Свет
(Видео) Нетанјаху бојкотиран од дел од дипломатите во ОН

Израелскиот премиер се соочи со тешка публика во Обединетите нации, каде многу земји ги критикуваа акциите на Израел во Газа поради тешките хуманитарни последици, пренесуваат светските медиуми.
Некои дипломати ја напуштија салата веднаш штом дојде израелскиот премиер, пренесе АФП.
Netanyahu holds up 2 maps showing what he says are the two futures that are possible
Its telling that on both maps the West Bank (and presumably Gaza) has ceased to exist. pic.twitter.com/99BWm87N8m
— Saul Staniforth (@SaulStaniforth) September 27, 2024
Инаку израелскиот премиер Бенјамин Нетанјаху денеска во својот говор на Генералното собрание на Обединетите нации изјави дека неговата земја „се бори за својот живот“.
„Мојата земја е во војна, се бори за својот живот. Мораме да се браниме од суровите убијци. Нашите непријатели не сакаат да не уништат само нас, туку и нашата заедничка цивилизација, како и да не вратат сите во мрачното доба на тиранијата и терор“, рече израелскиот премиер, пренесе Ројтерс.
Во текот на оваа недела, голем број светски лидери собрани на годишниот состанок на Генералното собрание на ОН ги искористија своите говори за да го осудат Израел, а некои исто така го обвинуваат Хамас. Имаше повици да се запре ескалацијата на борбите во Либан.
Десетици дипломати ја напуштија просторијата додека Нетанјаху го започна својот говор, оставајќи го целиот кат на Генералното собрание релативно празен. Но, тој донесе поддржувачи – семејства на заложници кои навиваа и аплаудираа за време на неговиот говор, пишуваат медиумите.
As Israeli PM Benjamin Netanyahu came to address the 79th session of the UN General Assembly, many delegations walked out in protest. pic.twitter.com/xZ2R99ND7P
— Al Jazeera English (@AJEnglish) September 27, 2024
Нивната гласна поддршка дури го натера претседателот на Генералното собрание на ОН, да удри со чеканот за да ја смири атмосферата.
„Ред, ве молам! Дами и господа, ред!“, рече таа.
Нетанјаху според написите им пркосеше на критиките за Израел на Генералното собрание оваа недела, споредувајќи ги сцените од 7 октомври со холокаустот.
„Ја гледаме оваа морална конфузија дека Израел е лажно обвинет за геноцид. Ќе се бориме додека не постигнеме победа, целосна победа. За тоа нема алтернатива“, рече тој.
Нетанјаху, исто така, ја упати својата критика кон ОН, опишувајќи ја таа институција како „антисемитска одвратна фарса“.
На една од мапите што Нетанјаху ги покажа за време на неговото обраќање, целата палестинска територија на Источен Ерусалим (Ал Кудс), Западниот Брег и Појасот Газа беше прикажана како „Израел“, јавува „Anadolu“.
Источен Ерусалим, Западниот Брег и Појасот Газа се палестински територии според меѓународното право, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Катар го прифати извинувањето на Нетанјаху

Катар го поздрави извинувањето и ветувањето на израелскиот премиер Бенјамин Нетанјаху дека Израел нема повторно да изврши напад врз Доха, соопшти Белата куќа.
Нетанјаху претходно денеска од Белата куќа телефонски разговарал со катарскиот премиер Мохамед бин Абдурахман Ал Тани, извинувајќи се за нападот насочен кон раководството на Хамас, со кој била нарушена катарската сувереност.
Во заедничкото соопштение беше потврдено дека е воспоставен „трилатерален механизам“ за подобрување на односите. Катарскиот премиер ги поздравил гаранциите од Израел, нагласувајќи ја подготвеноста на Доха за понатамошна соработка во интерес на регионалната безбедност и стабилност.
Свет
„Ројтерс“: Нетанјаху му се извинил на Катар за нападот врз Доха

Израелскиот премиер, Бенјамин Нетанјаху, се извинил на Катар поради израелскиот воздушен напад врз Доха од почетокот на месецов, во кој цел биле функционери на Хамас, јави „Ројтерс“.
Според извор близок до израелскиот премиер, тој телефонирал со катарскиот премиер Мохамед бин Абдурахман Ал Тани од Белата куќа, каде што во исто време американскиот претседател Доналд Трамп остварил контакт со Катар.
Извинувањето доаѓа во момент кога Нетанјаху престојува во Вашингтон на средба со Трамп. Главна тема е новиот мировен план од 21 точка, со кој се предвидува прекин на огнот, ослободување на израелските заложници и воспоставување ново управување со Газа без учество на Хамас.
Катар претходно го осуди израелскиот напад како „подмолен“ и „груб прекршок на меѓународното право“. Во исто време, Нетанјаху е под силен притисок да го прифати американскиот план кој ја исклучува анексијата на Западниот Брег и бара формирање нова палестинска влада.
Свет
Осомничениот во случајот со Медлин Мек Кен: „Вратете ми го животот!“

Кристијан Брукнер, осомничен во истрагата за исчезнувањето на Медлин Мек Кен, за првпат јавно проговори по излегувањето од затвор. Во интервју за „Скај њуз“ рече дека е жртва на „лов на вештерки“ и побара да му се врати нормалниот живот.
„Не се чувствувам слободен. Носам нараквица и под 24-часовен надзор сум. Сакам ова да престане и некој да преземе одговорност,“ изјави Брукнер.
Тој се обиде да влезе во канцеларијата на германскиот обвинител Ханс Кристијан Волтерс, кој претходно јавно тврдеше дека има докази дека Брукнер ја киднапирал и убил Медлин, иако призна дека тие не се доволни за подигнување обвинение.
Брукнер (49) неодамна беше ослободен по издржана казна за друго кривично дело. Германските медиуми јавуваат дека по неговото ослободување бил сместен во привремено живеалиште, но по јавниот притисок и протестите на граѓаните, бил преместен од градот Нојминстер.
На директно прашање дали има врска со исчезнувањето на британското девојче, Брукнер одговори дека по совет на адвокатите нема да зборува на таа тема.
Тригодишното девојче исчезна од апартмански комплекс во Праја да Луз во Португалија на 3 мај 2007 година, што предизвика истрага низ цела Европа и стана еден од најпознатите случаи на исчезнати лица. Нејзините родители вечерале со пријателите во блискиот ресторан додека таа и нејзините помали браќа и сестри близнаци спиеле во станот. Нејзината мајка Кејт открила дека Медлин ја нема околу 22 часот по локално време.
Случајот останува нерешен, но германските обвинители велат дека имаат докази кои сугерираат дека Брикнер можеби бил во областа кога исчезнала Медлин. Волтерс рече дека иако тој и другите обвинители не веруваат дека имаат доволно докази за формално да го обвинат Брикнер во случајот Меккен, нивните напори ќе продолжат.