Свет
(Видео) Момче доживеало мозочен удар по еден месец непрестајно играње видеоигри
Момче на 15-годишна возраст од Кина е пренесено во болница кога се онесвестило во својот дом во градот Нанинг. Тој наводно доживеал мозочен удар по играњето видеоигри цел месец, поради што му е парализирана левата, и спиел само два часа во ноќта.
Како и голем број негови врсници во Кина, Ксиобин бил затворен во куќата уште од февруари поради коронавирусот. Неговите родители им рекле на лекарите дека поголемиот дел од времето го поминувал во својата соба под изговор дека присуствува на онлајн-настава, но подоцна откриле дека тој, всушност, ги минувал деновите и повеќето ноќи играјќи видеоигри.
Според медицинските експерти од болницата „Џијангбин“, тоа било главната причина за невообичаениот мозочен удар на момчето, што му ја парализирало раката.
„Ги затвори прозорците и ја заклучи вратата. Немавме поим што прави таму“, рече мајката на Ксиобин.
Кога се онесвестил во својот дом, тој бил пренесен во болница, каде што СТ-скенирањето покажало дека доживеал мозочен удар. Специјалист за неврологија им рекол на новинарите дека состојбата на момчето, која е невообичаена за толку рана возраст, веројатно е предизвикана од нездравиот животен стил што го водел во изминатите месеци.
„Главната причина е што тој имаше нередовен распоред на спиење и јадење затоа што не беше на училиште. Неговите родители беа премногу толерантни кон неговото однесување“, вели доктор Ли. „Недостигот на исхрана и одмор довел до намалена количина крв и кислород во неговиот мозок и предизвикал мозочен удар“.
Момчето е во болница од март, но лекарите велат дека е тешко да се каже дали воопшто некогаш целосно ќе закрепне и дали ќе го врати чувството во левата рака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.