Свет
(Видео) Над 100 пожарникари гаснат пожар кој зафати хотел во Лондон
![](https://makfax.com.mk/wp-content/uploads/2018/06/pozar-london.jpg)
Повеќе од 100 пожарникари интервенираат во голем пожар кој што зафати хотел во Лондон, соопштија лондонските градски служби. На социјалните медиуми се појавија фотографии од чад како се издигнува на небото над хотелот „Мандарин Ориентал“.
The fire in London is the mandarin oriental hotel in Knightsbridge pic.twitter.com/tMrVTOUF3j
— Jack (@jackwmartin_) June 6, 2018
На местото на настанот интервенирале повеќе од 20 возила и околу 120 пожарникари, во обид да го изгаснат огнот на последниот кат во хотелот.Од хотелот потврдија дека има пожар, а повеќе информации најавија по справувањето со ситуацијата. Улиците околу хотелот се затворени за сообраќај, а прекин има и во јавниот сообраќај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Силен земјотрес го погоди Крит
![](https://makfax.com.mk/wp-content/uploads/2024/02/krit-830x0.jpg)
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.
Свет
Украина го доби третиот противвоздушен систем Патриот од Германија
![](https://makfax.com.mk/wp-content/uploads/2024/01/patriot.jpg)
Украина го доби третиот систем за противвоздушна одбрана „Патриот“ од Германија, соопшти германскиот амбасадор во Киев, Мартин Јегер.
Испораката следи по неколкумесечните повици Украина да добие опрема потребна за заштита на цивилите и инфраструктурата од руските воздушни напади, објави „Ројтерс“.
Украинскиот претседател Володимир Зеленски изјави претходно оваа година дека на неговата земја и се потребни дополнителни седум системи Патриот за да се заштити.
„Украинскиот екипаж ја заврши потребната обука во Германија за управување со системот Патриот“, изјави амбасадорот Јегер на социјалната мрежа Икс.
Киев посочи дека се надева оти ќе биде постигнат напредок во испораката на системите за противвоздушна одбрана на претстојниот самит на НАТО во Вашингтон, кој почнува во вторник.
Висок претставник на американскиот Стејт департмент изјави дека Киев се очекува да добие „добри вести“ на самитот.
Свет
Шефот на НАТО избегна да одговори на прашања за здравствената состојба на Бајден
![](https://makfax.com.mk/wp-content/uploads/2024/07/53d20642-c3e9-41bf-bbc3-763fd7e23566.jpg)
Шефот на НАТО, Јенс Столтенберг, избегна да одговори на прашањата за здравјето на американскиот претседател, Џо Бајден, пред самитот на Aлијансата во Вашингтон следната недела, велејќи дека една од причините за успехот на НАТО е тоа што не се меша во внатрешните политички работи.
Здравјето на Бајден стана главна тема во предизборната кампања во САД по неговиот слаб настап во дебатата со републиканскиот противкандидат Доналд Трамп минатата недела.
На прашањето дали е загрижен дека фокусот на способностите на Бајден може да го засени самитот на НАТО, Столтенберг одговори дека состаноците секогаш се одржуваат во внатрешен политички контекст.
„НАТО мора да се фокусира на себе и ние ќе го направиме тоа“, рече генералниот секретар на НАТО Столтенберг на прес-конференција пред самитот во седиштето на НАТО во Брисел.
На прашањето дали верува дека Бајден е психички и физички подготвен да ја води најголемата нуклеарна членка на НАТО во наредните години и дали забележал влошување на состојбата на Бајден, Столтенберг одговори дека се сретнал со Бајден пред неколку недели и дека имале добри средби со него во Овалната соба.
„Постигнавме напредок во подготовките за претстојниот самит на НАТО“, рече тој, додавајќи дека го поздравува силното лично лидерство на Бајден за поддршка на Украина. Но, тој рече дека сите дополнителни коментари би можеле да бидат штетни за НАТО.
„Една од причините зошто НАТО е успешна е тоа што не се мешаме во внатрешни политички прашања“, рече тој.
„Ако почнам да кажувам нешто што би можело да ме поврзе со тековните политички дискусии во која било сојузна држава, всушност ќе ја ослабнам унијата“, додаде тој.