Европа
(Видео) Орбан: Човекот е или маж или жена, не организирајте Парада годинава

Унгарскиот премиер Виктор Орбан во својот говор за состојбата на нацијата рече дека Украина нема да стане членка на ЕУ се додека тоа е спротивно на интересите на Унгарија.
Орбан, критичар на западната воена помош за Украина во војната со Русија, рече дека влезот на Украина во ЕУ „ќе ги уништи унгарските земјоделци, но не само нив, туку и целата унгарска економија“.
Што се однесува до Европската унија, тој ја обвини дека „сака само попустлива влада во Унгарија“.
„Војната е при крај. Овде всушност не се работи за Украина, туку за војна за територија наречена Украина, која беше зона на конфликт меѓу НАТО и Русија, која беше под надзор на НАТО“, рече Орбан, додавајќи дека не разбира зошто европските и американските либерали мислеа дека Русите мирно ќе набљудуваат.
State of the Nation 2025 https://t.co/nE1QcOVxil
— Orbán Viktor (@PM_ViktorOrban) February 22, 2025
Тој рече дека прва се побунила Унгарија, а дури потоа дошле САД.
„По Унгарија, се побунија и САД. Но, да не веруваме дека успешниот бунт на Америка ќе и донесе победа на Унгарија. Тие не можат да победат за нас, тие можат само да ги подобрат нашите перспективи. Претседателот (Доналд) Трамп не е наш спасител, туку наш соборец“, нагласи Орбан.
„Да бидеме горди што ние Унгарците ја одигравме нашата улога во менувањето на светот, многу повеќе од нашата големина, економска моќ и население. Ние бевме пионери, предвесници и иницијатори на овој бунт“, нагласи Орбан.
Тој, исто така, најави дека Будимпешта се соочува со неколку битки против бриселските бирократи, наведувајќи ја онаа против миграцискиот пакт и за „заштита на децата“ и велејќи дека уставот треба да содржи изјава дека едно лице е или маж или жена.
Тој им порача на организаторите на Парадата на гордоста во Будимпешта да „не се мачат да ја подготвуваат оваа година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Чешката влада: Првпат во историјата не сме зависни од руската нафта

Чешка стана целосно независна од руската нафта првпат во својата историја, соопштија денеска владини претставници откога го зголемија капацитетот на Трансалпскиот гасовод (ТАЛ), кој носи нафта од запад.
Првите зголемени зрезерви стигнаа до централното складиште за нафта во Чешката Република преку гасовод, изјави премиерот Петр Фијала на денешната прес-конференција емитувана на чешката телевизија.
Чешката влада се обиде да стави крај на својата делумна зависност од нафтоводот „Дружба“, кој транспортира нафта од Русија речиси 60 години.
Кон крајот на минатата година чешкиот нафтовод МЕРО ја заврши надградбата по должината на ТАЛ, кој транспортира нафта од танкери во италијанскиот град Трст до Германија, каде што се поврзува со гасоводот ИКЛ до Чешка.
Надградбата на ТАЛ го зголеми капацитетот со кој располага Чешка на осум милиони тони годишно, што е доволно за годишните потреби на земјата.
Чешката компанија за преработка на нафта „Орлен унипетрол“ ја набавуваше половина од својата сурова нафта од Русија, а другата половина од ТАЛ.
Компанијата ги користи државните резерви за да ги одржи претходните нивоа на производство откога испораките на „Дружба“ беа прекинати во март, но се подготвува да ја користи исклучиво нафтата што ќе ја добие од ТАЛ по зголемувањето на капацитетот.
Европа
Русите го нападнаа Днепар со дронови: двајца загинати, меѓу повредените и деца

Русија синоќа изврши масовен напад со дрон врз градот Днепар во југоисточна Украина, при што загинаа две лица.
Серхиј Лисак, гувернер на регионот Дњепропетровск, извести дека загинале две жени, а во моментов се знае дека се повредени 16 лица. Меѓу повредените има три деца, девојче на само девет месеци и момчиња на возраст од шест и единаесет години. Пет лица во моментов се на болничко лекување.
🇷🇺 Slavyangrad on Telegram posted this picture of Dnepropetrovsk hit by Geranium-2 drones
🕊️ℹ️ IMO given the necessary time, Russia will seek to liberate Dnipropetrovsk, Zaporizhzhia, Kharkiv, Kherson, Mykolayiv and Odessa pic.twitter.com/LzKGcLGk9F
— 🇿🇦🇨🇺🇵🇸 White EFF Fighter (@lula_leftist) April 17, 2025
Покрај тоа, Лисак додаде дека нападите предизвикале неколку големи пожари кои оштетиле приватни домови и згради, како и образовна институција. Борис Филатов, градоначалникот на Днепар, додаде дека руските беспилотни летала го гаѓале и градското собрание.
Претходната ноќ, црноморскиот пристанишен град Одеса повторно беше мета на руски беспилотни летала, а за време на тој напад беа повредени три лица, а беа предизвикани и пожари, како и оштетувања на куќите и цивилната инфраструктура.
Европа
Русите ја нападнаа Одеса

Во напад на руски беспилотни летала врз пристанишниот град Одеса на Црното Море во текот на ноќта повредени се три лица, предизвикани се пожари и оштетени се домови и цивилна инфраструктура, соопштија утринава властите во јужниот украински регион.
„Непријателот повторно ја нападна Одеса со масовен напад со беспилотни летала“, рече Олех Кипер, гувернер на регионот, чиј административен центар е градот Одеса, на апликацијата за пораки „Телеграм“, но сè уште не е познат целосниот обем на нападот.
Украинските воздухопловни сили обично известуваат за детали за руските напади што траат во текот на ноќта подоцна утрото.
Во објава на „Телеграм“ службите за итни случаи на Украина објавија дека три лица се повредени и дека како резултат на нападот избувнале неколку пожари во градот.
Градоначалникот на Одеса, Генадиј Труханов, објави фотографија на која се урнати станбени згради и други објекти, а на друга работниците за итна помош бараат низ урнатините, а куче ѕирка зад куп дрва.
„Ројтерс“ не можеше независно да ги потврди извештаите. Двете страни негираат дека целеле цивили во војната што Русија ја почна со сеопфатната инвазија на Украина пред повеќе од три години.
Кон крајот на март САД соопштија дека постигнале посебни договори со Украина и Русија за запирање на нападите над Црното Море и едни со други енергетски цели.
Двете страни постојано меѓусебно се обвинуваат за кршење на мораториумот.