Свет
(Видео) По насилните протести во Киргистан, опозиционер избран за премиер
Парламентот во Киргистан ја избра опозиционерката Садира Жапарова за нов премиер на оваа земја по насилните демонстрации што избувнаа денеска кога изборната комисија ги соопшти прелиминарните резултати од изборите одржани во неделата.
Демонстрантите набргу се собраа по што настана хаос. Тие со камион ја искршија капијата зад која се наоѓаат претседателството и парламентот, здание наречено Белата куќа. Како што се наведува, тие ја презеле власта од претседателот Соронбај Женбеков.
#Kyrgyzstan is experiencing another round of political turmoil after parliamentary elections on October 4 saw the apparent victory of the pro-Russia establishment. The opposition said the polls were rigged. Read: https://t.co/1PyRyrevsL #Bishkek #Kyrgyzstan2020 #KyrgyzstanProtest pic.twitter.com/oTMdVRFllX
— TRT World Research Centre (@TRTWorldRC) October 6, 2020
За време на протестите бил предизвикан и пожар во зградата на претседателството, кој набргу беше изгаснат.
Полицијата употреби гумени куршуми, солзавец и водени топови, но граѓаните на Бишкек беа посилни и упаднаа во зградата.
Во судирите едно лице загинало, а повредени се речиси 600 луѓе, од кои 150 се хоспитализирани. Повредени се и 190 припадници на силите на редот.
Protesters occupy presidential palace in #Kyrgyzstan
Protesters unhappy with election results occupy presidential palace, parliament https://t.co/ARUfJlgO7e pic.twitter.com/dtEUYeFPES
— ANADOLU AGENCY (ENG) (@anadoluagency) October 6, 2020
Според информациите од тамошните медиуми, кога демонстрантите упаднале внатре, таму не нашле ниту еден функционер бидејќи претходно конвој возила бил забележан како ја напушта зградата.
Тие потоа ги ослободиле поранешниот претседател Алмазбек Атамбаев и поранешниот премиер Сапар Исаков, кои ја предводеа владата во 2017 и 2018 година.
Опозициските групи зазедоа уште неколку згради, меѓу кои и седиштето на градоначалникот на Бишкек и именуваа вршител на должноста шеф на националната безбедност, државен обвинител и командант на главниот град.
Како што пренесуваат локалните медиуми, гувернери на неколку провинции поднеле оставки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп воведе санкции врз колумбискиот претседател и неговото семејство
Соединетите Американски Држави воведоа санкции врз колумбискиот претседател Густаво Петро, објави Канцеларијата за контрола на странски средства на Министерството за финансии на САД. Неговата сопруга Вероника Алкосер, синот Николас Петро и министерот за внатрешни работи Армандо Бенедети се исто така на списокот на санкционираните, што дополнително ги затегнува односите меѓу САД и Колумбија.
Санкциите се засноваат на претседателскиот декрет EO14059, кој е насочен кон меѓународната трговија со дрога и организираниот криминал. Ова значи дека сите средства на Петро и неговите најблиски роднини во САД ќе бидат замрзнати, а на граѓаните и компаниите на САД им е забрането да соработуваат со нив.
САД го обвинуваат Петро дека дозволил производството на кокаин во Колумбија да порасне на највисоко ниво за една деценија за време на неговиот мандат, преплавувајќи го американскиот пазар и штетејќи му на американското општество.
Министерот за финансии Скот Бесент изјави дека претседателот Петро им дозволил на нарко-картелите да цветаат и одбил да ја запре оваа активност, поради што администрацијата на претседателот Доналд Трамп презема строги мерки за заштита на земјата од трговија со дрога.
Свет
Франција осуди жена на доживотен затвор првпат во историјата
Француски суд ја осуди Алжирката Дабија Бенкиред на доживотен затвор без можност за условна слобода во петокот за силување, тортура и убиство на 12-годишната Лола Давиет. Со оваа пресуда, Бенкиред стана првата жена во Франција на која ѝ е изречена најстрогата можна казна.
Случајот што ја потресе земјата во 2022 година, предизвика и жестока дебата за имиграцијата, со оглед на тоа што осудената немала важечка дозвола за престој, пишува Le Monde. Бенкиред, која сега има 27 години, беше уапсена кратко откако девојчето исчезна во североисточен Париз. Телото на Лола Давиет беше пронајдено во ковчег во лобито на зградата каде што нејзините родители работеа како чистачи.
Претседавачкиот судија, во своето образложение за пресудата, ја истакна „исклучителната суровост на злосторствата“, опишувајќи ги како „вистинска тортура“.
„При одредувањето на соодветната казна, судот ја зеде предвид неописливата психолошка штета врз жртвата и нејзиното семејство во такви насилни и речиси неописливи околности“, рече тој.
На почетокот на судењето минатата недела, Бенкиред се извини за своите ужасни постапки. Сепак, тројца форензички психијатри сведочеа дека забележале психопатски тенденции кај обвинетата и дека не веруваат дека таа страда од ментално нарушување што може да се лекува.
Случајот го искористија конзервативните и крајно десничарските политичари за да побараат построго спроведување на законите за имиграција, откако беше откриено дека Бенкиред го пречекорила рокот на нејзината студентска виза и го игнорирала налогот да ја напушти Франција. Мајката на жртвата апелираше до политичарите да престанат да ја експлоатираат смртта на нејзината ќерка за политички цели.
Свет
Турција го обвинува Израел за кршење на примирјето, бара одговор од САД
Турција ги повика САД да дејствуваат, обвинувајќи го Израел за кршење на договорот за прекин на огнот во Газа. Турскиот претседател Реџеп Таип Ердоган изјави дека Вашингтон и сојузниците треба да размислат за санкции и запирање на продажбата на оружје за да го принудат Израел да го почитува договорот.
Турција, членка на НАТО, беше вклучена во разговорите за прекин на огнот како посредник, а нејзината улога беше зајакната по средбата минатиот месец меѓу Ердоган и Доналд Трамп во Белата куќа.
„Страната на Хамас се придржува до прекинот на огнот. Всушност, отворено ја изразува својата посветеност кон него. Израел, во меѓувреме, продолжува да го крши прекинот на огнот“, изјави Ердоган пред новинарите.
„Меѓународната заедница, т.е. САД, мора да направи повеќе за да обезбеди целосно почитување на прекинот на огнот и договорот од страна на Израел“, додаде тој.
Од друга страна, Израел го обвини Хамас за кршење на примирјето, велејќи дека неодамнешните воени акции во Газа биле дизајнирани токму за одржување на договорот.
Кога беше прашан за коментарите на израелскиот премиер Бенјамин Нетанјаху, кој се спротивставува на каква било мировна улога на турските сили во Појасот Газа, Ердоган одговори дека разговорите сè уште се во тек.
„Бидејќи ова е повеќеслојно прашање, во тек се сеопфатни преговори. Ние сме подготвени да ѝ пружиме на Газа каква било форма на поддршка по ова прашање“, рече тој.
Односите меѓу поранешните сојузници Израел и Турција го достигнаа дното за време на војната во Газа, при што Анкара ја обвини владата на Нетанјаху за геноцид, што Израел постојано го негира.

