Свет
(Видео) Објавена снимка од американскиот напад врз венецуелски брод за дрога, при што загинаа 11 лица

Американскиот претседател Доналд Трамп објави дека американските сили извршиле напад врз брод што превезувал дрога од Венецуела до САД, при што загинале 11 членови на бандата Трен де Арагва.
Во објава на социјалните мрежи, Трамп рече дека нападот се случил во јужниот дел на Карипското Море, во меѓународни води, и дека бродот превезувал наркотици наменети за американскиот пазар. Тој ја придружи објавата со снимки од воздух на кои се гледа како глисер плови со голема брзина низ разбрането море пред да се запали.
BREAKING NEWS: President Trump publishes video images of the US army carrying out an attack on a ship carrying drugs from Venezuela.
I don’t know the real information of all this and possibly all this is false but I can’t deny that I’m starting to believe that Maduro is a drug… pic.twitter.com/Jae0VwbPTH
— GG (@LuillyDRR) September 2, 2025
„По моја наредба, американските воени сили утрово извршија напад врз идентификувани наркотерористи од Трена де Арагва во зоната на одговорност на SOUTHCOM. Резултатот беше убиени 11 терористи. Ниеден припадник на американската војска не беше повреден. Нека ова биде предупредување за секој што размислува да испорачува дрога во Соединетите Држави. Внимавајте!“, напиша Трамп.
Тој им рече на новинарите во Овалната соба дека американската војска „потопила брод со дрога во близина на Венецуела“. „Имало многу дрога на тој брод“, додаде тој, истакнувајќи дека бил информиран за операцијата од претседателот на Здружениот штаб, генерал Ден Кејн.
Државниот секретар на САД, Марко Рубио, објави на Икс дека „американската војска денес изврши смртоносен напад во јужниот дел на Карипското Море врз брод што отпловил од Венецуела и бил управуван од назначена наркотерористичка организација“.
Не е познато каква дрога носел бродот.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Драма во судницата: атентаторот на Трамп се обидел да се самоубие откако беше прогласен за виновен

Рајан Весли Раут, кој беше прогласен за виновен по сите точки од обвинението за обидот за убиство на Доналд Трамп, минатата година за време на кампањата за претседателските избори, се обиде да се самоубие во судницата.
NOW – Ryan Routh tries to stab himself in the neck with a pen after his guilty verdict was read. pic.twitter.com/gQh2Tpja9a
— Disclose.tv (@disclosetv) September 23, 2025
Како што објави американскиот „Фокс њуз“, тој се обидел да се прободе во вратот со пенкало.
Обидот за самоубиство се случи откако беше објавено дека е прогласен за виновен во судница во Флорида.
Фото: принтскрин
Свет
(Видео) Трамп и Меланија се заглавија на скалите, па „идиотот“ се расипа пред Генералното собрание на ОН, снимките станаа вирални

Доналд Трамп стана вирален на социјалните мрежи пред Генералното собрание на Обединетите нации во Њујорк.
Пред да влезат во салата, американскиот претседател и првата дама Меланија Трамп се заглавија на ескалаторите, кои застанаа токму кога стигнаа до нив. Но, тоа не беше сè. Откако Доналд Трамп, со помош на соработници, успеа да стигне до местото наменето за говорот, телепромптерот (т.н. „идиот“) се расипа токму во моментот кога претседателот требаше да го започне својот говор.
This is insane…
As Trump arrived to the UN, the escalator stopped working the moment he stepped on it.
Then the teleprompter stopped working the moment he got up to the podium to speak. pic.twitter.com/XBTgfr6zJ8
— Geiger Capital (@Geiger_Capital) September 23, 2025
„Кој и да е задолжен за овој телепромтер е во голема неволја“, рече Трамп и ја насмеа публиката. Тој импровизираше неколку воведни реченици, обидувајќи се да го скрие изненадувањето предизвикано од техничкиот проблем.
„Никогаш не добив телефонски повик од Обединетите нации во кој ќе ми понудат да помогнам во финализирањето на договор за прекин на војните. Сè што добив од Обединетите нации беше ескалатор кој застана точно на средина на патот до горе. Ако првата дама не беше во одлична форма, ќе паднеше. Но, ние сме во одлична форма, двајцата сме во добра форма, а потоа телепромтерот не работеше – тоа се две работи што ги добив од Обединетите нации.“
Видеата од „несреќите“ на Трамп брзо се проширија на социјалните мрежи и предизвикаа бројни коментари.
„Можете ли да замислите да беше Бајден? Ќе беше заглавен на тој ескалатор додека не го поправат“, „Можеби е само карма“, „Дали ќе ги санкционира Обединетите нации затоа што ескалаторот застана?“, „Причините се непознати. Погледнете го изразот на Трамп, тој точно знае што се случува“, „На Трамп не му треба смрдлив телепромтер“, „Некој ќе биде отпуштен денес“, „Хаха, ОН немилосрдно го трола Трамп“ се некои од коментарите на X, пишува Index.hr.
Фото: принтскрин
Свет
Фон дер Лајен: Трамп е во право

Претседателката на Европската комисија, Урсула фон дер Лајен, денес во Њујорк изјави дека американскиот претседател Доналд Трамп е во право и дека тие работат на тоа Европа да престане да купува нафта од Русија до крајот на годината.
Таа на маргините на Генералното собрание на Обединетите нации изјави дека сака Европа да престане да купува руска нафта.
„Трамп е апсолутно во право. Работиме на тоа“, рече фон дер Лајен, пренесува Ројтерс.
За време на денешниот говор на сесијата на Генералното собрание на Обединетите нации, Трамп истакна дека САД се подготвени да воведат серија царински тарифи за Русија доколку не се постигне договор за прекин на војната во Украина и ги обвини поединечните членки на НАТО за финансирање на руската војна во Украина со продолжување на купувањето руска нафта.
Трамп рече дека е потребно сите да усвојат исти мерки за да бидат ефикасни.
„Тие мора веднаш да ги сопрат сите купувања на енергија од Русија, во спротивно сите ќе губиме многу време“, рече Трамп, додавајќи дека ќе разговара со европските лидери за ова прашање оваа недела.
Претходно, Трамп постојано ги повикуваше европските земји да престанат да купуваат нафта од Русија, барајќи дополнителен притисок врз претседателот Владимир Путин да ја запре војната во Украина.
Според Блумберг, тој му предложил на амбасадорот на Соединетите Американски Држави во НАТО, Метју Витакер, да го зголеми притисокот врз Европа.
Фото: принтскрин