Европа
(Видео) Изјава на еден од првите вакцинирани Британци: „Нема смисла да умрам кога живеев толку долго“

Граѓанинот на Лондон, 91-годишниот Мартин Кенион, во телевизиско интервју изјави дека првин се јавил во болница и одговорил на прашањата за тоа дали може да ја прими вакцината по што му било кажано да дојде во 12.30 часот.
Тој се пожали дека немало место каде да паркира.
„Не можев да најдам паркинг никаде, затоа доцнев. Кога влегов внатре, ме ставија уредно на списокот. Потоа отидов на ручек, што не ми се допадна многу, а потоа се вратив и ја примив вакцината. Воопшто не ме болеше, дури и не знаев дека влегла иглата сè додека не кажаа дека е готово“, рече Кенион.
Just wanna hug #MartinKenyon myself and listen to his stories after this interview. I’m very happy for him and his granddaughters. ?? https://t.co/oljz9zXoNx
— Charlie K. Perkins (@PerKerry) December 9, 2020
Тој се надева дека нема да се зарази, од, како што рече, проклетиот вирус додавајќи дека со нетрпение очекува да ги прегрне своето семејство и внуците и дека на семејството не му кажал дека ја примил вакцината.
„Немам намера да се заразам од коронавирус. Па, нема смисла да умирам кога живеев толку долго“, заклучи Кенион.
Тој со своето интервју ги освои симпатиите на социјалните мрежи.
Quintessentially British. This has to be one of the best interviews of the year. #MartinKenyon ??
“Well, there’s no point in dying now when I’ve lived this long, is there?”
“Well of course I couldn’t find anywhere to damn well park my car, so I was late!” pic.twitter.com/SpALfW6RTp
— M?awia Bin-Sufyan MStJ BCA (@MoawiaBinSufyan) December 9, 2020
Масовната вакцинација во Велика Британија зпочна вчера, а 90-годишната Маргарет Кинан стана првата личност во светот што ја прими вакцината создадена во соработка на „Фајзер“ и „Бионтек“ надвор од фазата на испитување.
Првиот маж што ја прими вакцината, пак, беше 81-годишниот Вилијам Шекспир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците нападнаа фабрика на рускиот хемиски гигант на 1.700 километри од фронтовската линија

Украинските беспилотни летала синоќа ја нападнаа хемиската фабрика „Азот“ во рускиот Пермски регион, на повеќе од 1.700 километри од украинската граница, потврди регионалниот гувернер Дмитриј Махоњин, објави „Киев Индепендент“.
💥Russian “Uralchem Azot” plant in Berezniki, Perm Krai, was hit — around 1,600km from the frontline, one of the longest-range strikes so far. It’s among Russia’s biggest fertilizer producers, making ammonia, urea and ammonium nitrate.
These chemicals also serve in explosives… pic.twitter.com/33hqqUYZzi
— Special Kherson Cat 🐈🇺🇦 (@bayraktar_1love) October 2, 2025
Нападот привремено го запре производството во фабриката, која е меѓу најголемите руски производители на азотни ѓубрива, но е и клучен снабдувач на хемикалии што се користат во земјоделството и експлозиви.
Фабриката „Азот“, која се наоѓа на границата помеѓу европскиот и азискиот дел на Русија, произведува амонијак, уреа, амониум нитрат и други хемиски соединенија. Минатата година, компанијата пријави рекордно производство од повеќе од 2,3 милиони тони производи.
Ukrainian drones reportedly struck the Azot chemical plant in Berezniki, Perm Krai overnight. A short disruption to production was confirmed by local authorities. Explosions were heard near the facility, which stores ammonium nitrate. https://t.co/LXcOQYPwpJ pic.twitter.com/3tBuy6Pq46
— WarTranslated (@wartranslated) October 3, 2025
„Според најновите информации, нападот со непријателски беспилотни летала бил извршен ноќе… Имало краток застој во технолошкиот циклус во ‘Азот’“, изјави гувернерот Махоњин.
„Специјалистите за итни служби продолжуваат да работат на местото на настанот, а формиран е и оперативен штаб“.
фото: принтскрин
Европа
Путин се сретна со Додик

Рускиот претседател Владимир Путин се сретна со Милорад Додик на маргините на 22-от годишен форум на Меѓународниот дебатен клуб Валдај во Сочи. За време на состанокот, Путин ја опиша ситуацијата во Република Српска како сложена.
„Многу ми е драго што повторно се сретнав со вас, овој пат во Дебатниот клуб Валдај во Сочи. Неодамна, на 15 септември, го прославивте Денот на српското единство. Би сакал да ви честитам. Знам дека ситуацијата во вашата земја е исклучително тешка. Дури може да се каже дека е сложена“, рече Путин, додавајќи дека сака да ја чуе оценката на Додик.
Во исто време, рускиот лидер нагласи дека неговиот соговорник прави многу за градењето односи со Русија. Пред оваа средба, Путин зборуваше на форумот на дебатниот клуб, а Додик беше почесен гостин.
Додик беше осуден на една година затвор и шестгодишна забрана за политичка активност од страна на Судот на Босна и Херцеговина, по што Централната изборна комисија му го одзеде мандатот како претседател на РС. Предвремените избори за негов наследник ќе се одржат на 23 ноември.
Европа
Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол на германската полиција за АФП, откако неколку европски земји пријавија воздушни упади што ѝ се припишуваат на Русија.
Според соопштението на аеродромските власти, 17 летови што требало да тргнат од Минхен беа откажани таа вечер, што влијаеше на речиси 3.000 патници. Сè уште не е познато кога летовите ќе бидат обновени.
Петнаесет летови што требаше да слетаат во Минхен беа пренасочени и кон Штутгарт, Нирнберг, Виена или Франкфурт.
Во четврток околу 21:30 часот, неколку лица забележаа дронови во близина на аеродромот, потврди портпаролот на полицијата.
Баварските власти започнаа истрага за да ги идентификуваат дроновите и нивното потекло.
Потоа дроновите повторно беа забележани, овој пат над аеродромската област, што доведе до затворање на обете писти околу 20:30 часот.
И покрај интервенцијата на полициските хеликоптери, „нема достапни информации за видот и бројот на дроновите“ или нивното потекло, изјави портпаролот.
Инцидентот се случил пред последниот викенд од Октоберфест, кој привлекува стотици илјади луѓе во Минхен секој ден.
Фестивалот на пивото во баварскиот град беше затворен половина ден во среда поради закана со бомба.
фото: принтскрин