Свет
(Видео) Кина започна воени вежби околу Тајван, истрелани се 11 балистички ракети
Снимките објавени на кинеските социјални мрежи покажуваат дека проектилот е истрелан кон Тајванскиот Проток. Неколку проектили паднале во морето околу Тајван, а тајванските власти тврдат дека биле истрелани 11 проектили.
Видеата беа споделени без точната локација, но некои корисници велат дека се снимени на островот Пингтан, пренесува Индекс.хр.
Едно од првите видеа што беа објавени е снимено од плажа и го прикажува проектилот како е истрелан.
Проектили летаат директно во морето и не се гледа копно, па се претпоставува дека видеото е снимено од плажа на истокот на островот со поглед на Тајванскиот Проток, пишува Sky News и додава дека изгледот на плажата се гледа во камерата движењето одговара на постоечка фотографија од јавната плажа на заливот Танан, источно од островот Пингтан,
Други објавени снимки на сличен начин може да се лоцираат на островот Пинган, што овозможува да се одреди тој остров со прилично голема доза на сигурност како локација каде што е направена снимката.
Се огласи и Министерството за надворешни работи на Тајван, кое ја обвини Кина дека ја имитира Северна Кореја со истрелување проектили во водите во близина на островот и повика на воздржаност, во време на зголемени тензии во тајванскиот теснец по посетата на Ненси Пелоси.
Video of PLA long range rockets firing from Fujian Pingtan into the Taiwan strait. I note this is on the Taiwan side of the median line. pic.twitter.com/TldLcn81oR
— Bonaaannn (@BN9195) August 4, 2022
Во соопштението на Министерството за надворешни работи се вели дека Кина ја загрозува безбедноста на Тајван и ги повика земјите да го поддржат островот и, како што наведе, заедно да ги бранат слободата и демократијата.
Претходно, тајванското Министерство за одбрана соопшти дека кинеската војска денеска истрелала проектили од островот Мацу.
Пелоси направи кратка ненајавена посета на Тајван, што наиде на остра осуда од Кина и доведе до зголемени тензии во Тајванскиот Проток, пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка драстично ги намалува летовите поради блокадата на владата
Американскиот министер за транспорт Шон Дафи најави драстичен потег за намалување на летовите за 10 проценти на 40 клучни аеродроми низ целата земја.
Тој ги наведе безбедносните загрижености во контролата на воздушниот сообраќај предизвикани од блокадата на владата, која влезе во рекордни 36-ти ден, објави Ројтерс.
Неочекуваниот план ги принуди авиокомпаниите да брзаат да подготват значителни намалувања на распоредот на летовите за само 36 часа, додека патниците ги преплавија линиите за услуги на клиентите загрижени за своите патувања. Дафи рече дека намалувањата би можеле да се поништат ако демократите се согласат повторно да ја отворат владата.
Најдолгото затворање во историјата на САД остави 13.000 контролори на воздушниот сообраќај и 50.000 агенти на Администрацијата за безбедност на транспортот да работат без плата. Овој потег доаѓа во време кога администрацијата на Трамп го зголемува притисокот врз демократите, кои ги обвинуваат републиканците за кризата со тоа што одбиваат да преговараат за клучните субвенции за здравствена заштита.
Откако започна блокадата, десетици илјади летови веќе се одложени поради недостаток на контролори на летање, а авиокомпаниите проценуваат дека најмалку 3,2 милиони патници се погодени.
фото: принтскрин
Европа
Итен состанок во Белгија за беспилотните летала: „Тие се видени над воени бази“
Советот за национална безбедност на Белгија денес ќе одржи итен состанок откако мистериозни дронови предизвикаа хаос во воздушниот сообраќај и предизвикаа сериозни безбедносни загрижености.
Летовите на најпрометниот белгиски аеродром во Брисел, беа прекинати со часови во вторник вечерта, а дронови беа забележани и над неколку воени бази, што доведе до откажување на десетици летови и доцнење на стотици патници, објавува „Гардијан“.
Суспензијата на дојдовните и појдовните летови во вторник вечерта резултираше со 95 откажувања на аеродромот во Брисел, а портпаролот потврди дека помеѓу 400 и 500 луѓе ја поминале ноќта на терминалите.
Патниците беа предупредени за можни доцнења во среда бидејќи многу авиони беа заглавени на погрешни локации. Воздушниот простор беше затворен и над аеродромот во Лиеж, голем европски товарен центар, што предизвика дополнителни откажувања и пренасочувања.
Во исто време, градоначалникот на фламанскиот град Дист објави дека полицијата и војниците забележале четири дрона во близина на воената воздухопловна база Шафен. Инцидентите се случија откако белгиските власти веќе започнаа истрага за видувања на дронови над неколку воени бази во текот на викендот, вклучувајќи го и Клајне-Брогел, дом на белгиски борбени авиони Ф-16 и за кој се верува дека складира американско нуклеарно оружје.
Белгискиот министер за одбрана, Тео Франкен, изјави пред парламентарната комисија дека инцидентите се чини дека се координирани со цел да се предизвикаат нарушувања.
фото: принтскрин
Свет
САД во ОН ја претстави нацрт-резолуцијата за планот на Трамп за Газа
САД им претставија на своите партнери во Советот за безбедност на ОН нацрт-резолуција со која се обидуваат да го поддржат мировниот план на претседателот Доналд Трамп за Газа, кој вклучува распоредување на меѓународни стабилизациски сили, соопшти американската мисија во ОН.
Амбасадорот на САД во ОН, Мајк Валц, ги собра десетте членки на Советот за безбедност и неколку регионални партнери – Египет, Катар, Обединетите Арапски Емирати, Саудиска Арабија и Турција – за да разговараат за нацрт-резолуцијата. Портпаролот на американската мисија рече дека Вашингтон покажува „регионална поддршка“ за предложениот текст.
Иако датумот за гласање сè уште не е одреден, нацрт-резолуцијата „го поздравува формирањето на мировен совет“ со кој претседава Трамп, кој ќе ја надгледува преодната влада во Газа.
Документот, исто така, „ги овластува Меѓународните сили за стабилизација“ (ISF) наведени во мировниот план на Трамп од 20 точки, изјави портпарол на американската мисија.
Неколку земји, вклучувајќи ја и Индонезија, веќе изразија подготвеност да учествуваат во силите, но инсистираат на мандат од Советот за безбедност на ОН пред да испратат трупи на палестинска територија, изјавија дипломатски извори.
„Благодарение на храброто водство на претседателот Трамп, САД повторно ќе постигнат резултати во ОН, а не бесконечни дискусии“, изјави портпарол на американската мисија.
фото: принтскрин

