Свет
(Видео) Земјоделците го блокираа Хамбург со 4.000 трактори

Германските земјоделци ги преплавија градските улици со илјадници трактори во знак на протест против новите регулативи за животната средина. Тие ја обвинуваат владата дека ги малтретира додека ја води својата борба за зелена економија, пренесува РТ.
Речиси 4.000 трактори пристигнаа во Хамбург во четвртокот, каде што се одржуваше состанок на регионалните министри за животна средина. Километарските конвои, кои се протегаа на прометните улици во градот, предизвикаа проблеми во сообраќајот во центарот на градот. Демонстрантите исто така одржаа митинг на градскиот плоштад Генсенмаркт.
На протестите можеа да се видат паролите „Соработка наместо забрани“ и „Нема фарми, нема храна, нема иднина“, „Само кажи ‘благодарам’“.
4.000 Landwirte protestieren heute in #Hamburg bei der #umkhh2019. Die #Treckerdemo sorgt für erhebliche Verkehrsbehinderungen. pic.twitter.com/rz3iIY3Cd0
— ZDF Hamburg (@ZDFhamburg) November 14, 2019
Министерството за животна средина неодамна предложи сет прописи со кои ќе се ограничи употребата на одредени видови пестициди и ѓубрива против плевелот за да се заштитат птиците, инсектите и подземните води. Земјоделците стравуваат дека ова ќе ги запре деловните активности и ќе го загрози нивниот начин на живеење.
„Правилата што доаѓаат од германската влада се толку тешки за нас што не можеме да работиме на нашите фарми. Не можеме да произведеме добри култури. Не можеме да имаме добра храна за млечните крави“, изјави Клаус-Питер Лухт, потпретседател на регионалното здружение на земјоделците, за РТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.