Европа
(Видео) Нови немири во Британија: демонстрантите фрлаа камења врз полицијата, стотици уапсени

Бранот насилни протести и немири во делови од Обединетото Кралство продолжи и синоќа. Нападнати се полицајците во Белфаст, Дарлингтон и Плимут, јавува Би-би-си.
Шест лица се уапсени во Плимут, неколку полицајци се полесно повредени, соопшти полицијата. Во јужен Белфаст демонстрантите фрлаа камења и „молотови коктели“ врз полицајците.
A further night of trouble in Sandy Row in Belfast, heavy police presence in the area @Kscott_94 is on the ground pic.twitter.com/fiFGZHHmVC
— Allison Morris (@AllisonMorris1) August 5, 2024
Претходно, за потсетување, се одржа бдеење за жртвите од масовниот напад со нож во Саутпорт, а од почетокот на немирите се уапсени речиси 400 луѓе.
Аксел Муганва Рудакубана е обвинет за три убиства, 10 обиди за убиства и поседување кујнски нож, со кој ги извршил делата. 17-годишното момче е родено во Кардиф од родители од Руанда. Тој се пресели во областа Саутпорт во 2013 година.
Полицијата верува дека немирите во градовите во Велика Британија се поттикнати од лажни шпекулации дека осомничениот е муслимански барател на азил.
Во текот на викендот, премиерот сер Кир Стармер, ги осуди немирите како „екстремно десничарско насилство“ и синоќа вети дека ќе работи на законодавството за справување со насилството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.