Свет
(Видео) Илјадници Бразилци излегоа на улица во поддршка на Болсонаро, пробиена полициска блокада

Поддржувачите на бразилскиот претседател Жаир Болсонаро се собираат во Бразил за да го поддржат својот лидер.
Тие го поддржуваат во неговиот конфликт со судството поради промени во системот на гласање.
„Гардијан“ наведува дека илјадници приврзаници на Болсонаро се собрале во политичката и економска престолнина на Бразил за да покажат колосална поддршка за нивниот претседател поради стравувањата за иднината на бразилската демократија и можните судири со владините противници.
Fortaleza-ce. Agora está GIGANTE! ???????? pic.twitter.com/3qRQbS9zJP
— Roberta?? (@Robertajair22) September 7, 2021
Претходно, поддржувачите на Болсонаро пробиле полициска блокада во центарот на Бразилија, објави полицијата, во пресрет на големите демонстрации поради кои има тензии во земјата.
Соочен со рекордно низок рејтинг, Болсонаро се обидува да ја мобилизира својата база, особено на протести во Бразилија и Сао Пауло.
Ултрадесничарскиот лидер планира да присуствува на двата митинга во текот на денот додека се обидува да го засили притисокот врз Врховниот суд поради истрагите за него и луѓето во неговиот близок круг.
„Стотици луѓе што дојдоа на протестот ги пробија пречките и влегоа во авенијата што води до зградите на Националниот конгрес и Врховниот суд“, објави федералната полиција. Оваа авенија е затворена за сообраќај од безбедносни причини.
Fortaleza-ce
Praça Portugal. ?? pic.twitter.com/rzpWjmbZnR— Roberta?? (@Robertajair22) September 7, 2021
На социјалните мрежи може да се најдат снимки од мал карван на автомобили и камиони како влегуваат во централната авенија на градот додека демонстрантите ги поздравуваат веејќи бразилски знамиња.
Ваквите маршеви ја поларизираа јавната дебата во Бразил и доведоа до предупредување да се избегне нешто слично на она што се случи на 6 јануари во Вашингтон кога приврзаниците на поранешниот американски претседател Доналд Трамп упаднаа во Конгресот.
Бразилскиот претседател неодамна потпиша указ со кој се ограничува моќта на социјалните мрежи и технолошките компании да ги отстрануваат објавите и содржините.
É muito emocionante?!??
Gratidão Senhor por esse dia.?? https://t.co/yNWWKFyLcz— Roberta?? (@Robertajair22) September 7, 2021
Според новиот декрет, технолошките гиганти ќе мора да наведат оправдана причина и мотив пред да отстранат налог или содржина. Во соопштението од кабинетот на Болсонаро се вели дека овој потег има цел да обезбеди транспарентност кога станува збор за моќта на социјалните медиуми и компаниите да уредуваат содржини на своите платформи.
Болсонаро посочи дека оваа промена на прописите е неопходна во борбата против, како што рече, произволното отстранување налози и дека новиот декрет ќе помогне да се заштити слободата на говорот.
За време на пандемијата на коронавирусот, „Фејсбук“ и „Твитер“ отстранија многубројни објави од Болсонаро и неговите поддржувачи поради наводно ширење дезинформации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Големи протести низ Србија

Нови големи протести се одржуваат вечерва на улиците на Србија, во сите поголеми градови.
Граѓаните се собраа пред просториите на СНС, недалеку од Генералштабот, каде што беа пречекани од полициски кордон.
Активистите на СНС се исто така на местото на настанот, а во тек е вербален конфликт меѓу демонстрантите и полицијата, како и меѓу демонстрантите и активистите на СНС.
Вчера избувнаа насилни судири во Нови Сад и Белград. Поддржувачи на Српската напредна партија (СНС) и Александар Вучиќ се појавија на улиците, маскирани и вооружени со палки. Антивладините демонстранти беа нападнати со огномет, а имаше и судири меѓу полицијата и демонстрантите.
Во Нови Сад, маж, за кој подоцна се покажа дека е војник, извадил пиштол и пукал во воздух, тврдејќи дека демонстрантите против режимот на Вучиќ му се заканиле со живот.
Фото: принтскрин
Свет
(Видео) Двочасовно патување ќе се скрати на минута: Чудото поради кое Кинезите исекоа планина

Мостот Хуаџијанг во кинеската покраина Гуиџоу, кој треба да биде отворен до крајот на септември оваа година, станува вистинска атракција.
По завршувањето, мостот Хуаџијанг ќе стане највисок во светот – ќе се издига 625 метри над кањонот на реката Бејпан.
For people and development, no mountain’s too high.
The Huajiang Grand Canyon Bridge, in SW China’s #Guizhou, connects villages and improves lives. @UpGuizhou pic.twitter.com/2pd5CplTW1
— Mao Ning 毛宁 (@SpoxCHN_MaoNing) August 1, 2025
Бројките се навистина неверојатни: вкупната должина на мостот е 2.880 метри, а челичната конструкција тежи над 22.000 тони.
Изградбата траеше малку повеќе од три години, а мостот ги поврзува градовите Лиужи и Анлонг, минувајќи низ непристапен терен што со децении е голем проблем за сообраќајот.
Гуиџоу е 92 проценти покриен со планини и карпи, што е катастрофа за секојдневно патување. Наместо да градат долги и кривулести тунели, Кинезите едноставно ги отстранија планинските врвови за да направат место за новиот автопат.
Преминувањето на овој кањон порано траеше речиси два часа, но мостот Хуаџијанг ќе го скрати тоа време на помалку од две минути.
Свет
Кремљ ги намали очекувањата за средбата Трамп-Путин

Кремљ денес соопшти дека не се очекува конечен документ по претстојната средба меѓу рускиот претседател Владимир Путин и американскиот претседател Доналд Трамп, која ќе се одржи утре во Алјаска.
Портпаролот на Кремљ, Дмитриј Песков, според руската државна новинска агенција ТАСС и други медиуми, им изјави на новинарите дека таков документ „не се очекува“ по разговорите и дека ништо не е подготвено. „И малку е веројатно дека ќе има каков било документ“, додаде тој.
Песков, сепак, рече дека по самитот ќе се одржи заедничка прес-конференција и дека рускиот претседател ќе изложи „голем број договори и аранжмани што ќе бидат постигнати“.
Тој нагласи дека подготовките за самитот се направени во ограничен временски рок, додавајќи дека тековните разговори за војната во Украина се водат билатерално и дека ставот на Киев ќе биде разгледан во подоцнежна фаза.