Европа
(Видео) Илјадници на улиците на Шпанија на пропалестински протести: „Запрете го геноцидот“

Илјадници луѓе вчера излегоа на улиците на Шпанија на 75-годишнината од Универзалната декларација за човекови права, протестирајќи против израелските убиства на цивили во Појасот Газа и кршењето на палестинските права. Демонстрантите со палестински знамиња се собраа на главниот плоштад во Мадрид, Пуерта дел Сол, пред зградата на регионалната влада.
„Денес, на меѓународниот ден на човековите права, не смееме да ја заборавиме Палестина“, порачаа организаторите. Од толпата извикуваа „Слобода за Палестина“, „Запрете го геноцидот во Газа“ и „Израел, терористичка држава“. Демонстрантите во Памплона, на северот на Шпанија, побараа „запирање на геноцидот врз Палестинците“ и крај на израелската воена операција.
Protesters Vandalize Starbucks During Pro-Palestine Protest In Barcelona
Hundreds of pro-Palestinian demonstrators marched through Barcelona in Spain, with some rallying in front of Starbucks coffee shops, smearing their windows and logos. pic.twitter.com/8ATqZtsltX
— deepankarthish (@deepankarthishb) December 11, 2023
„Човековите права умреа затоа што Израел, со безусловна поддршка на САД и ЕУ, спроведува геноцид како што е дефинирано од Високиот комесаријат за човекови права на ОН“, рече Лидон Сориано пред платформата „Бојкотирај го Израел“, која го организираше собирот.
Поворката носеше транспарент на кој пишуваше „Стоп за холокаустот во Палестина“. Сличен протест се одржа и во Кордоба, на југот на земјата, но и на други места во Баскија.
Во изминатите два месеци израелската армија уби повеќе од 17.000 палестински цивили, од кои 70 отсто жени и деца, објави здравствената служба во Појасот Газа. Израелскиот премиер Бенјамин Нетанјаху во саботата изјави дека ќе ја продолжи „праведната војна за елиминирање на Хамас“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Француската полиција извлече пијан патник од авион: „Тој започна општа тепачка“

Во четвртокот имаше вистински хаос на летот на „Рајанер“ од Борнмут, Англија, до Жирона, Шпанија. Летот мораше да биде пренасочен кон Тулуз откако пијан патник се обиде да ја отвори вратата на авионот, предизвикувајќи општа тепачка.
Според сведоците, инцидентот започнал кога пијан маж почнал да вика „Сакам да си одам“ и се упатил кон излезот за итни случаи. Другите патници веднаш реагирале и се обиделе физички да го совладаат, но тој одговорил со плукање и удирање. Целата ситуација ескалирала во општа тепачка.
„Целиот инцидент бил многу трауматичен. Човекот отишол во тоалет, потоа се обидел да отвори една од вратите за итни случаи. Потоа се обидел со другите. Потоа започнала голема тепачка со мажите кои се обидувале да го оддалечат од вратата“, рекол еден патник.
@thesun Shocking moment drunk man is dragged off plane after trying to open door mid-air and brawling with other passengers. #news #plane #brawl ♬ original sound – The Sun
Некои од патниците рекле дека доживеале напади на паника.
„Почнаа да се тепаат на средина од авионот. Траеше околу 30 минути. Беше ужасно, имаше крв насекаде. Луѓето врескаа и плачеа“, додал друг сведок. Насилниот патник на крајот бил совладан и соборен на подот, а глуждовите му биле врзани со дел од безбедносниот појас.
„Сакаше да оди во тоалет додека полетувавме. Кога го замолија да седне, извика ‘Морам да одам, другар’, но потоа седна. На средина од летот почна да се затетерува и се обиде да ја отвори вратата од авионот. Беше целосно пијан и сакаше да излезе“, опиша трет сведок.
Sécurité aérienne : un vol Ryanair, qui effectuait la liaison entre l'Angleterre et l'Espagne, a été dérouté en urgence vers l'aéroport de Toulouse à cause d'un passager britannique, ivre, qui a tenté d'ouvrir une porte de secours en plein vol, provoquant la panique parmi les… pic.twitter.com/eoxbBmpbtu
— Infos Françaises (@InfosFrancaises) September 6, 2025
„Двајца мажи се обидоа да го смират и да го совладаат, а тој почна да ги удира и да плука по сите. Еден крупен човек го предупреди дека ќе го собори ако продолжи и го турна на земја.“ По слетувањето во Тулуз, човекот беше пречекан на пистата од 13 француски полицајци и беше симнат од авионот. Летот потоа продолжи за Жирона, а авионот слета со околу два часа задоцнување.
фото: принтскрин
Европа
Левицата победи во Норвешка: историски резултат за десничарските популисти

Левицата, предводена од премиерот Јонас Гар Сторе од Лабуристичката партија, ќе остане на власт во Норвешка откако победи на парламентарните избори обележани со подемот на популистичката десница, која го постигна својот најдобар резултат во својата историја.
По изборите фокусирани на локални прашања, но под влијание и на геополитичките турбуленции, со речиси сите преброени гласови, се очекува левичарскиот блок да освои тесно мнозинство од 87 од 169 места во Парламентот.
„Знаевме дека ќе биде тесно и беше. Знаевме дека мора да дадеме се од себе и дадовме се од себе. И го направивме тоа“, им рече Сторе на поддржувачите.
На власт од 2021 година, 65-годишниот премиер освои нов четиригодишен мандат, најверојатно на чело на малцинска влада.
Со речиси 28 проценти од гласовите, неговата Лабуристичка партија ќе мора да ги здружи силите со сите други левичарски партии со кои има бројни несогласувања.
фото: принтскрин
Европа
Над 800 Руси треба да ја напуштат Латвија по наредба на латвиските власти

Миграциските власти во Латвија им наредија на руските граѓани, 841 од нив, да ја напуштат земјата до 13 октомври, во согласност со промените во законот што стапија на сила во 2022 година.
Детали за одлуката беа објавени на латвиската јавна телевизија во недела навечер, повикувајќи се на имиграциските власти.
Промените во законите за имиграција беа направени како одговор на руската инвазија на Украина. Промените направени во законот ги заострија условите за дозволи за престој за Русите.
Русите сочинуваат една четвртина од населението на Латвија од 1,9 милиони луѓе. Латвија дели граница долга 284 километри со Русија.
За да продолжат легално да живеат во Латвија, руските граѓани мора да аплицираат за постојан престој и да докажат дека нивното познавање на латвискиот јазик е доволно за секојдневна употреба.
Исто така, според новите одредби од законот, руските граѓани подлежат на безбедносни проверки.
Законот од 2022 година опфаќаше околу 25.000 лица, од кои околу 16.000 оттогаш добија дозволи за постојан престој, а околу 1.000 добија привремени дозволи за престој.
Оние кои не добиле дозволи мора да ја напуштат земјата до средината на октомври.
Досега, 2.600 лица доброволно ја напуштиле Латвија, а 10 се протерани.
фото: принтскрин