Свет
(Видео) Огромна експлозија во мексиканска хемиска фабрика
Најмалку седум единици на локалната противпожарна служба се распоредени на терен по огромната експлозија во хемиската фабрика во Гарсија, во државата Нуево Леон на североистокот од Мексико, пренесува РТ.
Фабриката за рециклирање на хемикалии преработува растворувачи и разни масла во индустрискиот дел во градот. И покрај огромната експлозија, за чудо сè уште нема потврдени повредени лица.
Protección Civil de Nuevo León Informa:#Incendio de fábrica al interior de una planta, se escuchan explosiones en Humberto Lobo 8112 y libramiento Parque Industrial Mitras, #García
Cuerpos de auxilio en el lugar.
Seguiremos informando. @nuevoleon pic.twitter.com/J2HRxcjZ1h— Protección Civil NL (@PC_NuevoLeon) May 7, 2020
Сè уште не се издадени наредби за евакуација иако од јавноста е побарано да ја избегнуваат областа, а воспоставен е и безбедносен кордон поради загриженоста за секундарни експлозии.
Сепак, жителите од населбата Бисентенарио масовно ги напуштија своите домови од страв од потенцијално ослободување токсичен гас.
@Mty_Leones @Vitorr_elbomber @LeydaEstradat @nelvaldez colonia mitras bicentenario pic.twitter.com/bhAmA9UZmO
— Nico capi Papito Sanchez (@emmetrece) May 7, 2020
Пријавени се повеќе секундарни експлозии, комплицирајќи ги напорите за пожарникарите во постројката бидејќи првичната експлозија се случила околу 9 часот навечер по локално време. Иако пожарот се прошири на соседниот празен плац, не се очекува да се шири понатаму.
Incendio en fábrica o bodega atrás de colonias Mitras Poniente y Bicentenario #García pic.twitter.com/s0QU5k4CQV
— Polly ? (@blutgirl) May 7, 2020
Видеа на очевидци од местото на настанот ја покажуваат големината на пожарот и густиот црн чад што сега прекрива делови од градското подрачје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.