Свет
(Видео) Луѓето во карантин, орди животни излегуваат на улиците
Во земји како Италија, Тајланд и Јапонија присуството на животни на улиците се зголеми како резултат на отсуството на луѓе.
Милиони урбани жители остануваат во своите домови поради карантинот воведен како мерка за спречување на ширењето на Ковид-19. Во некои градови е забележано зголемено присуство на животни на улиците. Тие бестрашно се шетаат затоа што речиси и да нема луѓе наоколу, пренесува „Кликс“.
Deer in Nara, Japan are used to tourists feeding them.
Now, coronavirus has halted tourism.
And the deer are racing through the streets looking for food. pic.twitter.com/i05k85cZxU
— Joshua Potash (@JoshuaPotash) March 17, 2020
Нара е град познат по големиот парк во кој живеат елени, но некои од нив почнале да излегуваат на улиците во потрага по храна. Обично улиците на овој град се полни со туристи, а сликата на елените кои живеат во Нара е една од најголемите атракции. Луѓето обично ги хранат со крекери. Бројот на посетители во паркот опаѓа последниве недели, така што елените немаат друг избор освен да бараат храна на улиците.
На „Твитер“ беа објавени голем број фотографии на елени, што предизвика шок или страв кај жителите на Нара. Некои корисници велат дека е забавно да се видат во град.
Друго видео прикажува снимка на гладни мајмуни на градскиот плоштад во Лопбури, Тајланд.
Posted by Sasaluk Rattanachai on Вторник, 10 март 2020
Италија е една од најтешко погодените земји од коронавирусот. Многу градови се целосно изолирани поради пандемијата, при што на социјалните мрежи кружат фотографии на кои се гледа дека овци, диви свињи и коњи шетаат по пустите улици, пишува Bored Panda.
Еден Италијанец објави фотографија на која се гледа како коњ слободно шета низ улиците на неговиот град. Потоа еден негов сонародник објави фотографија на овци кои трагаат по храна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.