Свет
(Видео) Мексиканската претседателка: Ќе одговориме на САД, одиме напред со план Б

Мексиканската претседателка Клаудија Шејнбаум нареди воведување царини како одговор на одлуката на САД да воведат царина од 25 отсто за стоките што доаѓаат од Мексико, во услови на избувнување на трговска војна меѓу двете соседни земји.
Во подолг пост на Икс, Шејнбаум рече дека нејзината влада бара дијалог, а не конфликт, со нејзините најважни трговски партнери на север, но дека Мексико е принудено да одговори на ист начин.
„Му наредив на мојот секретар за економија да го спроведе планот Б, на кој работиме, кој вклучува царински и нецарински мерки за одбрана на мексиканските интереси“, објави Шејнбаум, иако не кажа кои американски стоки има намера да ги царини.
Rechazamos categóricamente la calumnia que hace la Casa Blanca al Gobierno de México de tener alianzas con organizaciones criminales, así como cualquier intención injerencista en nuestro territorio.
Si en algún lugar existe tal alianza es en las armerías de los Estados Unidos…
— Claudia Sheinbaum Pardo (@Claudiashein) February 2, 2025
Со децении, двете земји имаат развиено трговија меѓу нив, вклучително и високо интегрирана автомобилска индустрија, како и големи количини сурова нафта, природен гас и моторни горива кои се движат во двете насоки.
Мексико исто така испраќа големи количини свежи производи на север, вклучувајќи авокадо и домати, додека американските фармери испраќаат големи количини пченка и други житарки во Мексико.
САД се далеку најважниот странски пазар за Мексико, при што Мексико ја надмина Кина како главна дестинација за американски извоз во 2023 година.
Como decía Juárez: Nada por la fuerza; todo por la razón y el derecho. Entre los individuos, como entre las naciones, el respeto al derecho ajeno es la paz. Mensaje al pueblo de México: pic.twitter.com/yYUKmZsonY
— Claudia Sheinbaum Pardo (@Claudiashein) February 2, 2025
Мексико се подготвува за воведување царини од 5 до 20 отсто за увоз на свинско месо, сирење, свежи производи и челик и алуминиум од САД. Автомобилската индустрија, барем во почетната фаза, би била поштедена.
Извозот на САД во Мексико во 2023 година изнесуваше повеќе од 322 милијарди долари, додека САД увезоа повеќе од 475 милијарди долари мексикански производи, покажуваат податоците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Келог: Русија не го добива конфликтот, Украина се бори храбро

Специјалниот претставник на американскиот претседател, Кит Келог, изјави дека Русија не го добива конфликтот во Украина. Неговите зборови ги пренесува „Скај њуз“ од Варшавскиот безбедносен форум.
Келлог истакна дека Европа денес е сведок на конфликт каков што не е виден од Втората светска војна. Според неговата процена, Москва не напредува во согласност со своите цели, а украинската страна се бори храбро и исклучително добро. Тој нагласи дека борбата меѓу Москва и Киев мора да заврши.
Претходно, портпаролот на рускиот претседател, Дмитриј Песков, нагласи дека Русија продолжува да ги спроведува своите стратешки воени операции во Украина, насочени и кон сегашноста и кон иднината на земјата. Песков потсети дека претседателот Владимир Путин постојано ја нагласувал потребата од решавање на основните причини за украинската криза, како и потребата Москва да ги постигне целите поставени од почетокот на конфликтот.
Фото: принтскрин
Свет
Песков: Украина продолжува со милитаристичка политика наместо дијалог

Украина продолжува со својата милитаристичка политика наместо дијалог, изјави денес Дмитриј Песков, портпарол на рускиот претседател, Владимир Путин.
„Гледаме дека тие (Украина) продолжуваат со овој милитаристички став наместо да размислуваат како да се вклучат во дијалог со цел заеднички да бараат безбедносни гаранции за време и во рамките на дијалогот“, изјави Песков пред новинарите, пренесува „РИА новости“.
Тој додаде дека Кремљ слуша разни гласови од европските престолнини и затоа продолжува да ја следи ситуацијата.
Одговарајќи на прашање за изјавите на претседателката на Европската комисија, Урсула фон дер Лајен, во врска со создавањето ѕид од беспилотни летала во Европа, Песков рече дека историјата покажува дека градењето ѕидови е секогаш лоша работа.
„Многу е тажно што оваа милитаристичка конфронтациска политика на Украина сега потенцијално би можела да почне да се материјализира во создавање нови ѕидови на поделба“, истакна тој.
Фото: принтскрин
Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин