Свет
(Видео) Огромна дупка се отвори на пат во Сеул: пронајдено телото на мотоциклист, кој падна во неа

Човекот кој падна во голема дупка што се отвори на пат во главниот град на Јужна Кореја, Сеул, е пронајден мртов, соопшти локалната противпожарна служба.
Човекот возел мотоцикл во областа Гангдонг кога патот се урнал околу 18:30 часот по локално време (9:30 часот по средноевропско време).
Спасувачите го пронашле неговото тело под земја во вторникот наутро околу 11 часот по локално време, на приближно 50 метри од местото каде што паднал.
Rescue efforts continued Tuesday to locate a motorcyclist who fell into a massive sinkhole in Seoul’s Gangdong-gu district, more than 12 hours after the incident, authorities said.https://t.co/9QfY8etBXN pic.twitter.com/Uf3J7RD5Ng
— The Korea Herald 코리아헤럴드 (@TheKoreaHerald) March 25, 2025
Во несреќата е повреден и возач на автомобил, а снимката од несреќата брзо почнала да се шири на социјалните мрежи во Јужна Кореја.
Широко споделено видео од камерата за надзор го покажува моментот кога пат се урна во близина на прометна раскрсница. На видеото се гледа како мотоциклист паѓа во дупка, додека автомобилот пред него за влакно избегнува да пропадне.
Во вторникот наутро, спасувачите пронашле мобилен телефон и мотоцикл во дупка широка 20 метри и длабока 20 метри, јавуваат локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Турчин во Косово избодел до смрт една од своите ќерки, а другата тешко ја повредил

Маж утрово во Призрен, Косово, избодел до смрт една од своите ќерки и тешко ранил друга. Неговата сопруга исто така беше повредена. Осомничениот е уапсен, објавува порталот КоССев.
Во полициското соопштение се вели дека службите за итни случаи не биле во можност да им пружат помош на девојките на местото на настанот бидејќи осомничениот бил таму со нож во рака. Потоа беа испратени четири полициски патроли.
„На местото на настанот беше утврдено дека осомничениот, М.Г., роден 1981 година, маж, ги избодел своите две ќерки со нож. 15-годишната девојка починала на самото место, додека другата е тешко повредена и моментално се наоѓа во КБЦ во Приштина. Таа е во тешка состојба“, се вели во соопштението.
„Осомничениот, исто така, се повредил и е во Регионалната болница во Призрен. Неговата 35-годишна сопруга, исто така, се здобила со повреди“, се додава во соопштението. Станува збор за турски државјани кои имаат одобрена дозвола за привремен престој во Призрен.
Основното обвинителство во Призрен го окарактеризира овој случај како тешко убиство.
Свет
(Фото) Трамп ја „обвинува“ Меланија за новиот скандал: „Јас не го направив тоа, таа сакаше“

Американскиот претседател, Доналд Трамп, коментираше за фотографијата што беше објавена на социјалните мрежи, вклучително и на официјалниот профил на Белата куќа, на која тој е прикажан како нов папа.
И покрај фактот што фотографијата беше објавена и на неговите приватни профили и на профилот на Белата куќа, Доналд Трамп вели дека нема никаква врска со објавената содржина.
„Јас немав никаква врска со тоа. Некој направил фотографија од мене облечен како папа и ја објави на интернет. Јас не го направив тоа, немам поим од каде дојде. Можеби е вештачка интелигенција, но навистина не знам од каде дојде“, рече Трамп.
Тој тврди дека на католиците им се допаднала шегата.
„Тие не можат да ја поднесат шегата. Не мислам на католиците, туку на медиумите што шират лажни вести. На католиците им се допадна“, рече тој.
Трамп, исто така, рече дека Меланија му рекла дека фотографијата е одлична.
„Всушност, на жена ми ѝ се чинеше слатко. Рече: „Нели е ова прекрасно?““, објасни Трамп.
Католичките лидери во Соединетите Американски Држави реагираа луто на објавата на Трамп, особено нагласувајќи дека може да се протолкува како исмејување на верата.
„Никогаш не е соодветно да се исмејуваат другите и да се исмејува папата“, рече Денис Пост, извршен директор на Католичката конференција на државата Њујорк.
Европа
АфД: Мерц ја плати цената за монструозната изборна измама

Крајнодесничарската партија Алтернатива за Германија (АфД) го поздрави неуспехот на конзервативниот лидер Фридрих Мерц да биде избран за канцелар во првиот круг од гласањето во парламентот.
Шефицата на АфД, Алис Вајдел, изјави дека резултатот, според кој Мерц доби шест гласа помалку од потребното апсолутно мнозинство, ги покажува „слабите темели“ врз кои е изградена коалицијата на конзервативниот лидер со социјалдемократите.
Мерц беше оштетен од самиот почеток, рече првиот секретар на пратеничката група на АфД, Бернд Бауман, во видео објавено на Икс.
„Тој ја плати цената за сите свои предизборни интриги, за монструозни изборни измами какви што никогаш порано не биле видени.“