Пред неколку месеци на социјалната мрежа „Тик-ток“ беше објавено видео на кое се гледаат двајца израелски војници во булдожер како демолираат остатоци од куќа во Појасот Газа додека испраќаат поздрави до израелскиот пејач Ејал Голан. „Те сакаме“, вели еден од војниците, „ние сме во Кан Јунис и поради радоста што ни ја носиш, ти ја посветуваме оваа куќа.

По 7 октомври, Ејал Голан изјави дека целиот Појас Газа мора да биде срамнет со земјата и дека таму повеќе не треба да живее ниту еден човек. Ова видео, на кое се гледа како војниците слават додека уриваат куќи, го спомена и Јужноафриканската Република во тужбата против Израел пред Меѓународниот суд на правдата. Јужна Африка го обвинува Израел за геноцид, што Израел цврсто го отфрла, пишува „Дојче веле“.

📹 Similar footage was shared by the Israeli army, showing the demolition of a neighbourhood in Khan Younis. pic.twitter.com/OkPOiGs8vM

— Mīkāʾīl (@Grey0973) January 17, 2024

Израелските корисници делумно ги слават ваквите објави на социјалните мрежи. Но, ваквите видеа станаа голем проблем за имиџот на Израел, кој тврди дека ја има најморалната војска во светот.

На едно од видеата може да се видат оган и чад, а еден човек на хебрејски вели: „Ох, Газа гори, живи изгорете, кучкини синови“. На друго видео војник пребарува напуштен стан и наоѓа женска долна облека и ги навредува арапските жени. Други видеа покажуваат можни грабежи од израелски војници. Има и видеа на кои се гледа како израелски војници палат куќи.

Палестинскиот новинар Јунис Тирави со месеци собира видеа и вели дека ги проверил и анализирал профилите на стотици израелски војници на социјалните мрежи. Заклучок на Тирави: видеата покажуваат дека ова не е војна против Хамас. „Тоа е војна против идејата за палестинска нација и нашето постоење“, тврди тој и додава дека израелски војник се снимил како разнесува згради северно од градот Газа и вика: „За да немаат каде да се вратат!“

На 7 октомври Хамас и групата Исламски џихад извршија крвави терористички напади врз Израел. Во нападите загинаа 1.200 луѓе, а стотици луѓе беа киднапирани. Емануел Фабијан, дописник на израелскиот весник „Тајмс оф Израел“, вели дека, со оглед на настаните од 7 октомври, оваа војна е многу емотивна. Тој смета дека поради ова, кај некои војници, дефинитивно, може да има желба за одмазда и дека тоа може да биде проблем.

Israeli soldiers published this footage as they were mocking the destruction of a house in Gaza after expelling its inhabitants. pic.twitter.com/CDcBpnyIbE

— Dr. Zain Abbadi (@ZainAbbadi11) January 31, 2024

Самиот тој патувал неколкупати со израелските војници во Појасот Газа од почетокот на војната. Тој објави дека редовните припадници на армијата обично мораат да ги предадат своите мобилни телефони, но дека армијата е помалку строга кон резервистите. Фабијан вели дека пред оваа војна израелската армија ги казнувала војниците што објавувале видеа, но сега е премногу фокусирана на борба, а помалку на дисциплина. Покрај тоа, на армијата ѝ се потребни многу од овие војници и не може сите масовно да ги казнува, предупредува израелскиот новинар.

Но, се чини дека има и воени команданти што одобруваат некои од снимките. Во декември се појавија фотографии и видеа од Палестинци со лисици на рацете во северниот дел на Појасот Газа. Носеа само долна облека и беа со врзани очи. Воениот дописник Фабијан се сомнева дека снимките биле објавени од воени команданти од среден ранг. Тие сакаа да испратат порака до Хамас: „Видете, ние го заробивме вашиот народ. На понижувачки начин“. Во многу случаи, вели Фабијан, мажите воопшто не биле борци за Хамас или која било друга терористичка група.

Jerusalem |

Israeli forces publicly dragging a group of Palestinian detainees in Isaawiyah neighborhood in a humiliating way pic.twitter.com/OvJkF1i9H7

— Younis Tirawi | يونس (@ytirawi) March 11, 2024

Само неколку израелски новинари, поранешни војници и научници се согласија да ги коментираат видеата за германскиот јавен сервис АРД. Сепак, Јаир Голан се согласи на интервју. Тој е поранешен заменик-началник на генералштабот на израелската армија, а денес е политичар и надеж на израелската политичка левица. Голан вели дека разбира зошто малку луѓе сакаат да зборуваат критички за снимките на војниците, но предупредува: „Ако сакаме подобро да се справиме со сегашната криза, треба да го преориентираме нашиот морален компас“.

Тој истакнува дека се срами од овие видеа и дека нивното влијание врз угледот на Израел е страшно. Голан е убеден дека само малкумина од војниците во Појасот Газа се однесуваат неморално и дека се поттикнати од делумно десничарската екстремистичка влада на Израел: „Да претпоставиме дека војникот има екстремни идеи. Ако има јасна порака дека неговото однесување не е прифатено, тогаш ќе мора да ги следи правилата на армијата“.

Но, овие војници моментно добиваат поддршка од екстремите на општеството, објаснува тој, додавајќи: „И тогаш тој војник мисли дека е во ред да оди во војна за да се одмазди“.

Israeli soldier Shai Sosana, presently in Gaza, shared a video on TikTok today revealing his destruction of civilian cars and the entrance to a female school in Beit Lahia.

In his video caption, he remarked, “I stopped counting how many neighborhoods I erased.” pic.twitter.com/t0jU70ZcrM

— Younis Tirawi | يونس (@ytirawi) December 9, 2023

Израелската армија во соопштение напиша дека видеата се изолирани случаи, кои отстапуваат од наредбите и вредностите на израелската армија. Забележано е дека резервистите биле суспендирани во неколку случаи. „Израелската армија ги истражува ваквите инциденти и на нив одговара со командни и дисциплински мерки“, велат од израелската армија додавајќи: „Ако постои сомневање дека имало кривично дело, воената полиција ќе спроведе истрага“.

Палестинскиот новинар Јунис Тирави не верува дека овие снимки се изолирани случаи и се сомнева дека армијата е навистина сериозна. Зашто, како што вели, во последните неколку недели се објавени уште повеќе видеа отколку во претходните месеци.