Свет
(Видео) Насилни протести во САД, полицијата употреби шок – бомби и солзавец

Американската полиција употреби шок – бомби и солзавец против демонстрантите во повеќе градови ширум САД кои излегоа на улиците откако претседателот Доналд Трамп кажа дека значително ќе го зголеми бројот на сојузни агенти во големите градови погодени со насилните протести по убиството на невооружениот црнец Џорџ Флојд.
Протести се одржуваат во Тексас, Кентаки, Њујорк, Омаха, Оукленд, Калифорнија и Вирџинија, каде што, според пишувањата на медиумите, интервентната полиција испалила хемиски средства кон учесниците во маршот „Блек лајвс медрс“.
Протестите против полициската бруталност траат скоро два месеца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хамас го прифати новиот предлог за прекин на огнот во Газа

Хамас го прифати новиот предлог за прекин на огнот во Газа, кој беше презентиран на групата денес во Каиро, објавува Ројтерс.
Досега, напорите на медијаторите на Египет и Катар, заедно со Соединетите Американски Држави, не успеаја да постигнат траен прекин на огнот во војната што предизвика сериозна хуманитарна криза во Појасот Газа повеќе од 22 месеци.
Палестински функционер, кој разговараше со АФП под услов да остане анонимен, рече дека најновиот предлог на медијаторите е „рамковен договор за отворање преговори за траен прекин на огнот“, со почетен 60-дневен прекин на огнот и ослободување на заложниците во две фази.
Извор од Исламски џихад, палестинската вооружена група која учествуваше заедно со Хамас во борбите во Газа, за АФП изјави дека планот вклучува „договор за 60-дневен прекин на огнот, во кој ќе бидат ослободени 10 живи израелски заложници, заедно со одреден број тела“.
Од вкупно 251 заложник земени за време на нападот на Хамас во октомври 2023 година, кој ја предизвика војната, 49 се уште се во Газа, вклучувајќи 27 за кои израелската војска вели дека се мртви.
Според извор од Исламски џихад, преостанатите заложници ќе бидат ослободени во втората фаза, а веднаш ќе следат преговори за поширок договор за траен крај на војната и агресијата со меѓународни гаранции. Изворот додаде дека сите фракции го поддржуваат она што го презентираа египетските и катарските медијатори.
Египетскиот министер за надворешни работи, Бадр Абделати, за време на посетата на граничниот премин Рафах со Газа, денес изјави дека катарскиот премиер, шеикот Мохамед бин Абдулрахман Ал Тани, пристигнал за да ги зајакне нивните постоечки заеднички напори и да изврши максимален притисок врз двете страни за што поскоро постигнување договор.
Зборувајќи за тешките хуманитарни услови за повеќе од два милиони жители на Газа, каде што агенциите на ОН и организациите за помош предупредуваат на глад, Абделати ја нагласи итноста од постигнување договор.
„Актуелната ситуација на терен е незамислива“, рече тој.
Свет
(Видео) Зеленски објави зошто се сретнал со лидерите на ЕУ и шефот на НАТО пред средбата со Трамп

Претседателот на Украина, Володимир Зеленски откри зошто се сретнал со лидерите на европските земји и НАТО во украинската амбасада во Вашингтон пред средбата со Доналд Трамп.
Украинскиот претседател рече дека за време на таа средба „се согласиле за заеднички ставови“.
„Мора да го запреме убивањето и им се заблагодарувам на нашите партнери кои работат на тоа и, на крајот на краиштата, на постигнување сигурен и достоинствен мир“.
Our main goal is a reliable and lasting peace for Ukraine and for the whole of Europe. And it is important that the momentum of all our meetings lead to precisely this result. We understand that we shouldn’t expect Putin to voluntarily abandon aggression and new attempts at… pic.twitter.com/lSlBPJNKZo
— Volodymyr Zelenskyy / Володимир Зеленський (@ZelenskyyUa) August 18, 2025
Заедно со лидерите на Финска, Велика Британија, Италија, Европската комисија и генералниот секретар на НАТО, ги усогласивме нашите ставови пред средбата со претседателот Трамп.
Украина е подготвена за вистински прекин на огнот и воспоставување нова безбедносна архитектура. Ни треба мир“, додаде тој во објава на Телеграм.
Свет
Вашингтон шпекулира: со што ќе се појави Зеленски на средбата со Трамп – одело или тренерка?

Што ќе носи Зеленски вечерва – одело или тренерка – веќе стана тема на разговор во Вашингтон пред денешната средба со Доналд Трамп.
Да потсетиме дека во февруари, Трамп го критикуваше украинскиот претседател за тоа што не носел одело за време на нивниот состанок во Овалната соба, а потоа новинарот Брајан Глен постави прашање за тоа, обвинувајќи го Зеленски за „непочитување на Америка“.
Дописникот на Sky’s America претходно денес истакна дека облеката би можела да го одреди тонот на средбата.
Сега порталот Axios, повикувајќи се на два извори директно вклучени во подготовките, објавува дека Белата куќа ги прашала украинските претставници дали Зеленски ќе носи одело на средбата со Трамп денес.
За време на утринската средба со американскиот пратеник во Украина, Кит Келог, Зеленски носел црна кошула со кратки ракави. Но, тоа, секако, не значи дека подоцна нема да се пресоблече.
Зеленски понекогаш избира поформална облека – пример е неговата средба со холандскиот крал и кралица за време на самитот на НАТО во јуни – но од почетокот на руската инвазија во 2022 година, тој најчесто носи воени маслинести бои, сакајќи да покаже солидарност со украинските војници.
Некои ја споредија оваа практика со Винстон Черчил, кој често носел униформа за време на Втората светска војна.