Свет
(Видео) „Ова е невидено, не можеме да продолжиме да работиме“: бран брутални грабежи ја пустошат Америка

Америка моментно се соочува со огромен бран насилни грабежи, кои ги оштетија најголемите трговски синџири во САД за дури 112 милијарди долари.
Во масовните насилни кражби работниците во продавниците беа претепани, а некои беа и убиени, поради што многу продавници ангажираа дополнителни чувари за да го заштитат својот персонал.
This is downtown Philadelphia last night.
Rioting and looting have become the norm in major US cities.
Meanwhile, cities across Poland are safe, clean and livable.
Yet another reason to move back to Poland. 🇵🇱
— Dominik Andrzejczuk (🇵🇱,🇺🇸) (@QuantumDom) September 27, 2023
Организираните банди повеќепати беа фатени на камери како упаѓаат во продавници, грабнуваат стока од полиците и потоа бегаат.
Некои од масовните грабежи се организирани на социјалните мрежи. Едната беше организирана од Даџија Блеквел, која на социјалните мрежи го носи прекарот Метбол. Таа пренесуваше во живо грабеж на продавница во центарот на Филаделфија.
По грабежот, Метбол објави видео за своите 650.000 следбеници на „Инстаграм“ и „Тик-ток“, во кое детаљно го опиша својот поход.
„Кажете ѝ на полицијата дека ќе ме затворат вечерва или ќе ме запалат, тоа ќе биде како на филм“, рече таа во видеото и потоа беше уапсена.
🚨Just in: Apple and many stores in Philadelphia being looted. Philly is fallen! #Philadelphia #PA #looting pic.twitter.com/hnfpAJhvIp
— Stay Frosty 🇺🇲 (@brewdoggy) September 27, 2023
„Таргет“, еден од најголемите американски трговци на мало, рече дека поради овие причини ги затвора продавниците во големите градови, вклучувајќи ги Њујорк, Сиетл, Сан Франциско и Портланд.
„Не можеме да продолжиме со работа на овие продавници бидејќи кражбите и организираниот криминал ја загрозуваат безбедноста на нашиот тим и на гостите и придонесуваат за неодржлив бизнис“, се наведува во соопштението.
Во Сан Франциско голем број големи синџири неодамна ги затворија продавниците во центарот на градот.
🚨#BREAKING: All philly liquor stores have been closed today after at least 18 were broken after last night’s mass looting in Philadelphia pic.twitter.com/0Btz2jASv2
— R A W S A L E R T S (@rawsalerts) September 27, 2023
Градоначалникот на Оукленд, Шенг Тао, рече дека ги разбира предизвиците со кои се соочува „Таргет“ во градовите во целата земја и дека е разочаран од веста за неговото затворање.
„Мојата цел е да продолжам да работам заедно со членовите на бизнис-заедницата за да ја осигурам нивната безбедност, но и успех во нашиот град“, рече тој.
Дејвид Џонстон, потпретседател на Националната федерација за малопродажба, рече дека најголемите бизниси во земјата и семејните продавници еднакво се борат со бранот криминал.
„Трговците на мало гледаат невидено ниво на кражби. Ситуацијата се влошува. Далеку од финансиското влијание на овие злосторства, насилството и безбедносните грижи остануваат приоритет за сите трговци на мало, без оглед на големината или категоријата“, рече тој.
Law enforcement finally steps in to stop the looting. This was Philly tonight:
— End Wokeness (@EndWokeness) September 27, 2023
Извештајот на Националната федерација за малопродажба, во кој беа анкетирани 177 претставници на трговски синџири, кои претставуваат повеќе од 97.000 продавници во САД, покажа дека трговците на мало се соочуваат со сè понасилни крадци.
Речиси девет од десет изјавиле дека крадците се „многу поагресивни и понасилни во споредба со минатата година“.
Компаниите, кои конкретно го следат бројот на насилни кражби во продавници, пријавија просечен пораст од 35 проценти. Како одговор, трговците на мало ја зголемија безбедноста, го намалија работното време и на крајот ги затворија продавниците.
Лос Анџелес беше областа најмногу погодена од организираниот криминал на мало во земјата во 2022 година, соопшти Националната федерација за малопродажба, а потоа следуваат Сан Франциско и Оукланд, исто така во Калифорнија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.