Свет
(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и слевајќи се кон Атлантскиот Океан.
Ова според вулканолозите е прва вулканска ерупција во последните 50 години на тој архипелаг западно од Африка.
„Канарските Острови се безбедни и може да се посетат, а ерупцијата на вулканот таму создава прекрасно шоу“, изјави вчера шпанската министерка за туризам, Марија Рејес Марото.
Неколку часа потоа беа евакуирани пет илјади луѓе поради ерупцијата на вулканот.
Lava swallowing homes, today in La Palma, Canary Island pic.twitter.com/FFJASdpxGf
— Joaquim Campa (@JoaquimCampa) September 19, 2021
„Островот е отворен“, изјави Марото нарекувајќи ја ерупцијата прекрасно шоу.
Нема ограничувања за патување на островот. Всушност, ние споделуваме информации со туристите за да знаеме дека може да уживаат во нешто невообичаено, да го видат со свои очи“, рече таа.
? #VÍDEO | Imágenes de la lava del volcán de La Palma en el interior de una vivienda pic.twitter.com/XllTcNQiAW
— EL ESPAÑOL (@elespanolcom) September 20, 2021
Подоцна околу 360 туристи беа евакуирани од летувалиштето во Ла Палма и беа однесени на блискиот остров Тенерифе, изјави портпаролот на бродската компанија, Фред Олсен.
Una isla que aún está en formación. Las más joven del archipiélago Canario, La Palma solo tiene 2 millones de años mientras las otras 6 tienen en promedio una edad de 20 millones de años. #Lapalmaerupcion #Canarias pic.twitter.com/jy327zFcw0
— Gregorio Marrero (@gregmarrero) September 20, 2021
Уште 180 туристи би можеле да бидат евакуирани подоцна во текот на денот, додаде тој.
Регионалниот лидер Виктор Торес рече дека лавата од вулканот ќе стигне до морето во 20 часот по локално време додавајќи дека вулканот ќе биде активен уште неколку дена. Досега се евакуирани илјадници луѓе, а лавата буквално проголта неколку куќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.