Свет
(Видео) Израелската армија нападна болница во Газа

Израелските сили извршија напад врз болницата Ал-Шифа во Газа во текот на ноќта, пристигнуваат извештаите за силни пукотници и тенковски активности, јавува Би-би-си.
Портпаролот на израелските одбранбени сили рече дека ИДФ спроведува „операција со голема прецизност во ограничените области“ на болницата.
ИДФ соопшти дека „високите терористи на Хамас се прегрупирале“ во болницата и ја користат за да извршат напади.
🚨Breaking: The Israeli occupation army announces the abduction of more than 80 individuals at Al-Shifa hospital in #Gaza city. pic.twitter.com/Kenv95MLPb
— Nour Naim| نُور (@NourNaim88) March 18, 2024
Извештаите на очевидци опишуваат состојба на паника во областа околу болницата.
Во снимен разговор со неговиот брат објавен на група „Ватсап“, еден маж рече дека тие биле опкружени со тенкови.
„Се криеме во шаторот. Слушаме пукотници во близина на комплексот“, рече тој.
На снимките објавени на социјалните мрежи се слушаат пукотници околу болницата. Сведок од болницата, Мухамед Ал-Саид, рече: „Има мртви и ранети во болницата, а војниците уапсија неколку млади луѓе. Ситуацијата овде е катастрофална“.
ИДФ не објави дека планира да започне нова операција во близина на Ал-Шифа.
Israel launches a night raid on Gaza al-Shifa hospital. People are escaping to get away from the bloodshed and terror.
— Ashok (@ashoswai) March 18, 2024
Израелската војска соопшти дека нејзините војници извршиле операција во болничкиот комплекс Шифа во Газа, во операција за која палестинските здравствени власти велат дека предизвикала повеќе жртви и голем пожар во една од зградите.
Војската соопшти дека војниците спроведувале „прецизна операција“ и биле пукано врз нив додека влегле во комплексот. Војниците, како што наведоа, одговориле со оган и продолжиле да дејствуваат во реонот на болницата.
Во соопштението на армијата се вели дека операцијата била заснована на разузнавачки информации кои укажуваат дека болницата ја користеле високи лидери на Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бил Гејтс го обвини Маск за убиство на најсиромашните деца во светот

Милијардерот Бил Гејтс го засили својот конфликт со Илон Маск, обвинувајќи го најбогатиот човек во светот за „убивање на најсиромашните деца во светот“ со мерки што ги нарече погрешно насочени намалувања на американската помош за развој, пишува денес „Фајненшл тајмс“.
Коосновачот на „Мајкрософт“, кој најави интензивирање на својата филантропска работа во следните 20 години и затворање на неговата Фондација „Гејтс“ во 2045 година, во едно интервју изјави дека шефот на „Тесла“ се водел од незнаење при дизајнирањето на намалувањата.
Во февруари, Одделот за владина ефикасност на Маск, попознат како DOGE, ефикасно ја затвори Агенцијата на Соединетите Американски Држави за меѓународен развој (USAID), главната федерална институција за доделување американска помош, објавувајќи дека „време е за умирање“.
Гејтс процени дека ненадејните намалувања доведоа до тоа храната и лековите потребни за спасување на човечки животи да го изгубат својот интегритет и употребливост таму каде што се складирани, а може да доведат и до појава на заразни болести како што се сипаници, ХИВ и детска парализа.
„Сликата за најбогатиот човек во светот како ја убива најсиромашната земја во светот не е убава“, рече Гејтс, кој некогаш самиот беше најбогатиот човек во светот.
Гејтс рече дека Маск ја откажал помошта за болница во Мозамбик, која имала за цел да го спречи ширењето на вирусот ХИВ од мајките на нивните деца, и сето тоа со погрешно верување дека САД снабдуваат кондоми за Хамас во Појасот Газа на Блискиот Исток.
„Сакам сега да оди и да се сретне со тие деца кои добија ХИВ, бидејќи им ги прекина парите“, рече Гејтс.
Овој 69-годишен филантроп вчера објави план да го даде буквално целото свое богатство во текот на следните 20 години, во кои периоди, според неговата идеја, Фондацијата Гејтс ќе потроши повеќе од 200 милијарди долари за глобално здравство, развој и образование. Во изминатите 25 години, фондацијата издвои околу 100 милијарди долари за оваа намена.
Фондацијата ќе биде затворена во 2045 година, неколку децении порано од планираниот датум.
Според Гејтс, причината за забрзаната испорака е да се постигне максимален ефект со потенцијал да се пронајдат средства за дефинитивно справување со заразни болести како што се детската парализа и ХИВ.
Свет
„Ако Путин не се согласи, ние ќе бидеме подготвени“: Макрон за прекинот на огнот меѓу Русија и Украина

Францускиот претседател Емануел Макрон објави дека синоќа разговарал со американскиот претседател Доналд Трамп за прекинот на огнот во Украина.
Макрон рече дека го поздравува јасниот повик на Трамп за безусловно примирје од 30 дена. Тој рече дека овој повик бил поддржан од британските и нордиските партнери во петокот наутро.
Францускиот претседател нагласи дека сите сега мора веднаш да работат на постигнување прекин на огнот – „без одложување“.
„Украина се согласи на ова примирје пред речиси два месеци. Сега очекувам и Русија да го стори истото. Во спротивно, ќе бидеме подготвени решително да одговориме, заедно со сите Европејци и во тесна координација со Соединетите Американски Држави“, напиша францускиот претседател.
Во петокот, германскиот канцелар Фридрих Мерц ѝ се закани на Русија со нови санкции доколку не се согласи на трајно примирје во Украина и мировни преговори.
Мерц, исто така, имаше телефонски разговор со американскиот претседател Доналд Трамп. Германскиот канцелар изјави дека изразил поддршка за планот на Трамп за 30-дневен прекин на огнот во Украина.
Трамп, по разговорот со украинскиот претседател Володимир Зеленски на 8 мај, изјави дека би сакал 30-дневно безусловно примирје и повторно ја спомена можноста за нови санкции против Русија.
Свет
Руте: „НАТО не вети дека членството на Украина ќе биде загарантирано“

Генералниот секретар на НАТО, Марк Руте, денес изјави дека Алијансата не ветила дека членството на Украина во таа организација ќе биде загарантирано со мировен договор со Русија.
„Сите во НАТО се согласија дека патот на Украина кон НАТО ќе биде неповратен. Но, никогаш не се согласивме дека членството на Украина во НАТО ќе биде загарантирано во рамките на мировниот договор. Но, на долг рок, НАТО изјави дека ќе постои оваа перспектива за членство во НАТО. Ова е на долг рок, а не за мировните преговори што се во тек“, нагласи Руте.
Претходно, германскиот канцелар Фридрих Мерц изјави дека Украина треба да биде суверена држава кога станува збор за донесување одлуки за политички и воени сојузи, како и дека земјата треба да се приклучи на ЕУ, пренесува „Униан“.
Тој според написите проценил дека пристапувањето на Украина во ЕУ ќе се случи пред членството во НАТО.