Свет
(Видео) Најмладиот кинески екипаж досега отиде во вселената со „Божествениот брод“

Најмладата кинеска екипа астронаути досега се упати кон кинеската вселенска станица отворајќи го патот за новата генерација „тајконаути“ да ги исполнат амбициите на својата земја за истражување на вселената. Вселенското летало „Шенжу-17“ или „Божествен брод“ полета со ракета „Лонг-Марч-2Ф“, која превезуваше тројца патници од Центарот за лансирање сателити „Јиукван“ во северозападна Кина.
Шестмесечната мисија ја предводи поранешниот пилот на воздухопловните сили, Танг Хонгбо (48), кој беше дел од првиот екипаж на вселенската станица во 2021 година. Неговото враќање во орбитирачката станица „Тијангонг“, „Небеската палата“, исто така поставува нов рекорд за најкраткиот интервал помеѓу две мисии на „тајконаути“, термин измислен од кинески зборови за вселената.
China’s Shenzhou-17 launch in 60 seconds #SpaceChina pic.twitter.com/cAqprIWWxx
— CGTN (@CGTNOfficial) October 26, 2023
Оваа мисија е предзнак за побрза ротација на кинеските астронаути во иднина. Заедно со Танг, 33-годишниот Танг Шенџие и 35-годишниот Џијанг Ксинлин првпат полетаа во вселената. Кина го почна и процесот на селекција на четвртата група астронаути.
Од кандидатите се бара да имаат завршено докторски студии во научни дисциплини, од физика, биологија и хемија до биомедицинско инженерство и астрономија. Апликантите од Хонг Конг и Макао исто така може да аплицираат првпат. Првите две групи „тајконаути“ беа сите поранешни пилоти на воздухопловните сили, кои ѝ се приклучија на Народноослободителната армија во 1995 година на 20-годишна возраст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Австралискиот премиер падна од бината додека позираше пред фотографите

Австралискиот премиер Ентони Албанезе падна од бината додека позираше пред фотографите откако одржа говор во Лавдејл во регионот Хантер во Нов Јужен Велс.
Учесниците на настанот му помогнаа на Албанезе да стане, а тој им мавна на присутните велејќи дека е добро, објави „Скај њуз“.
Anthony Albanese has fallen off the stage while speaking at a mining union conference… pic.twitter.com/Z716MlW629
— Roman Mackinnon (@RomanMackinnon6) April 3, 2025
Тој не се здобил со никаква повреда при падот.
Инцидентот се случил откако Албанезе бил изнервиран од двајца демонстранти за климата додека бил во посета на блиската болница.
Тие беа извлечени од болницата Мејтленд по обидот да ја спречат посетата на австралискиот премиер.
Групата климатски активисти Rising Tide ја презеде одговорноста за инцидентот во објава на социјалните мрежи во која се фалат со протестите, пренесува Танјуг.
Оваа група прекина шест политички настани во последните недели.
Албанезе од редовите на Лабуристичката партија води во анкетите на јавното мислење во споредба со лидерот на опозицијата Питер Датон со поддршка од 49 до 38 отсто од гласачите.
Федералните избори ќе се одржат на 3 мај, пренесуваат светските агенции.
Свет
Дипломатски пропуст: Орбан и Нетанјаху застанаа пред погрешни знамиња во Будимпешта

За време на заедничката прес-конференција во Будимпешта, израелскиот премиер Бенјамин Нетанјаху и унгарскиот премиер Виктор Орбан застанаа пред погрешните знамиња – спротивно на дипломатскиот протокол. Орбан зборуваше пред израелското знаме, додека Нетанјаху застана пред унгарското знаме, пренесува Klix.ba.
Нетанјаху отпатува за Унгарија и покрај потерницата издадена против него од страна на Меѓународниот кривичен суд (МКС) за воени злосторства во Појасот Газа.
За да го олесни неговото доаѓање, Унгарија привремено се повлече од таа меѓународна институција.
За време на својот говор, Орбан истакна дека Унгарија застана на страна на Израел во текот на целиот период на конфликтот и истакна дека е важно таа земја да остане „„силна и стабилна. Тој го нарече Израел „сидро на Блискиот Исток“.
Орбан, исто така, изрази загриженост поради, како што тврди, порастот на антисемитизмот во Европа, наведувајќи дека „знамињата на Хамас не се вееа во Унгарија“.
Тој додаде дека верува оти илегалната имиграција е главниот двигател на антисемитизмот на европскиот континент, додека европските елити, како што тврди, не посветуваат доволно внимание.
На крајот, тој рече дека Будимпешта нема да поддржи никаков договор на ниво на Европската унија што ќе им овозможи на барателите на азил да влезат во Унгарија.
Свет
Заразата се шири: граничните премини на Австрија се затвораат поради смртоносна болест

Шапот и лигавката, многу заразна и опасна болест за животните, продолжува да се шири. По првите случаи во Унгарија на почетокот на март, неодамна се појави епидемија во Словачка, во близина на границата со Австрија. Заразена е фарма со повеќе од 3.000 животни.
Со цел да се спречи ширењето на болеста во Австрија, МВР и Министерството за здравство подготвуваат нови мерки. Следен чекор ќе биде затворање на граничните премини меѓу Австрија и Словачка, како и Унгарија.
„Контролите не се можни насекаде“, потврдија за Heute од канцеларијата на државниот секретар Улрике Кунигсбергер-Лудвиг.
Овие мерки првенствено ги засегаат помалите гранични премини, пренесува Heute. Во моментов нема докази за вирусот во Австрија. Мерките се насочени кон заштита на домашните фарми и животни.
„Потребни се само неколку вирусни честички за да се предизвика инфекција, а ветрот може да ги носи и до 40 километри“, предупредува вирологот. Појавата на вирусот во Австрија ќе доведе до неопходно убивање на заразените стада и ќе го загрози статусот на земјата како ослободена од шап и лигавка, што сериозно ќе го оштети извозот, пренесува N1 Хрватска.
Австрија превентивно го забрани увозот на животни и производи од Словачка и Унгарија, а моментално нема потврдени случаи на нејзина територија. Оваа болест ги зафаќа сите копитари, вклучувајќи ги домашните и дивите видови, со период на инкубација од 2 до 14 дена.
Последната епидемија на шап и лигавка се случи во Австрија пред повеќе од 40 години, во јули 1981 година.