Свет
(Видео) Моето име е Џо Бајден, јас сакам сладолед, рече американскиот претседател пред да заборува за масакрот во училиштето
Американскиот претседател Џо Бајден се пошегува дека се појавил во Белата куќа само затоа што слушнал дека ќе има сладолед. Всушност, тој го кажа ова непосредно пред да почне да зборува за ужасното масовно пукање, кое неколку часа претходно однесе шест животи во основното училиште во Нешвил.
„Моето име е Џо Бајден. Јас сум сопруг на д-р Џил Бајден. И сакам сладолед, со чоколадни парчиња. Дојдов тука затоа што слушнав дека има сладолед од чоколадо. Инаку, горе имам полн фрижидер“, рече претседателот на собирот на жени претприемачи.
Бајден потоа стана сериозен и се осврна на пукањето во училиштето „Ковенант“, во кое загинаа тројца ученици и тројца членови на персоналот, нарекувајќи го злосторството „болно“ и негов „најлош кошмар“ пред уште еднаш да го повика Конгресот да донесе забрана за оружје.
BREAKING: Outrage after President @JoeBiden said this at the start of his speech while children and adults were massacred in Nashville shooting, “My name is Joe Biden. I’m dr. Jill Biden’s husband. I like ice cream, chocolate chip. I came down because I heard there was chocolate… pic.twitter.com/Wa7nFApjMu
— Simon Ateba (@simonateba) March 27, 2023
На изненадување на присутните, Бајден се врати на темата за сладоледот, со уште еден повик до претставник на „Џенис“, синџир продавници со седиште во Охајо, со продавници во целата земја, вклучително и локација во близина на Белата куќа.
„Ако ми дозволат да те однесам горе, би ти го покажал целиот замрзнувач полн со сладолед од чоколадо“, продолжи Бајден.
Покрај тоа, Бајден се пошегува дека „прилично е досадно кога си јавна личност како него, а познат си по две работи: сладолед од чоколадо и очила за сонце „рејбан“.
Корисниците на „Твитер“ не го прифатија хуморот на Бајден, туку го критикуваа со оглед дека не е време за вакви шеги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Свет
Израел го продолжува нападот врз Рафа, САД: Тоа нема да го порази Хамас
Американскиот претседател Џо Бајден верува дека големата израелска операција во Рафа нема да ја унапреди целта на земјата за поразување на палестинската милитантна група Хамас во Газа, изјави денеска претставник на Белата куќа.
„Ударот на Рафа, според него, нема да ја унапреди таа цел“, рече портпаролот Џон Кирби.
Кирби рече дека Хамас е под значителен израелски притисок и дека сега има подобри начини да се нападне остатокот од раководството на групата отколку операција со значителен ризик за цивилите.
„Тврдењата дека се оддалечуваме од Израел или дека не сме подготвени да им помогнеме да го поразат Хамас, едноставно не се точни“, додаде тој.
Тековната рунда преговори во Каиро за можниот договор за ослободување на заложниците заврши без видливо решение, изјави денеска висок израелски функционер. Израел ќе продолжи со операцијата во Рафа, додаде тој.
Вчера, Бајден за прв пат јавно го предупреди Израел дека САД ќе престанат да го снабдуваат со оружје доколку израелските сили извршат голема инвазија на Рафа, град полн со палестински бегалци во јужниот дел на Газа.
Израелскиот премиер Бенјамин Нетанјаху денеска изјави дека неговата земја е подготвена да продолжи сама да се бори доколку е потребно.
„Како што реков претходно, ако треба, ќе се бориме со нокти“, рече Нетанјаху во видео изјавата.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.