Свет
(Видео) Одложен лет во Кина: патник фрлал пари во моторот на авионот

Лет на кинескиот аеродром во средата беше одложен повеќе од четири часа бидејќи патник вметнал парички во моторот на авионот.
Летот CZ8805 на „China Southern Airlines“ требаше да полета за Пекинг околу 10:00 часот, но полета дури околу 14:16 часот.
На видеото споделено од бројни државни медиуми, стјуардесата го прашува патникот колку монети фрлил во моторот, на што мажот одговара – меѓу три и пет. Полицијата подоцна го однела патникот на аеродромот.
Авиокомпанијата соопшти дека монетите биле пронајдени при безбедносни проверки.
The passenger #flight CZ8805 flying from southern #China's #Sanya to Beijing was delayed 4 hours on Wednesday after a passenger threw six coins at the aircraft to bless for the departed family member. The passenger involved has been taken away by police for further investigation. pic.twitter.com/XVQ7v1soGL
— Shanghai Daily (@shanghaidaily) March 7, 2024
„Персоналот за одржување на авионот изврши сеопфатна безбедносна инспекција и утврди дека нема безбедносни проблеми пред полетувањето“, соопшти службата за клиенти на авиокомпанијата, пренесе Си-Ен-Ен.
„China Southern Airlines“ издаде предупредување за „нецивилизирано однесување“, велејќи дека фрлањето парички во моторот на авионот претставува закана за безбедноста. Во Кина во изминатите неколку години имаше неколку вакви инциденти, а патниците фрлаат парички верувајќи дека тоа „носи среќа“.
Минатиот октомври летот на „China Southern Airlines“ за Гуангжу беше одложен откако патник фрли парички кон авионот. Во 2021 година, летот на GX Airlines меѓу Вајфанг и Хаику беше откажан бидејќи беа пронајдени неколку монети завиткани во црвена хартија. Во 2017 година, еден постар патник фрли парички за време на влегувањето во авионот, тврдејќи дека тоа е молитва за безбеден лет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев: Трамп ја „разгали“ Европа

Заменик-претседателот на Советот за безбедност на Русија, Дмитриј Медведев, на Телеграм го коментираше трговскиот договор што ЕУ го потпиша со Америка.
Во текстот „Трамп ја разгали Европа“, Медведев вели дека овој вид договор има целосно антируска природа.
„Мора да се признае дека, и покрај неговите екстремни противречности во неговите изјави и постапки, Доналд Трамп е доста доследен во едно нешто – тој брутално ги турка економските интереси на својата земја.
Сегашниот „договор“ со Европската Унија: е целосно понижувачки за Европејците, бидејќи му користи само на САД – ја укинува заштитата на европскиот пазар и ги прави тарифите за американските стоки бесмислени; создава огромни дополнителни трошоци за индустријата и земјоделството во многу земји од ЕУ поради плаќање за скапи американски енергетски производи; пренасочува моќен тек на инвестиции од Европа кон САД;
И секако, „договорот“ има исклучително антируска природа, бидејќи забранува купување на нашата нафта и гас. Но, додека за Трамп тоа е првенствено бизнис, за една изнемоштена старица по име Европа – тоа е дел од неонацистичката идеологија која ја напаѓа благосостојбата на сопствените граѓани.
Може да се изрази само сочувство кон обичните Европејци. Најдоброто нешто за нив сега би било да започнат напад врз Брисел, со цел да ги обесат сите комесари на ЕУ на јарболите на земјите од ЕУ – вклучувајќи ја, секако, и лутата баба Урсула. Секако, нема да помогне, но барем ќе биде забавно“, објави Медведев.
Фото: принтскрин
Свет
Мерц: Со договорот со САД, успеавме да спречиме трговски конфликт

Германскиот канцелар Фридрих Мерц и ирскиот премиер Мајкл Мартин го поздравија договорот за царини меѓу ЕУ и САД, велејќи дека е избегната трговска војна што ќе ги погодеше економиите на двете земји, објавија светските агенции.
Договорот беше постигнат за време на вчерашниот состанок меѓу американскиот претседател Доналд Трамп и претседателката на Европската комисија Урсула фон дер Лајен и значи царини од 15 проценти за речиси целиот европски извоз во САД.
Ирска, со голема фармацевтска индустрија, беше на првата линија на нападот заедно со Германија, за која САД се главен пазар за автомобили, челик и машински алати.
Европските земји не се сите подеднакво изложени на американскиот пазар и затоа не би ги претрпеле истите последици доколку претседателот Доналд Трамп ги исполни своите закани за воведување царини од 30 проценти на Европската унија (ЕУ).
„Со договорот, успеавме да спречиме трговски конфликт што силно ќе ја погодеше извозно ориентираната германска економија“, рече Мерц.
Ова особено се однесува на автомобилската индустрија, каде што сегашните царини од 27,5% се речиси преполовени, додаде тој, како што објави германската новинска агенција ДПА.
Мерц нагласи дека е добро што се избегнува непотребна ескалација во трансатлантските трговски односи.
„Единството на Европската унија и напорната работа на преговарачите се исплатија“, тврди тој.
Свет
Драматично видео: патник во авион извикувал „Алах Акбар“ и дека има бомба

Храбар патник успеал да совлада човек кој извикувал во авионот дека има бомба. Инцидентот се случил вчера на лет на easyJet од Лутон до Глазгов.
Драматичен инцидент што се случи во утринските часови, доведе до принудно слетување на преполн авион на аеродромот во Глазгов.
Напаѓачот потоа беше врзан со лисици и шест полицајци го извлекоа од авионот, додека преплашените патници останаа во солзи.
На видеото се слуша како напаѓачот вели: „Сакав да му испратам порака на Трамп… тој е во Шкотска“.
View this post on Instagram
Американскиот претседател моментално е во посета на таа земја и бил виден како игра голф за време на викендот.
Еден очевидец рекол дека одеднаш се разбудил околу 8 часот наутро, помалку од еден час по полетувањето од Лутон, кога еден човек излегол од тоалетот на задниот дел од авионот и почнал да прави врева.
„Излезе од тоалетот викајќи: „Алаху Акбар“ со рацете кренати над главата. Потоа рече: „Имам бомба, имам бомба“ – во тој момент луѓето беа збунети. Мислев дека се шегува, мислам, тоа е чудна шега“, рече патникот.
Тој рече дека човекот ги турнал вработените во авиокомпанијата и се однесувал агресивно кон нив.
„Кога ги турна, тогаш сè се промени. Во тој момент, еден човек успеа да го зграби и да го собори на подот, а потоа сите скокнаа врз него. Се бореа малку на подот, но тогаш веќе знаееше дека згрешил“, рече патникот.
„Пилотот објави дека ќе направи итно слетување и многу брзо го спушти авионот. Некои патници плачеа затоа што беа потресени. Сè беше малку нереално“, додал тој.