Свет
(Видео) Кина го отвори „Дасинг“, најголемиот аеродром на светот
По пет години изградба, денеска во Кина беше отворен најголемиот аеродром на светот. Церемонијата ја отвори кинескиот претседател Шји Џјинпинг.
Изградбата на новиот транспортен јазол, меѓународниот аеродром „Дасинг“ во Пекинг, чинеше 11,3 милијарди долари.
Аеродромот има оригинален и атрактивен терминал во форма на морска ѕвезда, дело на ирачкиот архитект Заха Хадид, кој го дизајнирал пред својата смрт во 2016 година. Се простира на 700.000 квадратни метри, а со четири писти и 268 паркинг-места за авионитее, целосната површина на аеродромот е околу 47 квадратни километри.
Се предвидува дека аеродромот до 2021 година ќе прими околу 45 милиони патници, а тој број ќе се зголеми на дури 72 милиони до 2025 година. Веќе постојат и планови за негово проширување според кои до 2040 година годишно ќе може да прими околу 100 милиони патници.
Иако „Дасинг“ е најголем аеродром на светот, проектиран е така што ниеден патник нема да мора да пешачи повеќе од осум минути за да стигне до кој било гејт.
„Дасинг“ не е само аеродром, туку и најголем кинески сообраќаен јазол. Се наоѓа на околу 45 километри од центарот на Пекинг, но благодарение на поврзаноста со брзата железница и со експресните возови, на патниците нема да им бидат потребни повеќе од 20 минути за од аеродромот да стигнат до центарот на градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.