беа отворено провокативни. Инциденти беа избегнати само благодарение на високото ниво на професионална обука на руските пилоти и морнари“, рече Фомин.
Тој посочи дека НАТО одржа поморска вежба на истиот ден со прославата на Денот на победата од Втората светска војна и дека се забележани повеќе летови на американски авиони во непосредна близина на руската граница.
Заменик-министерот потсети и на неодамнешните инциденти во кои британски и американски разорувачи влегоа во, како што смета Русија, нејзините територијални води.
Минатиот месец, по упадот на американскиот носач „УСС Џон Мекејн“, што руската морнарица се закани дека ќе го протера од своите води во близина на Владивосток, САД ги нарекоа морските територијални претензии на Москва прекумерни.
„Подготвени сме за професионален и конструктивен дијалог под услов да се почитуваат принципите на меѓусебно почитување и меѓусебните интереси“, заклучи Фомин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

