Свет
(Видео) Кабина од градската жичница падна во Колумбија, загина едно лице

Едно лице загина, а девет се повредени кога во колумбискиот град Меделин падна жичница со десет патници.
Во несреќата загина Џон Џаиро Лондоно (55). Несреќата се случила околу 04:30 часот по локално време на линијата К од градската жичарница Метрокабл. За време на инцидентот, десетици патници останале заробени во други кабини, заглавени меѓу станиците, пишува Би-Би-Си.
Cable car fell down on a taxi below in Medellin, Colombia killing at least one and injuring 20 persons.#BREAKING #Colombia pic.twitter.com/bBwybmZKLv
— Target Reporter (@Target_Reporter) June 26, 2024
„Имаме итен случај во системот Метрокабл во североисточната област на Меделин. Кабина со 10 луѓе падна на долниот дел од платформата на станицата Популарно. Повредените се транспортираат во болници“, изјави градоначалникот Фико Гутиерез.
Снимките објавени на социјалните мрежи покажуваат луѓе како лежат на земја.
Карлос Кинтеро од градската служба за итни случаи изјави за локалните медиуми дека на пат кон станицата застанала кабина и била удрена од друга кабина, која потоа се откачила и паднала на тротоарот. Метрокабл се состои од шест линии и 20 станици. Ги поврзува сиромашните делови на градот кои лежат на стрмните ридови со центарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин