Европа
(Видео) Ова некогаш беа украински градови
Поранешниот советник на украинското Министерство за внатрешни работи, Антон Герашченко, на Х ги објави фотографиите од четирите градови кои беа опустошени од Русите за време на војната во Украина. Тоа се градовите Маринка, Вовчанск, Бахмут и Северодонецк.
— Telmo Santos🇵🇹🇺🇦 (@TelmoSa24726925) January 4, 2025
Како што може да се види на фотографиите, градовите беа срамнети со земја откако Русите поминаа низ нив.
Маринка
Маринка е напуштен град во Доњецк. Се проценува дека градот имал 9.089 жители во 2022 година, додека според проценките од 2001 година имал 10.530 жители.
Mariinka was once a quiet bedroom community of 10,000 residents and tree-lined streets just west of Donetsk. We’ll now have to refer to it in past tense because the Russian army has wiped it off the face of the earth. These images show an apocalyptic scene incompatible with life. pic.twitter.com/BYV35IoRn8
— Christopher Miller (@ChristopherJM) March 5, 2023
За време на војната, градот бил во голема мера уништен од борбите, а од ноември 2022 година, во него нема цивилно население. На 25 декември 2023 година, беше објавено дека градот е целосно окупиран од руските сили. Украина го користи градот како одбранбена бариера од 2014 година, кога борците поддржани од Русија зазедоа големи делови од источните региони Доњецк и Луганск.
Mariinka – complete ruin…💔 pic.twitter.com/jqNT6KHVKe
— Maria Drutska 🇺🇦 (@maria_drutska) December 25, 2023
Вовчанск
Вовчанск е град во источна Украина и до јули 2020 година бил административен центар на истоимената област Вовчанск на северот на Харковската област со околу 17.459 жители. Градот беше најмногу уништен во 2024 година како резултат на руско-украинската војна.
Vovchansk… or at least whats left of it… pic.twitter.com/ZDjWzMiX5P
— Warzone Watch (@warzone_watch) September 6, 2024
Русите го зазедоа Вовчанск на 24 февруари 2022 година. Украинските сили го вратија Вовчанск на 11 септември 2022 година за време на украинската контраофанзива во регионот Харков. На крајот на април 2024 година, таму живееле околу 3.500 луѓе. Кога започна уште еден руски напад врз градот на 10 мај 2024 година, речиси целото население беше евакуирано во рок од една недела. Од 10 мај 2024 година, градот е една од централните точки на руската офанзива на Харков. На 18 мај 2024 година, градот беше во голема мера уништен со употреба на бомби и гранати, но не беше освоен.
Instead of a thousand words.
What is left of Vovchansk, Kharkiv region, 5 kilometers from the Ukraine-Russia state border.
17,000 people used to live here.
📷: Presidential Brigade pic.twitter.com/l947HPMOw8
— Anton Gerashchenko (@Gerashchenko_en) September 9, 2024
Северодонецк
Северодонецк е град во регионот Луганск. Според проценките од 2022 година, тој имал 99.067 жители, што го прави втор по големина град во областа во тоа време. Од јуни 2022 година, градот е под воена окупација и управа на Русија.
Северодонецк служеше како административен центар на Луганската област од 2014 до 2022 година, бидејќи градот Луганск падна под контрола на проруските сепаратисти на почетокот на војната во Донбас. За време на руската инвазија на Украина, градот беше под силен напад на руските сили и стана клучно бојно поле во битката за Донбас, што доведе до големо уништување, вклучително и станбени области.
До 25 јуни 2022 година, градот беше целосно окупиран од руските и сепаратистичките сили. Украинските власти процениле дека цивилното население тогаш броело приближно 10.000 луѓе, што е десет проценти од предвоеното население.
⚡️ Sievierodonetsk. Ukraine. Sievierodonetsk today. Russian occupiers always bring destruction, hunger and grief with them.#WarCrimesOfRussia #WarCrimesRussiaInUkraine pic.twitter.com/gX4C6U1KdU
— UA FreeSky (@uafreesky) July 1, 2022
Бахмут
Битката кај Бахмут во украинскиот регион Доњецк беше најкрвавата битка во две и полгодишната руска агресија против Украина, а заврши во мај 2023 година со руска окупација. Градот беше речиси целосно срамнет со земја. Во јануари 2022 година, се проценува дека градот имал население од 71.094 жители.
Русите почнаа да го ракетираат Бахмут во мај 2022 година, а во август истата година, главно користејќи ги силите на паравоената група Вагнер, ја започнаа копнената окупација. Иако оценките на аналитичарите зборуваа за малата стратешка важност на Бахмут во однос на понатамошниот тек на војната, битката за тој град се претвори во една од најкрвавите и најжестоките урбани битки во модерното војување.
Од една страна, Русите сакаа да им нанесат најголема можна штета на Украинците со брутални напади и уништување, додека од друга страна, украинскиот претседател Володимир Зеленски ја оцени битката за Бахмут како прашање на морал и непоколебливост на Украинците во одбрана на земјата.
Russian military personnel show the latest video from Bakhmut. The city was simply wiped off the face of the earth by people who know nothing but destruction.
Now, look at the city in which you live. Can you imagine the same destruction? Or do you think they won't do the same… pic.twitter.com/oBMpYL8xXP
— WarTranslated (Dmitri) (@wartranslated) July 11, 2024
По повлекувањето на членовите на Вагнер, Русија ги засилила нападите со редовни трупи и конечно на 20 мај го освоила најголемиот дел од градот, паралелно со повлекувањето на украинската војска.
Податоците за жртвите и бројот на загинатите војници не се доволно веродостојни, но независните проценки покажуваат најмалку 11.000 загинати украински војници и најмалку 20-30.000 загинати припадници на руските војници, главно членови на Вагнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Блиска сојузничка на Орбан ги плаши Унгарците со влезот на Украина во ЕУ: објави снимка од маж врзан во багажник
Унгарската опозиција го осуди видеото објавено од Александра Сенткираљи, блиска сојузничка на премиерот Виктор Орбан.
Сенткираљи објави видео на „Фејсбук“ на кое се гледа маж врзан во багажникот на автомобил, додека Сенткираљи зборува за наводното зголемување на заканите поврзани со трговија со луѓе, шверц со дрога и трговија со органи доколку Украина се приклучи на Европската Унија.
Подоцна се дозна дека човекот на видеото е вработен во канцеларијата на унгарскиот премиер.
Until yesterday, Fidesz Party had only one well-known female politician. But no longer.
Alexandra Szentkirályi was someone you could either like or dislike. You could agree with her or criticize her.
One thing is certain: as of today, Alexandra Szentkirályi has no place in… pic.twitter.com/MeA99i3QyD— Magyar Péter (Ne féljetek) (@magyarpeter102) June 14, 2025
Ференц Геленчер, пратеник од опозицијата од партијата Моментум, изрази негодување поради видеото и најави дека ќе поднесе полициска пријава против Сенткираљи. Тој тврди дека лагите што би можеле да го загрозат јавниот ред, да шират опасни шпекулации или да сугерираат закани за јавната безбедност се кривични дела.
„Како некој може да биде толку глупав за вака да напаѓа земја во која живеат и Унгарци?“, рече Геленчер повикувајќи ја Сенткираљи да го избрише видеото.
Сенткираљи му беше портпаролка на Орбан од 2020 до 2024 година. Минатата година таа објави дека ќе се кандидира за градоначалник на Будимпешта како претставник на владејачката партија, но подоцна ја повлече својата кандидатура во корист на друг технички кандидат поддржан од Орбан.
Орбан неодамна повтори дека Украина не треба да биде примена во Европската Унија тврдејќи дека земјата е домаќин на измамници што ги лажат Унгарците и заработуваат пари наводно дејствувајќи од украинска територија. „Украина е опасна земја“, нагласи Орбан.
Европа
Руските медиуми за војната меѓу Иран и Израел: Ова е нашата стратешка можност
Конфликтот меѓу Иран и Израел денес доминира во насловите на руските весници, а многу коментатори во Москва ја гледаат ескалацијата на Блискиот Исток низ призмата на сопствените геополитички интереси, пишува дописникот на Би-би-си за Русија, Стив Розенберг.
„Колку и да звучи цинично, овој конфликт носи одредени придобивки за Русија и на тактичко ниво“, објави таблоидот „Московски комсомолец“ наведувајќи ги растечките цени на нафтата и намаленото внимание на Западот кон војната во Украина. „Киев е заборавен“, се вели во него.
Бизнис-дневниот весник „Комерсант“ оди чекор понатаму: „Секоја ескалација на Блискиот Исток ги одвлекува противниците на Москва од Украина и ги менува приоритетите на западната воена помош“.
Во овој контекст, руските аналитичари сугерираат дека Москва би можела да се обиде да игра улога на непристрасен посредник – не мора да ја реши кризата, туку барем да помогне во нејзиното деескалирање. Ова, според „Комерсант“, би го зајакнало политичкото влијание на Русија во регионот.
Сепак, истиот весник предупредува дека Москва не успеала да спречи израелски напад врз Иран, земја со која потпиша сеопфатен стратешки договор пред само пет месеци. Ова фрла сенка врз нејзината вистинска моќ во регионот и го поставува прашањето колку влијание навистина може да има врз настаните надвор од постсоветскиот простор.
Европа
(Видео) Двегодишно девојче почина од струен удар во Шпанија, три деца хоспитализирани
Двегодишно девојче почина, а уште три деца беа повредени откако беа удрени од струја на трамболина на панаѓур во Алкеријас, во шпанскиот регион Мурсија, вчера рано наутро.
Според шпанските медиуми, трагедијата се случила кратко по полноќ, за време на прославите на денот на патронот на градот. Девојчето било на трамболината кога удрило струјниот удар. Таа останала во несвест, а службите за итни случаи се обидувале да ја реанимираат повеќе од еден час. Таа била прогласена за мртва во 1:16 часот наутро.
🔴 Fallece una niña de 2 años por una descarga eléctrica en una atracción de feria en Alquerías
➡️ @Nereeagm está allí en estos momentos y dará más información a las 15:00 en #La7Noticias, con @enrique_campi
🔗 https://t.co/xM2p97oBNO pic.twitter.com/j115SA8CeB
— La 7 (@la7tele) June 15, 2025
Три деца, осумгодишно девојче и две момчиња на возраст од 11 и 12 години, беа повредени во истиот инцидент. Тие беа однесени во болница од страна на членови на семејството. 29-годишна жена доживеала напад на паника и ѝ била укажана помош на местото на настанот, објави „Ел Еспањол“.
Истражителите на Цивилната гарда ја опколиле трамболината и истражуваат за да ја утврдат причината за несреќата. Полицајците земале изјави од персоналот и сведоците. Тие истражуваат дали трамболината била правилно поврзана со електричната мрежа и дали техничка грешка довела до трагедијата.
Смртта на девојчето предизвика загриженост за безбедноста на привремените саемски атракции низ цела Шпанија. Како што продолжува истрагата, се зголемуваат повиците за построги контроли и појасни прописи за електричните инсталации на вакви настани.
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад низ Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
Истепал и влечел девојче по улица, кога дошла полицијата, се заканил дека ќе ги нападне со секира и тесла: предложен притвор за 23-годишен велешанец
Основното јавно обвинителство Велес поведе постапка и предложи определување мерка притвор за едно лице осомничено за кривично дело – Насилство...
(Видео) Ако Обвинителството не отвори постапка за Филипче за луксузниот џип, ќе докаже дека работи под негов диктат, вели Мицевски
„Ако ЈО не отвори постапка за Филипче за луксузниот џип, ќе докаже дека работи под негов диктат. Филипче добил луксузен...
Мицкоски очекува на 24 јуни Бугарите да го повлечат барањето пред македонскиот јазик и идентитет да стои „сегашен“: Ете им прилика на дело да го покажат она што го зборуваат
Премиерот Христијан Мицкоски нема голема верба во она што го зборуваат Бугарите за спорот околу идентитетот и јазикот оти од...
„Граѓаните да не креваат паника, лисиците не се опасни и не напаѓаат луѓе“, апелираат од „Анима мунди“
Во последните неколку дена се појавија видеа за присуство на лисици во подножјето на Водно, во населбата Козле (мајка со...
Данела Арсовска до Орце Ѓорѓиевски: Дај одговори им на скопјани зошто се криеш и лажеш за надлежностите за „Усје“
„Добро утро, Орце Ѓорѓиевски. Незгодно ми е што ти досаѓам, гарант ќе ти преседне утринското кафе со Хрисафов од ‘Усје’,...
Бислимоски ќе побара цената на водата да ја одредува РКЕ место советите на општините за да се намали загубата, која сега изнесува 64 отсто
За да се намали загубата на водата за пиење, која на национално ниво во просек изнесува речиси 64 отсто, неопходно...
Седум години од потпишувањето на договорот од Преспа
На денешен ден, 17 јуни, 2018 година, Скопје и Атина го потпишаа договорот од Преспа, со кој се затвори долгогодишниот...
Иран најави нов напад со дронови
Иран предупреди дека бран беспилотни летала ќе го погоди Израел во наредните часови. Висок воен командант најави дека нападите ќе...
Уште еден земјотрес синоќа почувствуван во Охрид и во Струга
Земјотрес со јачина од 2,5 степена според Рихтер синоќа по полноќ го погоди Охридскиот Регион. Потресот е регистриран во 00.48...
Злоупотреба на правото на вето, идентитетски условувања и историски ревизионизам – Сиљановска-Давкова во Тирана за проширувањето на ЕУ
Претседателката Гордана Сиљановска-Давкова се обрати на Самитот на шефови на држави и влади на учесниците на Процесот за соработка во...
