Свет
(Видео) Исламскиот џихад: Подготвени сме да ги ослободиме Хана и Јаков

Палестинскиот Исламски џихад објави видео од двајца израелски заложници што ги држи во Газа, 77-годишна жена и 13-годишно момче, велејќи дека е подготвен да ги ослободи „доколку се исполнат безбедносните услови“. Терористичката група објави дека е подготвена да ги ослободи Хана Кацир и Јагил Јаков од хуманитарни причини.
„Подготвени сме да ги ослободиме од хуманитарни причини кога ќе се исполнат безбедносните услови на теренот“, рече портпаролот на военото крило на Исламскиот џихад, познат по неговото име Абу Хамза. Таа организација во Појасот Газа ги здружи силите со Хамас во борбата против Израел. Израелската војска го осуди објавувањето на видеото како психолошки тероризам од најлош вид.
Хамза потврди дека неговата вооружена група, заедно со Хамас, почнала напад врз Израел на 7 октомври кога исламистичките командоси во еден ден убија 1.400 Израелци, речиси сите цивили, а киднапираа 240 заложници. Меѓу киднапираните има и странски државјани и лица со двојно државјанство. Хамас призна дека држи околу 200 заложници.
Исламскиот џихад објави дека држи и други заложници, но не го прецизира бројот. Во видеото и момчето и 77-годишната жена изразија желба да бидат ослободени што е можно побргу за да се обединат со своите семејства и го осудија начинот на кој премиерот Бенјамин Нетанјаху се справува со оваа криза.
🇵🇸🇮🇱 La Jihad Islámica Palestina publica un vídeo de los rehenes israelíes Hanna Katzir, de 77 años, y Yagil Yaakov, de 13, y dice que serán liberados del cautiverio “por razones humanitarias”.
Le hacen agredecerles a los secuestradores por “cuidarlos”. pic.twitter.com/4bsGehy2Ts
— Molotov News (@MolotovNewss) November 9, 2023
Хамза понатаму наведува дека здравјето на 77-годишната жена е загрозено бидејќи повеќе не може да се грижат за неа поради недостиг на струја и гориво. За момчето рекоа дека се подготвени да го ослободат поради хуманитарни причини и неговата возраст, иако, како што тврдат, затворите на окупаторот се преполни со палестински деца. Јагил Јаков и Хана Кацир биле киднапирани од кибуцот Нир Оз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Камала Харис ги коментираше немирите во Лос Анџелес: Ова не е прашање на јавна безбедност, ова е паника

Протестите во Лос Анџелес против рациите на американската Служба за имиграција и царина (ICE) се претворија во судири на улиците на Лос Анџелес, а американскиот претседател Доналд Трамп одобри распоредување на 2.000 војници од Националната гарда во градот.
Насилството ескалираше во текот на викендот, при што демонстрантите фрлаа камења и молотови коктели, палеа автомобили и се судрија со полицијата на неколку локации низ градот. Полицијата одговори со солзавец и гумени куршуми, а Националната гарда зазеде позиции пред федералните згради и други објекти.
Поранешната потпретседателка на САД и претседателска кандидатка Камала Харис, која потекнува од Калифорнија, ја критикуваше одлуката на Трамп за распоредување трупи, нарекувајќи ја „опасна ескалација“ и дел од „сурова, пресметана агенда“ насочена кон ширење страв и поделба.
My statement on what's unfolding in Los Angeles. pic.twitter.com/rujs8mrVPK
— Kamala Harris (@KamalaHarris) June 8, 2025
„Лос Анџелес е мојот дом. И како многу Американци, сум згрозена од она што го гледаме на улиците на нашиот град. Ова не е прашање на јавна безбедност, ова е паника“, рече Харис во објава на платформата Икс. Таа нагласи дека протестите биле „претежно мирни“ и дека продолжува да ги поддржува милионите Американци кои „се залагаат за основните права и слободи“.
Градоначалничката на Лос Анџелес, Карен Бас, го осуди насилството, велејќи: „Секогаш ќе го штитиме правото на граѓаните мирно да протестираат, но насилството и уништувањето нема да се толерираат. Одговорните ќе бидат изведени пред лицето на правдата“.
Гувернерот на Калифорнија, Гавин Њусом, отиде чекор понатаму и повика на повлекување на Националната гарда од Лос Анџелес: „Ова е сериозно кршење на федералниот суверенитет. Немавме проблем сè додека не се вмеша Трамп“.
Трамп одговори на Truth Social: „Ако гувернерот Гавин Њусом и градоначалничката Карен Бас не можат да си ја работат работата – а сите знаеме дека не можат – федералната влада ќе се справи правилно со немирите и грабежите!“
Свет
(Видео) Гувернерот на Калифорнија: Ќе го тужам Трамп за распоредувањето на Националната гарда

Гувернерот на Калифорнија, Гевин Њусом, вели дека ќе го тужи Доналд Трамп за распоредување на трупи на Националната гарда во Лос Анџелес без да се консултира со него.
„Постои протокол, има процес, не му беше гајле за тоа“, рече Њусом во интервју за MSNBC, додавајќи дека планира да поднесе тужба во понеделник наутро.
Тој го обвини Трамп дека е „ладнокрвен лажго“ откако двајцата разговараа во петокот, а Трамп наводно не го споменал распоредувањето на Националната гарда.
Њусом, исто така, рече дека Трамп е спонзор на моменталните услови во Лос Анџелес, додавајќи дека властите во Калифорнија се обидуваат да го исчистат „неговиот хаос“.
Гувернерот ги повика демонстрантите да останат смирени и да не „се фаќаат за мамката на Трамп“. „Не му го давајте изговорот што го бара“, рече тој.
Шеф на полицијата во Лос Анџелес: Распоредувањето на Националната гарда е наредено од врвот
Десетици демонстранти беа уапсени за време на судирите со полицијата во центарот на Лос Анџелес, изјави началникот на полицијата во Лос Анџелес, Џим Мекдонел, за новинарите на прес-конференција.
„Нашата работа не е да ги делиме заедниците или да ги политизираме органите за спроведување на законот. Нашата работа е едноставно да ја заштитиме безбедноста на сите“, рече Мекдонел.
"The Los Angeles Police Department does not participate in or coordinate with Immigration and Customs Enforcement on civil immigration enforcement."- LAPD Chief McDonnell pic.twitter.com/Cf7xFft2Qg
— KTLA (@KTLA) June 9, 2025
Тој се осврна на „длабокиот страв и вознемиреност“ во заедницата што произлегоа од неодамнешните имиграциски рации и рече дека одделот е „посветен на транспарентност, одговорност и третирање на секој жител на Лос Анџелес со почит, без оглед на нивниот имиграциски статус“.
Мекдонел, исто така, рече дека полицијата би „поминала низ серија чекори“ пред да побара распоредување на Националната гарда, но наредбата, додаде тој, дошла од врвот.
Гувернерот на Калифорнија до „граничниот цар“ на Трамп: Дојдете по мене, уапсете ме
Гувернерот на Калифорнија, Гевин Њусом, остро одговори на заканите од „граничниот цар“ на Трамп, кој рече дека не ја исклучил можноста за апсење на Њусом за попречување на спроведувањето на имиграциските закони.
🇺🇸🇲🇽⚡️- Governor Newsom on MSNBC challenges Tom Homan to arrest him.#USA #losangelesprotest #downtownla https://t.co/0GwfUtcmT0 pic.twitter.com/wjd3jy2AQF
— Global War Report. (@GlobeWarReport) June 9, 2025
„Дојдете по мене, уапсете ме, ајде да завршиме со ова, човече“, рече Њусом на MSNBC.
Свет
(Видео) Полицијата во Лос Анџелес погоди новинарка со гумен куршум

Лорен Томаси, дописничка на „Најн њуз“, известуваше од протест во Лос Анџелес кога беше погодена од гумен куршум испукан од блиската полиција.
„Полицијата на Лос Анџелес се приближува на коњи, пукајќи гумени куршуми кон демонстрантите, бркајќи ги низ центарот на Лос Анџелес“, рече таа пред камера, покажувајќи кон полицијата по патот.
The police fired rubber bullets at Australian reporter Lauren Tomasi while she was reporting live from Los Angeles today.
Appalling and unjustified.
pic.twitter.com/QLixvXawDg— Republicans against Trump (@RpsAgainstTrump) June 9, 2025
Секунди подоцна, се слушна тресок, а Томаси ја зграпчи за ногата со крик од болка.