Свет
(Видео) Нема знаци за крај на ерупцијата на вулканот на Ла Палма, островот е уништен
Не се наѕира крајот на ерупцијата на вулканот на Ла Палма, која, откако започна пред околу еден месец, предизвика хаос на тој шпански остров, рече претседателот на Канарските Острови.
? @NewTRNewsAgency:
“Incredible footage shows lava flowing from #LaPalma volcano” pic.twitter.com/pJLW3r0Gt3— Arnulfo Betancur ⚙️ (@ArnulfoBetancur) October 11, 2021
Во неделата сеизмичката активност беше почувствувана 42 пати на островот, а најсилниот земјотрес, според шпанскиот Национален географски институт, беше 4,3 степени по Рихтер.
Why did I not think lava could move that fast? That’s crazy!#LaPalma
— Karlie Lynn (@Karlie_Lynn81) October 14, 2021
„Засега нема знаци дека ерупциите се при крај, иако тоа е желба на сите нас“, рече претседателот Ангел Виктор Торес, повикувајќи се на изјави и проценки на научниците.
Откако еруптира вулканот на Ла Палма на 19 септември, реките од лава опустошија повеќе од 742 хектари земја и уништија речиси 2.000 станбени згради. На вулканската активност ѝ претходеше умерена, но многу честа сеизмичка активност.
This is how the front of Lava Stream located to the north of the main one advances at this time. It is the road that connects La Laguna & Todoque. #LaPalma #volcano pic.twitter.com/cftarPhzvM
— Joint Cyclone Center (@JointCyclone) October 13, 2021
Околу 7.000 луѓе се евакуирани од своите домови на островот досега. На Ла Палма живеат околу 83.000 жители.
Street view of Volcano this morning. #LaPalma pic.twitter.com/yY5rGDrPqs
— ??????? (@LetUsUniteHere) October 19, 2021
Единствената добра вест во целата оваа приказна е дека нема човечки жртви. Но, островот се промени засекогаш. Досега од вулканот излегоа 80 милиони кубни метри лава, која проголта многу домови и уништи многу претпријатија. Прекрасниот туристички скапоцен камен на тој начин е променет засекогаш, пишува весникот „Ел Паис“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.