Свет
(Видео) Направена комплетна 3Д-снимка од „Титаник“, може да ги реши најголемите мистерии
Најпознатиот брод на сите времиња, кој се наоѓа на дното на Атлантскиот Океан повеќе од 110 години, благодарение на 3Д-технологијата и мапирањето на дното на океанот сега е можно да се види во сосема ново светло.
Направено е првото комплетно дигитално скенирање на „Титаник“, со кое во 3Д-технологија може да се види целиот брод како да нема вода.
Истражувачите веруваат дека на овој начин ќе се откријат нови детали за тоа што точно се случило во таа кобна априлска ноќ во 1912 година кога загинаа над 1.500 луѓе.
TITANIC ALERT!!! Revealed as never seen before… an exclusive look at the first full-sized digital scan of the world’s most famous wreck… #Titanic https://t.co/PL3jiLnHKb
— Rebecca Morelle (@BBCMorelle) May 17, 2023
„Сè уште има прашања, фундаментални прашања, на кои треба да се одговори“, изјави аналитичарот на „Титаник“, Паркс Стивенсон.
Тој рече дека моделот е „еден од првите големи чекори во придвижувањето на приказната за „Титаник“ кон истражување засновано на докази – не на претпоставки. „Титаник“ е опширно истражуван откога е откриен по потонувањето во 1985 година. Но, тој е толку огромен што во темнината на длабочините камерите може да ни покажат само делумни слики од бродот што се распаѓа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес со јачина од 4,6 степени го погоди Крит
Земјотрес со јачина од 4,6 степени го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот се случил на длабочина од 10 километри, додава EMSC.
Епицентарот се случил на 40 километри југоисточно од градот Сити, кој има околу 9.000 жители.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.