Бакингемската палата соопшти дека ќе започне истрага за инцидентот во кој персоналот бил вмешан во тепачка во бар, објави Сан.

Работниците присуствувале на прием во палатата, а потоа отишле во блискиот бар за да ја продолжат прославата, но набргу потоа избила тепачка, јавува Ројтерс.

Од палатата потврдија дека официјални лица биле информирани за инцидентот што се случил надвор од работното место.

„Иако се работеше за неформален собир, а не за официјална божиќна забава, се ќе биде детално истражено, а против некои вработени ќе бидат поведени дисциплински постапки“, се наведува во соопштението.

Администрацијата на американскиот претседател Џо Бајден најави нов пакет оружје за Украина, иако количината или содржината на пакетот не се откриени.

Портпаролот на Белата куќа Џон Кирби изјави дека САД ќе продолжат да испраќаат дополнителни пакети помош за Украина „до крајот на администрацијата на Бајден“.

Вашингтон пред десет дена соопшти дека ќе испрати проектили, муниција, противпешадиски мини и друго оружје во Украина во вредност од 725 милиони долари, додека администрацијата на Џо Бајден во заминување се обидува да го зајакне Киев во војната со Русија пред да ја напушти функцијата во јануари.

Пакетот, кој се испраќа под претседателското специјално овластување (ПДА) за што поскоро да се донесе оружје од американските залихи до првите линии на фронтот, се очекува да биде во вредност од околу 500 милиони долари и да вклучува муниција за ракетните системи ХИМАРС.

По вчерашното соопштение, околу 5,6 милијарди долари ќе продолжат да му бидат достапни на Бајден според системот ПДА без потреба од одобрување од Конгресот.

Руската војска зазема село по село на истокот на Украина како дел од обидот да го заземе индустрискиот регион Донбас, додека Русите ја гаѓаат енергетската мрежа на Украина со воздушни напади.

Унгарскиот премиер Виктор Орбан и украинскиот претседател Володимир Зеленски влегоа во дебата на социјалната мрежа Икс.

Да потсетиме дека Орбан вчера објави дека му се јавил на рускиот претседател Владимир Путин и разговарал со него.

„Зборував со претседателот Путин еден час: ова се најопасните недели од руско-украинската војна. Го преземаме секој можен дипломатски чекор со цел прекин на огнот и мировни преговори“, напиша Орбан.

И Кремљ потврди дека двајцата лидери разговарале телефонски, додавајќи дека повикот бил инициран од канцеларијата на Орбан.

Зеленски брзо реагираше на информациите за разговорот на Орбан со Путин.

„Сите се надеваме дека Орбан барем нема да му се јави на Асад во Москва за да го слуша неговото едночасовно предавање. Апсолутно е јасно дека за постигнување вистински мир и загарантирана безбедност потребна е американска одлучност, европско единство и непоколеблива посветеност на сите партнери на целите и принципите на Повелбата на ОН“, рече Зеленски.

„Никој не треба да го зајакнува својот личен имиџ на сметка на единството. Сите треба да се фокусираат на заедничкиот успех. Единството во Европа отсекогаш било клучно за постигнување успех. Без Украина не може да има дискусија за војната што Русија ја води против Украина. Благодарен сум на Трамп и на многу европски лидери со кои веќе работиме на изнаоѓање вистински и силни решенија за вистински мир“, додаде тој.

Потоа Орбан повторно одговори. „На крајот од унгарското претседавање со Европската унија, направивме нови напори за мир. Предложивме божиќен прекин на огнот и голема размена на затвореници. Жално е што претседателот јасно го одби и го исклучи овој предлог. Направивме се што можевме“, нагласи унгарскиот премиер.