Свет
(Видео) Кина покажа невидено оружје од кое се плаши Западот

На воена парада во Кина беа претставени неколку нови ракетни и одбранбени системи покажувајќи колку бргу земјата го развива својот стратешки арсенал.
Една од најзначајните беше „Донгфенг-5Ц (ДФ-5Ц)“, нова варијанта на кинеската интерконтинентална балистичка ракета способна за нуклеарно оружје. Аналитичарот за одбрана Александар Нил забележа дека „ДФ-5Ц“ има поголем дострел и може да носи до 12 бојни глави на една ракета.
Станува збор за двостепена ракета на течно гориво, напојувана од две последователни ракетни фази, секоја со свој мотор. Сместена е во подземни силоси и служи како стратешко средство за одвраќање.
🇨🇳☢️ China showcased its DF-5C intercontinental ballistic missile (ICBM) at the Beijing parade. With a global strike radius, the DF-5C is capable of carrying multiple nuclear warheads and reaching any point on Earth. pic.twitter.com/h2T3K0B453
— DD Geopolitics (@DD_Geopolitics) September 3, 2025
Според Нил, „Донгфенг-5“ е дизајниран да биде лансиран од кинеските силос полиња на северот од земјата, од каде што може да погоди цели во континенталниот дел на САД. Центарот за стратешки и меѓународни студии вели дека ракетата може да носи големи нуклеарни бојни глави и да достигне цели во САД и во Западна Европа.
На парадата беше претставен и „Донгфенг-61“ („ДФ-61“), долгоочекувана ракета дизајнирана да влезе во делумна орбита и да испорача хиперсонично оружје. Станува збор за мобилна ракета на патна база, што ѝ дава голема мобилност. Во комбинација со мобилен фрлач (TEL) може лесно да се скрие, бргу да се наполни со гориво и да се распореди на разни локации држејќи го противникот во неизвесност.
Д-р Сидхарт Каушал, водечки експерт за ракети во лондонскиот тинк-тенк RUSI, истакна уште два нови хиперсонични система – „YJ-17“, хиперсонично летало за едрење, и „YJ-19“, хиперсонична крстосувачка ракета.
Кина исто така инвестира многу во развој на вештачката интелигенција и автономното оружје. Пример за ова е „AJX002“, џиновски подводен дрон долг 18 метри, способен да носи нуклеарно оружје.
Покрај ракетните системи, беше прикажано и ласерско оружје монтирано на осумтркален оклопен камион „HZ-155“. Според Александар Нил, ова е исклучително моќен систем, кој може да ги онеспособи или запали електронските уреди, па дури и да ги заслепи пилотите.
Shipborne laser #weapons revolutionize #naval #warfare.#Vdaymilitaryparade #China #navalwarfare pic.twitter.com/fcDxHO9c2X
— Beijing Daily (@DailyBeijing) September 3, 2025
Нуклеарниот арсенал на Кина моментно се проценува на стотици ракети, значително помал од арсеналите на Русија и на САД, кои се мерат во илјадници. Но, тој бргу расте, а Кина развива иновативни начини за паралелно испорачување на своите бојни глави.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп: Зеленски е голем човек, НАТО треба да соборува руски авиони што го нарушуваат воздушниот простор

Американскиот претседател Доналд Трамп се сретна со украинскиот претседател Володимир Зеленски во Њујорк по неговиот говор пред Генералното собрание на Обединетите нации. Тоа беше нивна прва средба лице в лице по месеци тензии, и токму таму Трамп (уште еднаш) го промени својот тон кон Украина, пофалувајќи ја нејзината борба против руската инвазија.
„Мислам, погледнете, тие се борат, а оваа војна трае веќе три и пол години“, им рече Трамп на новинарите пред состанокот. „Луѓето мислеа дека ќе заврши брзо затоа што Русија е голема воена сила, а Украина, ви велам, тие се добри борци“.
Невообичаено топол тон кон Зеленски
Во разговорот со Зеленски, Трамп упати невообичаено топол тон. Тој го нарече „голем човек“ и додаде: „Тој води многу добра борба. Имаме големо почитување за борбата што ја води Украина, всушност е прилично неверојатна“.
Потоа Трамп му даде збор на својот украински колега и го праша: „Дали сакате да ми кажете како се справувате на бојното поле?“ Зеленски одговори дека ќе му достави извештај за ситуацијата на Трамп и додаде: „Имаме добри вести“. Тој, исто така, најави разговори за безбедносни гаранции и зголемување на притисокот врз Русија.
На прашањето на новинар дали мисли дека НАТО треба да соборува руски авиони ако влезат во воздушниот простор на членките на алијансата, Трамп одговори: „Да, мислам дека треба“. На прашањето дали САД би поддржале таква одлука, тој рече дека тоа зависи од околностите.
Коментарите на Трамп доаѓаат откако Естонија минатата недела објави дека три руски борбени авиони МиГ-31 го нарушиле нејзиниот воздушен простор и останале таму 12 минути пред да бидат избркани од италијански борбени авиони на НАТО. Една недела претходно, околу 20 руски беспилотни летала влегоа во полскиот воздушен простор, од кои некои беа соборени откако НАТО дополнително ја зајакна одбраната на источниот дел од Европа.
фото: принтскрин
Свет
(Видео) Драма во судницата: атентаторот на Трамп се обидел да се самоубие откако беше прогласен за виновен

Рајан Весли Раут, кој беше прогласен за виновен по сите точки од обвинението за обидот за убиство на Доналд Трамп, минатата година за време на кампањата за претседателските избори, се обиде да се самоубие во судницата.
NOW – Ryan Routh tries to stab himself in the neck with a pen after his guilty verdict was read. pic.twitter.com/gQh2Tpja9a
— Disclose.tv (@disclosetv) September 23, 2025
Како што објави американскиот „Фокс њуз“, тој се обидел да се прободе во вратот со пенкало.
Обидот за самоубиство се случи откако беше објавено дека е прогласен за виновен во судница во Флорида.
Фото: принтскрин
Свет
(Видео) Трамп и Меланија се заглавија на скалите, па „идиотот“ се расипа пред Генералното собрание на ОН, снимките станаа вирални

Доналд Трамп стана вирален на социјалните мрежи пред Генералното собрание на Обединетите нации во Њујорк.
Пред да влезат во салата, американскиот претседател и првата дама Меланија Трамп се заглавија на ескалаторите, кои застанаа токму кога стигнаа до нив. Но, тоа не беше сè. Откако Доналд Трамп, со помош на соработници, успеа да стигне до местото наменето за говорот, телепромптерот (т.н. „идиот“) се расипа токму во моментот кога претседателот требаше да го започне својот говор.
This is insane…
As Trump arrived to the UN, the escalator stopped working the moment he stepped on it.
Then the teleprompter stopped working the moment he got up to the podium to speak. pic.twitter.com/XBTgfr6zJ8
— Geiger Capital (@Geiger_Capital) September 23, 2025
„Кој и да е задолжен за овој телепромтер е во голема неволја“, рече Трамп и ја насмеа публиката. Тој импровизираше неколку воведни реченици, обидувајќи се да го скрие изненадувањето предизвикано од техничкиот проблем.
„Никогаш не добив телефонски повик од Обединетите нации во кој ќе ми понудат да помогнам во финализирањето на договор за прекин на војните. Сè што добив од Обединетите нации беше ескалатор кој застана точно на средина на патот до горе. Ако првата дама не беше во одлична форма, ќе паднеше. Но, ние сме во одлична форма, двајцата сме во добра форма, а потоа телепромтерот не работеше – тоа се две работи што ги добив од Обединетите нации.“
Видеата од „несреќите“ на Трамп брзо се проширија на социјалните мрежи и предизвикаа бројни коментари.
„Можете ли да замислите да беше Бајден? Ќе беше заглавен на тој ескалатор додека не го поправат“, „Можеби е само карма“, „Дали ќе ги санкционира Обединетите нации затоа што ескалаторот застана?“, „Причините се непознати. Погледнете го изразот на Трамп, тој точно знае што се случува“, „На Трамп не му треба смрдлив телепромтер“, „Некој ќе биде отпуштен денес“, „Хаха, ОН немилосрдно го трола Трамп“ се некои од коментарите на X, пишува Index.hr.
Фото: принтскрин