Свет
(Видео) Израелска армија: Продолжуваме со напад, борбени авиони напаѓаат цели на Хезболах

Израелската армија објави дека продолжува со нападите врз терористичките цели на Хезболах во јужен Либан.
„Во последниот час борбени авиони на воздухопловните сили нападнаа цели на терористите на Хезболах во јужен Либан, вклучително и лансери, воени структури и згради во кои складираат оружје“, се вели во соопштението.
צה״ל ממשיך לתקוף כעת מטרות חיזבאללה בדרום לבנון.
מטוסי קרב של חיל האוויר תקפו בשעה האחרונה, מטרות טרור של חיזבאללה בדרום לבנון, בהן משגרים, מבנים צבאיים ומבנים בהם אוחסנו אמצעי לחימה>> pic.twitter.com/foML0SD5t1
— צבא ההגנה לישראל (@idfonline) September 24, 2024
Војскат, исто така сподели матно видео со беспилотно летало, кое наводно прикажува систем за лансирање на Хезболах во близина на Хумина ел-Фаук, кој бил цел на нападот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
САД и Данска планираат разговори за Гренланд. „Се може да се откаже“

Данскиот министер за надворешни работи Ларс Локе Расмусен треба да се сретне со американскиот државен секретар Марко Рубио оваа недела на првите разговори на високо ниво по реизборот на претседателот Доналд Трамп и неговото ветување дека ќе ја „преземе контролата“ врз Гренланд, објави Фајненшл тајмс.
Изгледите за такви разговори доаѓаат во време на тензии меѓу двете земји поради интересот на САД да ја преземат контролата врз Гренланд, арктичкиот остров што Данска го контролира од 1721 година.
Состанокот е планиран на маргините на состанокот на министрите за надворешни работи на НАТО во Брисел што треба да започне во четврток, објави весникот, цитирајќи двајца официјални претставници запознаени со подготовките.
Сепак, официјалните лица предупредија дека целиот настан може да биде откажан поради затегнатите односи меѓу Копенхаген и Вашингтон, се додава.
Данскиот премиер Мете Фредериксен ќе го посети Гренланд од 2 до 4 април на разговори со новата влада на полуавтономната територија само неколку дена по посетата на американскиот потпретседател Џеј Ди Венс.
За време на своето патување, Венс ја обвини Данска дека не прави добра работа за одржување на безбедноста на островот и сугерираше дека Соединетите држави подобро ќе го заштитат стратешки лоцираниот остров.
Европа
Од утре нови правила за Европејците за влез во Обединетото Кралство

На европските граѓани кои патуваат во Обединетото Кралство од утре ќе им треба дигитална пропусница за да влезат во земјата, што според британската влада ќе ја зајакне безбедноста на границите.
Електронското овластување за патување (ЕТА) може да се купи онлајн за 10 фунти (12 евра) во наредните денови, а од 9 април цената ќе се зголеми на 16 фунти (19 евра).
Дозволата ќе биде задолжителна за сите Европејци кои сакаат да ја посетат Велика Британија од 2 април, откако истата пропусница беше воведена во јануари за граѓаните на САД, Канада и други земји на кои не им е потребна виза.
Слична дозвола за влез во земјата имаат и САД.
„Со дигитализирање на системот за имиграција, го отвораме патот за бесконтактни гранични премини во ОК“, рече министерката за миграција Сема Малхотра претходно овој месец, кога беше отворена веб-страницата за првите апликации.
Таа додаде дека проширувањето на ЕТА во земјите ширум светот „ја зајакнува посветеноста за подобрување на безбедноста преку технологија и иновации“.
Документот дозволува посети до шест месеци и важи две години. Тоа е задолжително за сите патници, вклучително и малолетни и новороденчиња.
Пропусницата може да се добие од апликација за паметни телефони или од владината веб-страница, а на Европејците им е достапна од почетокот на март.
Почнувајќи од среда, граѓаните на околу триесет европски земји, вклучително и целата ЕУ со исклучок на Ирска, ќе треба да имаат електронска дозвола за влез во Обединетото Кралство, кое ја напушти ЕУ во 2020 година. Апликантот мора да приложи фотографија од пасош и од лицето. Процесот трае околу десет минути, информираат од британското Министерство за внатрешни работи.
Во повеќето случаи, одлуката за апликацијата се носи во рок од неколку минути, но можно е да се чека и до три работни дена, велат од Владата.
Доколку апликацијата се обработи успешно, ЕТА е дигитално поврзана со пасошот на апликантот.
Патниците кои претстојуваат на аеродроми без да ја поминат границата со ОК се ослободени од оваа програма. Ова беше направено по притисокот од Хитроу, најпрометниот аеродром во Европа, кој стравуваше од губење на бројот на патници.
Свет
Седумгодишно девојче почина во ски-центар во САД: голема карпа падна врз неа

Седумгодишно девојче од Невада починало откако било погодено од голема карпа која се откинала и паднала врз неа во ски-центар, соопштија локалните власти.
Аделин Грајмс почина по несреќа во ски-одморалиштето „Дајмонд Пик“ во селото Инклин, а Канцеларијата на судски совет од округот Вашо утврди дека станува збор за несреќа, објавија американските медиуми.
Скијачкиот центар „Дајмонд Пик“ изрази искрено сочувство до семејството на починатото девојче.
Околу 15 часот и 38 минути била повикана брза помош, а ски патролата веднаш укажала прва помош. Според соопштението од одморалиштето, набрзо пристигнале членовите на пожарникарската служба на Норт Лејк Тахо и Одделот на шерифот на округот Вашо.
„И покрај напорите на итната помош, детето им подлегна на повредите“, се вели во соопштението од ски-центарот, кој се наоѓа североисточно од езерото Тахо, на страната Невада.
Во посебна изјава, канцеларијата на шерифот, која го истражува случајот, го опиша инцидентот како трагична несреќа.
„Во овој случај нема елементи за кривично дело, а канцеларијата на шерифот изразува најдлабоко сочувство до сите погодени од оваа трагедија“, велат тие.