Европа
(Видео) Налет на ветер го откри пиштолот со кој се шета полскиот министер
За време на вчерашната церемонија на положување венец на споменикот на жртвите од рударските несреќи во централна Полска, новинарите го забележаа министерот за правда Збигњев Зиобро како носи пиштол околу појасот.
Налетот на ветерот откри дека министерот Зиобро имал пиштол под палтото. Полска, како и повеќето земји од Европската унија, има строги правила за набавка на оружје и на многу малку луѓе им е дозволено да го поседуваат или носат на јавно место.
Ziobro chodzi z klamką za spodniami? pic.twitter.com/ThM3ZryY03
— P@weł (@winatuska1) March 13, 2023
Критичарите на социјалните мрежи тврдат дека министерот не е сигурен во заштитата што ја добива како јавна личност, но поддржувачите забележуваат дека Зиобро, кој е и главен обвинител, добивал смртни закани. Зиобро на денешната прес-конференција изјави дека дозволата за оружје ја добил откако пред неколку години било откриено дека шефот на организираниот криминал повикал на негово убиство, пишува „Асошиетед прес“.
„Како и секој граѓанин, така и јас имам право да користам средства кои ја гарантираат мојата и безбедноста на моето семејство“, посочи Зиобро.
На прес-конференција, премиерот Матеуш Моравјецки рече дека сите граѓани, вклучително и министерот за правда, имаат право да се обидат да добијат дозвола за поседување оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Најголемата егзекуција на војната: Русите убија 16 Украинци, кои се предадоа, јавуваат украинските медиуми
Руски сили егзекутираа 16 украински воени заробеници во близина на Покровск во областа Донецк. Ова е најголемиот случај на егзекуција на украински воени затвореници, јавуваат украинските медиуми повикувајќи се на Канцеларијата на главниот обвинител.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024
Вчера, на каналите на „Телеграм“ се појави видео од егзекуцијата на 16 украински војници. Се претпоставува дека тоа се случило во атарот на селата Миколаивка и Сукји Јар кај градот Покровско за што со месеци се водат жестоки битки.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Донецк во источна Украина, објави утринава каналот SHOT на комуникациската платформа „Телеграм“ и проруските воени блогери.
„Ројтерс“ не може независно да ги потврди извештаите. Руското Министерство за одбрана сè уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште, кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.