Свет
(Видео) Израел ја бомбардира Сирија
Израелски борбени авиони и хеликоптери ги нападнаа воените цели на сириската армија.
Бомбардирањето се случило неколку часа по спречувањето да се уфрлат екстремисти од Сирија, кои се обиделе да подметнат експлозиви, соопшти израелската армија.
Во военото соопштение за бомбардирањето на соседна Сирија, кое инаку израелската армија ретко го дава, се наведува дека целите се „пунктови за набљудување, противвоздушни артилериски објекти и системи за командување и контрола“ во сириските воени бази.
Сирија ги потврди нападите велејќи дека израелските хеликоптери испукале ракети кон сириските воени пунктови и дека имало материјална штета.
Тоа се случува во време на засилени тензии на северната граница на Израел по неодамнешниот израелски воздушен напад во кој е убиен борец на либански Хезболах во Сирија и во очекување одговор од таа проиранска шиитска организација.
Претходно во понеделникот, израелскиот воен портпарол Џонатан Конрикус изјави дека израелските војници забележале нерегуларна активност на Голанската Висорамнина и отвориле оган врз екстремистите, од кои некои биле вооружени бидејќи ги гледале како поставуваат експлозив на земјата.
Нема официјална потврда дека четворица напаѓачи биле убиени, но армијата објави видео на кое се гледа како четири лица се оддалечуваат од жичената ограда на границата, а потоа исчезнуваат во голема експлозија што ја зафати областа.
Израелската војска не соопшти дали четворицата биле поврзани со Иран или Хезболах, двата сириски сојузници, туку само дека Израел ја смета сириската влада одговорна за инцидентот.
Обраќајќи се пред пратениците на неговата конзервативна партија Ликуд, израелскиот премиер Бенјамин Нетанјаху рече дека Израел спречил обид за саботажа на сирискиот фронт најавувајќи дека земјата ќе продолжи да ги „повредува сите оние што се обидуваат да нè повредат и сите оние што нè повредуваат“.
Израел ја освои Голанската Висорамнина од Сирија во војната во 1967 година и подоцна ја анектира територијата.
Само САД ја признаа анексијата на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.