Свет
(Видео) Лидерот на Хутите: Бајден е старец кој едвај се качува по скали
Лидерот на јеменските Хути го исмејуваше Бајден во неговиот телевизиски говор. Сајед Абдул-Малик ал-Хути изјави дека Бајден е старец кој има проблеми да се качува по скалите на авион, но тој патува 9.000 километри за да ги нападне оние кои сакаа да застанат со угнетениот народ во Газа.
Тој додаде дека Израел не успеал да постигне ниту една од своите цели во Појасот Газа, но продолжува да го масакрира палестинскиот народ.
“العدوان الأميركي البريطاني ضد بلدنا يؤكد مدى فاعلية ما نفعله في البحر مساندة للفلسطينيين، ولم يأخذ الأميركي الدروس والعبر من حرب علينا امتدت 9 سنوات”
زعيم حركة أنصار الله السيد عبدالملك الحوثي#اليمن#الميادين #غزة pic.twitter.com/FYRSTbGldm
— قناة الميادين (@AlMayadeenNews) January 18, 2024
„Израелскиот непријател не ги постигна своите цели, но продолжува со своите злосторства. Во текот на изминатите 104 дена, тие извршија над 2.000 масакри и геноциди врз палестинскиот народ“, рече Сајед Абдул-Малик ал-Хути во телевизиско обраќање.
Тој нагласи дека војната на Израел против Газа е злосторство, иако САД и Велика Британија одбиваат да го признаат тоа. Лидерот на Хутите ги критикуваше меѓународните организации дека само гледаат што се случува во Газа без да преземат никакви конкретни мерки за да го запрат.
Тој предупреди дека американските и британските бродови, заедно со сите бродови поврзани со Израел, ќе продолжат да бидат цел на јеменските вооружени сили во Црвеното Море.
На крајот, тој ги нападна САД велејќи дека имаат темна историја на злосторства против различни народи ширум светот.
„Ако Американците веруваат дека имаат право да дојдат од повеќе од 9.000 километри оддалеченост во нашиот регион, тогаш како ние немаме право да застанеме покрај палестинскиот народ кога тие се дел од нас?“, праша Ал Хути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Свет
Израел го продолжува нападот врз Рафа, САД: Тоа нема да го порази Хамас
Американскиот претседател Џо Бајден верува дека големата израелска операција во Рафа нема да ја унапреди целта на земјата за поразување на палестинската милитантна група Хамас во Газа, изјави денеска претставник на Белата куќа.
„Ударот на Рафа, според него, нема да ја унапреди таа цел“, рече портпаролот Џон Кирби.
Кирби рече дека Хамас е под значителен израелски притисок и дека сега има подобри начини да се нападне остатокот од раководството на групата отколку операција со значителен ризик за цивилите.
„Тврдењата дека се оддалечуваме од Израел или дека не сме подготвени да им помогнеме да го поразат Хамас, едноставно не се точни“, додаде тој.
Тековната рунда преговори во Каиро за можниот договор за ослободување на заложниците заврши без видливо решение, изјави денеска висок израелски функционер. Израел ќе продолжи со операцијата во Рафа, додаде тој.
Вчера, Бајден за прв пат јавно го предупреди Израел дека САД ќе престанат да го снабдуваат со оружје доколку израелските сили извршат голема инвазија на Рафа, град полн со палестински бегалци во јужниот дел на Газа.
Израелскиот премиер Бенјамин Нетанјаху денеска изјави дека неговата земја е подготвена да продолжи сама да се бори доколку е потребно.
„Како што реков претходно, ако треба, ќе се бориме со нокти“, рече Нетанјаху во видео изјавата.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.