Свет
(Видео) Најмалку 48 лица загина, повеќе од 350 се повредени во Индонезија

Индонезиски власти објавија дека по двата катассрофални земјотреси и цунамито кое го погоди градот Пал на островот Сулавеси пронајдени се голем број тела. Иако индонезиските власти не ја соопштија точната бројка за загинати, според агенцијата „Ројтерс“ бројот на жртвите се искачил на 48.
Kondisi pantai di Kota Palu pascatsunami. Kerusakan cukup parah. Bangunan hancur dan rata tanah. Beberapa korban meninggal ditemukan akibat gempa dan diterjang tsunami. Evakuasi terus dilakukan. pic.twitter.com/hQdJCr6ioB
— Sutopo Purwo Nugroho (@Sutopo_PN) September 29, 2018
Властите соопштија дека и во текот на ова утрово продолжуваат силни последователни потреси во овој крајбрежен град кој живее од туризмот.
„Многу од телата се наоѓаат по должината на брегот по цунамито, но точниот број на жртвите се уште не се знае”, изјави портпаролот на индонезиската владина агенција за вонредни ситуации.
Тој додаде дека „загинаа најмалку 48, а повредени се повеќе од 350 луѓе”, но и дека „се очекува зголемување на бројот на жртвите”.
Our prayers are always with #Indonesia May Allah help all the brothers and sisters who are suffering because of #earthquake and #tsunami which happened few hours ago. #palu #donggala #prayfordonggala pic.twitter.com/gdVzzMZ6uF
— M.Abdulhakim Mahmout (@ahmahmout) September 28, 2018
„Ројтерс“ пишува дека од аматерски снимки, кои агенцијата истакнува дека не се знае дали тие се автентични, може да се види како брановите високи околу три метри уништуваат куќи по должината на крајбрежниот појас Пал, превртуваат бродски контејнери, и ја поплавија локалната џамија.
Doa kami selalu menyertai saudara di #DonggalaBerduka ? ? ? #PrayForDonggala#prayforpalu#PrayForSulawesi#PrayforMamuju#PrayForIndonesia pic.twitter.com/j6hy94RcY1
— Putra Erlangga ?? (@PutraErlangga__) September 28, 2018
Индонезиски власти се уште немаат информации од градот Донгала, кој беше поблиску до епицентарот на земјотресот, на 27 километри од него. Повеќе од 600.000 луѓе живеат во Донгала и Пал. Оваа област во текот на вчерапниот ден прво беше погодена од послаб земјотрес, при што загина еден човек и повредил најмалку десет лица, а по него следуваше катастрофалниот земјотрес со јачина од 7,5 степени според Рихтеровата скала и цунамито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Силен украински напад врз Москва: гори фабрика, затворени се аеродроми

Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија руските власти рано наутро во неделата.
Руските единици за воздушна одбрана уништија девет украински дронови што се движеа кон Москва до 4 часот наутро, објави градоначалникот Сергеј Собјанин.
Тој додаде дека службите за итни случаи биле испратени на местото каде што паднале остатоците од дронот во ноќниот напад. Не пријавил никаква непосредна штета.
🔥 Russia: Fuel & lubricants warehouse on fire after an explosion in the Moscow suburb of Pushkino, 19 miles from the Kremlin. (30km)
The fire has now engulfed 5.2 acres. (21,000m²) pic.twitter.com/EtdKzmotoY— Igor Sushko (@igorsushko) June 7, 2025
Украински напад со беспилотно летало, исто така, предизвика краток пожар во хемиската фабрика „Азот“ во Тулската област, при што беа повредени две лица и уништени седум дронови над Калушката област, соопштија регионалните гувернери. И двата региона се граничат со Московската област јужно од главниот град.
Руската администрација за цивилно воздухопловство „Росавијација“ објави на Телеграм дека, со цел да се обезбеди безбедноста на воздушниот сообраќај, ги суспендира летовите на аеродромите „Внуково“ и „Домодедово“.
Свет
(Фото) Трамп испраќа 2.000 војници од Националната гарда во Лос Анџелес поради демонстрантите

Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот ден на судири меѓу демонстранти и агенти на имиграциската служба за време на рации во локални бизниси за кои се сомнева дека вработуваат нелегални мигранти.
Овој потег претставува голема ескалација на напорите на Трамп да ја запре нелегалната имиграција, пренесе „ЛА Тајмс“.
Националната гарда претходно беше распоредена во Лос Анџелес за време на широко распространети граѓански немири, вклучително и протестите во 2020 година по убиството на Афроамериканецот Џорџ Флојд.
Белата куќа во саботата соопшти дека Трамп ги распоредува гардистите во Лос Анџелес за да се справат со „безаконието“ што, како што тврди, се проширило во Калифорнија, пренесе „АП“.
Гувернерот на Калифорнија, демократот Гавин Њусом, се спротивстави на потегот, изјавувајќи на платформата X дека чекорот на Трамп е „намерно провокативен и ќе доведе само до зголемени тензии“.
Американскиот министер за одбрана Пит Хегсет се закани дека ќе распореди војска во Лос Анџелес, вклучително и маринци, ако насилството продолжи.
Полицијата со шлемови и опрема за разбивање демонстрации се судри со демонстрантите во петокот навечер, откако агентите на Службата за имиграција и царина (ICE) уапсија најмалку 44 лица за прекршување на имиграциските закони.
Заменик-директорот на ФБИ, Ден Бонџино, изјави дека агенцијата прегледува докази од протестите и соработува со канцеларијата на федералниот обвинител.
„Правото на собирање и протест не подразбира дозвола за напад врз службеници за спроведување на законот, ниту за попречување на нашите легитимни имиграциски операции“, изјави Бонџино.
Полицијата на Лос Анџелес соопшти дека не се извршени апсења во врска со демонстрациите, но дека силите биле распоредени за да се спречат нереди, откако демонстрантите по имиграциските рации се собрале пред блискиот затвор, каде наводно биле сместени некои од уапсените, и испишале пароли против ICE на ѕидовите на зградата на федералниот суд.
Европа
Италија одржува референдум за државјанство и работнички права, Мелони повика на бојкот

Италијанците денеска и утре гласаат на референдум за ублажување на правилата за државјанство и зајакнување на законите за труд, а владата на Џорџија Мелони се спротивставува на обете промени и ги повикува луѓето да се воздржат.
Референдумот има за цел да ги олесни правилата за државјанство, при што возрасните жители кои не се членки на ЕУ ќе можат да аплицираат за државјанство по пет години живеење во Италија, доколку биде одобрено.
Возрасен жител кој не е член на ЕУ и нема брак или крвни врски со Италија мора да живее во земјата 10 години пред да може да аплицира за државјанство – процес кој потоа може да трае со години.
Предлогот за референдум, поттикнат од кампања на локално ниво предводена од невладини организации, би го скратил ова на пет години, ставајќи ја Италија на исто ниво со Германија и Франција.
Активистите велат дека околу 2,5 милиони луѓе би можеле да имаат корист од реформата, која ја поддржува централнолевичарската Демократска партија.
Мелони, чија крајно десничарска партија „Браќа на Италија“ даде приоритет на намалувањето на нелегалната имиграција, дури и додека го зголемува бројот на легални работни визи за мигрантите, е силно против тоа.
Таа во четвртокот изјави дека сегашниот систем „е одличен закон, меѓу најотворените, во смисла дека со години сме меѓу европските нации што доделуваат најголем број државјанства секоја година“.
Повеќе од 213.500 луѓе добиле италијанско државјанство во 2023 година, што е двојно повеќе од бројот во 2020 година и една петтина од вкупниот број во Европската Унија, според статистиката на ЕУ.
Мелони и нејзините коалициски партнери ги охрабрија гласачите да го бојкотираат референдумот, кој ќе биде валиден само ако учествуваат 50 проценти од гласачите со право на глас плус еден.
Дури и ако помине, реформата нема да влијае на законот за миграција што многумина го сметаат за најнеправеден, односно дека децата родени во Италија од странски родители не можат да побараат државјанство додека не наполнат 18 години.
Интереси на работниците
Гласачкото ливче вклучува и четири други прашања за зголемена заштита на работниците кои се отпуштени, во несигурни ситуации или вклучени во несреќи на работното место.
Предлозите се иницирани од левичарскиот синдикат CGIL.
„Сакаме да ја смениме културата што ги стави интересите на бизнисот пред оние на работниците“, рече лидерот на CGIL, Маурицио Ландини.
И покрај тоа што самата Демократска партија учествувала во донесувањето на дел од спорните закони, таа сега ги поддржува реформите, надевајќи се дека ќе придобие дел од работничката класа, особено во услови кога поддршката за партијата изнесува околу 23%, според анкетата на SWG, зад „Браќата на Италија“ со 30%.