Свет
(Видео) Масовен погреб во Киев; Зеленски: Почина Да Винчи, херојот на Украина

Во Киев денес беше организиран масовен погреб на Дмитро Коцјубаило, познат и како Да Винчи, кој загина во битката во Бахмут.
На улиците има илјадници луѓе, а на погребот дојде и украинскиот претседател, Володимир Зеленски.
🕯️Thousands of people in #Kyiv came to say goodbye to Dmytro “Da Vinci” Kotsyubailo.
📷: @sternenko pic.twitter.com/9PbIMeOIGn
— KyivPost (@KyivPost) March 10, 2023
„Да Винчи, херој на Украина, борец доброволец, икона и храбра личност – Дмитро Коцјубаило – загина во битка. Борец на 67. посебна механизирана бригада, командант на баталјон. Загина во битката кај Бахмут, во битката за Украина“, рече Зеленски пред три дена објавувајќи ја веста за неговата смрт.
🇺🇦The President of Ukraine @ZelenskyyUa posthumously honored Dmytro “#DaVinci” Kotsyubailo with the “Cross of Combat Merit”.
Today there was a solemn farewell to Da Vinci, where @MarinSanna also was present during her visit to Kyiv.
🙏RIP, Hero pic.twitter.com/Ec4fsMyA15
— ArmyInform (@armyinformcomua) March 10, 2023
Тој потсети дека од 2014 година Коцјубаило „ги бранеше украинската независност и достоинството на украинскиот народ како еден од најмладите херои на Украина“. „Тој е еден од оние чија лична историја, карактер и храброст засекогаш станаа историја, карактер и храброст на Украина“, рече претседателот Зеленски.
🇫🇮🇺🇦Finnish Prime Minister @MarinSanna has arrived in #Kyiv.
She has already met with President @ZelenskyyUa. They honored the memory of the fallen Hero of Ukraine Dmytro “Da Vinci” Kotsyubailo, who is being mourned today at St Michael’s Cathedral in Kyiv.
📷: Unian pic.twitter.com/RQLB06jbi1
— KyivPost (@KyivPost) March 10, 2023
Финскиот премиер Марин Сана денеска во Киев му оддаде почит на војникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Русија изврши 46 воздушни удари и 900 гранатирања за еден ден

Претседателот на Украина, Володимир Зеленски, соопшти дека Русија извршила сериозни напади врз украинска територија, прекршувајќи го велигденскиот прекин на огнот. Според податоците на врховниот командант на украинската армија, Олександр Сирски, руските сили до 16 часот по локално време извршиле 46 воздушни напади и 900 артилериски гранатирања.
„Денеска руските сили употребија 400 дронови за напади врз различни делови од Украина“, објави Зеленски на социјалните мрежи.
Според него, дел од нападите биле насочени и кон регионот Доњецк, токму за време на прекинот на огнот по повод православниот Велигден. Напади биле регистрирани и во областа Курск во Русија.
Украинскиот претседател остро ја осуди агресијата, оценувајќи дека Москва повторно демонстрира целосно непочитување кон верските празници и обидите за деескалација на конфликтот.
Регион
Додик: Британски специјалци се дојдени во Република Српска да ме убијат

Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.
Регион
Сестри си размениле пцости, па тупаници за имотот на нивниот татко

Две сестри се степале за имотот на нивниот покоен татко! Сè експлодирало во двор во Цазин (БиХ) кога жените, откако си размениле остри зборови, почнале да си разменуваат удари. Соседите зачудено гледале како драматичниот конфликт ги вознемирува локалните жители, принудувајќи ја полицијата да интервенира.
„Прво дошло до жестока расправија во дворот од куќата на нивниот покоен татко, а потоа сето тоа прераснало во физичка пресметка“, вели еден од соседите, кој сакал да остане анонимен.
Според него, спорот настанал околу поделбата на имотот на нивниот татко – земјиште и стара рурална станбена зграда.
„Беше страшно да се гледаат две сестри како се тепаат пред луѓе кои со години ги познаваат како мирни и резервирани луѓе“, додава сосед.