Европа
(Видео) Масовен напад врз Русија, погоден магацин со дронови, гори кај воениот аеродром

Украинските сили во последните часови нападнаа неколку цели во Русија со беспилотни летала.
Експлозиите се слушнале недалеку од селото Октјабрскиј во Краснодарската територија. Руските власти известија дека избувнал пожар во магацин. Тие изјавија дека според првите информации нема жртви и дека пожарникарите успеале да го локализираат пожарот на површина од 1.600 метри квадратни.
Генералштабот на украинските вооружени сили соопшти дека е погоден магацин во кој имало ирански беспилотни летала Шахед, кои Русија ги користи за секојдневни напади врз Украина. Техеран испрати илјадници гореспоменатите беспилотни летала во Москва, па Русија ги лансира речиси секојдневно на цели во Украина.
Shaheds detonation 💥🔥 pic.twitter.com/KZvMRsamoA
— MAKS 24 🇺🇦👀 (@Maks_NAFO_FELLA) October 9, 2024
Украинците тврдат дека во погодениот магацин имало околу 400 дронови. Според соопштението, нападот го извршиле украинската морнарица и единиците на Службата за безбедност на Украина (СБУ). Генералштабот тврди дека биле снимени серија последователни детонации.
„Забележан е точен удар на целта. Уништувањето на магацинот на беспилотните летала Шахед значително ќе ја намали способноста на руските окупатори да ги тероризираат цивилите во украинските градови и села“, додаваат од Генералштабот.
THIS IS AWESOME 👏👏👏 pic.twitter.com/e0LolAEAvc
— MAKS 24 🇺🇦👀 (@Maks_NAFO_FELLA) October 9, 2024
Со беспилотни летала беше нападнат и воениот аеродром Ханска во реонот на истоименото село во Адигеја, руска република во Северен Кавказ. Пожар бил пријавен во близина на воен аеродром по ноќен напад, според системот за следење на пожарот на НАСА.
Adygea update pic.twitter.com/xM3pQkor0v
— IgorGirkin (@GirkinGirkin) October 10, 2024
Локалното население ги слушнало беспилотните летала, но локалните власти се уште не ги објавиле последиците на нападот. Рускиот канал на Телеграм, Астра тврди дека споменатиот воен аеродром е дом на рускиот 272-ри авијациски полк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Убиен полицаец во напад на полициска станица во Чеченија, Кадиров ги обвинува Украинците

Полицаец и напаѓач со нож се убиени вчера во напад на полициска станица во Чеченија, соопштија официјални лица, а лидерот на рускиот регион Рамзан Кадиров сугерира дека во нападот учествувал украински државјанин.
Кадиров, чеченскиот лидер и жесток поддржувач на рускиот претседател Владимир Путин, рече дека напаѓачот бил „ликвидиран“ по нападот во полициската станица во Ачка-Мартан, пред регионалниот главен град Грозни.
Кадиров испрати чеченци да се борат заедно со руските војници во војната во Украина, која Русија ја започна со инвазија на својот помал сосед.
Во коментарите објавени вчера на Телеграм, Кадиров рече дека е утврдено дека напаѓачот дејствувал по наредба на група предводена од украински државјанин. Тој не понуди докази за вмешаноста на Украина.
Ројтерс не можеше независно да ги потврди извештаите. Нема веднаш коментар од Украина за тврдењата на Кадиров.
Европа
Единствената американска конгресменка со украинско потекло: Зеленски е кретен и измамник

Републиканката Викторија Спартц, првата и единствена членка на американскиот Конгрес со украинско потекло, се огласи откако британски Телеграф објави интервју со неа.
Според она што го објави Телеграф, Спартц ги повикала Украинците да ѝ отстапат територија на Русија и да го сменат претседателот Володимир Зеленски доколку не сакаат да ја изгубат целата земја. Сепак, Спартц набрзо го обвини Телеграф за „намерно лажно претставување“.
„Потрошив огромна количина на енергија обидувајќи се да и помогнам на украинската армија да победи во бруталната борба против Русија. За жал, ако имате кретени и измамници како Зеленски и неговиот марионетски парламент кои управуваат со вашата земја, тоа е изгубена кауза. Путин можеби е злобен, но не е кретен“, рече таа.
Спарц го повтори тврдењето дека Украина нема да може да ги врати териториите кои се под руска окупација. „Сегашната реалност на теренот е дека Украина не е во позиција да ги врати своите територии“, нагласи таа.
„Затоа, може да се постигне само привремено решение со помош на САД, што на секоја страна ќе и даде одредено време да се регрупира. Конечниот исход од таа војна ќе треба да се реши подоцна, а не само на бојното поле“, додаде таа.
Европа
Орбан ги ограничува цените на храната: „Странските трговски ланци ги ограбуваат Унгарците“

Унгарскиот премиер Виктор Орбан воведе контрола на цените на основните прехранбени производи во супермаркетите.
Економистите проценуваат дека оваа мерка може да донесе краткорочно олеснување за потрошувачите, но не значи многу за жителите од руралните средини далеку од супермаркетите.
„Не се вклучени малите продавници, само големите мултинационални компании, а ние не одиме таму“, рече пензионер, кој живее село во еден од најсиромашните региони во Унгарија.
Друга пензионерка, рече дека „ја боли што селата биле изоставени“ од контролата на цените.
Инфлацијата во Унгарија повторно порасна, достигнувајќи 5,7 отсто во февруари, што е повисока отколку во која било од 27-те членки на Европската унија. Потрошувачките цени низ ЕУ се зголемија во просек за 2,7 отсто.
Премиерот Орбан, кој се кандидира за уште еден мандат следната година, ги ограничи маржите на супермаркетите на 30 основни прехранбени производи. Сега може да изнесува 10 проценти над трошоците за големопродажба. Мерката, која вклучува намирници како јајца, млеко и месо, ги ослободува трговците на мало со пониски годишни приходи, заштедувајќи пари на локалните намирници.
Набргу по стапувањето на сила на мерките, Орбан ги обвини странските трговци дека ги „ограбуваат Унгарците“ со нивните „прекумерни и неоправдани зголемувања на цените“.
Наведувајќи маржи од 42 отсто на пилешки крилца или 70 отсто на јогурти, Орбан рече дека „итната интервенција“ е дизајнирана да ги заузда трговците кои „се грижат само за профитот“.