Свет
(Видео) Мајка и син со часови се криеле од Хамас, биле спасени од израелски војници
![](https://makfax.com.mk/wp-content/uploads/2023/10/majka-sin-spasuvanje-izrael.jpg)
Израелската војска на „Твитер“ објави видео од спасувањето на мајка и син што се криеле во засолниште минатата сабота за време на нападот на милитантите на Хамас.
Moment Israeli soldiers tell terrified mother and son ‘It’s the IDF, everything is ok’ after they spent hours locked in safe room hiding from Hamas gunmen | Daily Mail Online https://t.co/iNeF7QNSPx
— Jackie Rogers (@JacquiRogers2) October 15, 2023
„По неколку часови поминати во засолниште за време на масакрот во Хамас, нашата специјална единица ‘Окец’ им ја пренесе веста на мајката и синот дека се безбедни“, напиша израелската војска на „Твитер“. На видеото се гледа како војниците тропаат на вратата и велат дека се членови на ИДФ: „Ние сме ИДФ, ние сме ИДФ. Сè е во ред. Како сте?“, ѝ велат војниците на исплашената жена.
Хамас масакрира израелски цивили на 7 октомври кога упадна на младински музички фестивал и го изврши најлошото крвопролевање во израелската историја. Досега повеќе од 1.400 луѓе загинаа во Израел, вклучувајќи 286 војници. Од друга страна, повеќе од 2.600 луѓе загинаа во израелските напади врз Појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.