Свет
(Видео) Папата Лав 14 го одржа првиот говор: „Бог нè сака сите, безусловно“

Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го одржа својот прв говор по изборот пред десетици илјади собрани верници.
Во своето прво обраќање до верниците, 70-годишниот папа Лав 14, роден во Чикаго, започна со зборовите: „Мир со сите вас. Браќа и сестри, ова е првиот поздрав од воскреснатиот Христос. Би сакал да упатам поздрав на мир што ќе стигне до вашите семејства, до сите вас, каде и да сте. Нека биде мирот со вас.“
Тој го одржа својот говор на италијански, а публиката го поздрави со громогласен аплауз и навивање.
Потоа Папата продолжи со порака за љубов и единство, велејќи дека „Бог нè сака сите, безусловно“. Тој му се заблагодари на својот претходник, папата Франциск, и изрази желба, како него, да им го даде својот благослов на верниците на плоштадот „Свети Петар“.
„На човештвото му е потребен Христос како мост преку кој ќе стигне до Бога и неговата љубов. Помогнете ни, и дозволете ни да си помагаме едни на други, да градиме мостови“, рече новиот папа.
Во последниот дел од својот говор, Папата ги покани верниците заедно да се молат на Дева Марија, а плоштадот повторно одекна со ентузијазам.
По молитвата, тој прочита дел од светиот текст на латински јазик во чест на светците и Дева Марија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Се урна воен авион во Јужна Кореја

Три лица беа пронајдени загинати кога патролен авион на јужнокорејската морнарица се урна на југот од земјата, соопштија властите. Четвртото лице сè уште не е пронајдено, објавија јужнокорејските медиуми.
Јужнокорејската морнарица потврди дека патролен авион П-3 со четири члена на екипажот се урна во планина во југоисточниот град Поханг.
Just in – Naval Aircraft Crash in Pohang, South Korea
A naval patrol plane with four people aboard has crashed in Nam-gu, Pohang. Authorities have confirmed the incident, while the Navy reports that a military aircraft went down and damage is currently being assessed. Emergency… https://t.co/1xSAoAdKML pic.twitter.com/HfqBaiYsWU
— Weather Monitor (@WeatherMonitors) May 29, 2025
Воениот авион падна во 13:52 часот по локално време, објави „Јонап“.
Сведоци пријавија дека од планината се издига чад.
Спасувачи и противпожарни возила беа испратени на местото на несреќата откако добија извештаи од локалните жители дека паднал неидентификуван летачки објект и дека имало експлозија, објавија службите за итни случаи, пренесува АП.
Полициската станица Намбу во Поханг соопшти дека во несреќата учествувал патролен авион на морнарицата, но не можеше веднаш да потврди дали имало жртви или повредени.
Властите објавија дека немало цивилни жртви.
Свет
Трамп за Харвард: Се обидуваат да покажат колку се паметни а сè што добиваат е ќотек

Американскиот претседател Доналд Трамп вчера го обвини Универзитетот Харвард за непочитување на Соединетите Американски Држави, тврдејќи дека единствениот резултат од нивното инсистирање на независност е тоа што тие сè повеќе ги трпат последиците.
Администрацијата на Доналд Трамп се судри со неколку универзитети што ги обвинува за промовирање левичарски идеи, прекинување на финансирањето и обиди за запирање на нивните програми, како што се оние, поврзани со различноста и инклузијата.
Владата ги наведува пропалестинските протести на универзитетските кампуси, како и наводите за толеранција на антисемитизмот, како причини за овие потези.
Сепак, критичарите тврдат дека Трамп ги користи наводите како изговор за притисок и казнување на академските институции што се спротивставуваат на неговите политики.
За разлика од многу други универзитети, Харвард одби да ги исполни барањата на администрацијата на Трамп. Како резултат на тоа, тој наводно изгуби милијарди долари федерални субвенции.
Зборувајќи со новинарите во Белата куќа, Трамп рече дека би сакал Харвард „повторно да биде одличен“, но дека мора „да се однесува добро“.
„Харвард покажува големо непочитување кон нашата земја и сè што прават е пропаѓање“, рече Трамп.
„Тие се обидуваат да покажат колку се паметни и сè што добиваат е ќотек“, додаде тој.
Свет
Илон Маск ја напушта Белата куќа

Илон Маск објави дека ја напушта администрацијата на Доналд Трамп, каде што ја водеше канцеларијата за намалување на трошоците на американската влада. Стотици илјади вработени беа отпуштени или прераспоредени за време на неговиот мандат.
Во објава на неговата платформа X, Маск му се заблагодари на Трамп за можноста да ја води новосоздадената Канцеларија за ефикасност на владата, позната под акронимот DOGE (Оддел за ефикасност на владата).
Според Би-Би-Си, Белата куќа го започна формалниот процес на неговото заминување од позицијата „специјален владин службеник“ во вчера вечерта, што му овозможи да извршува федерални работи до 130 дена во годината.
Позицијата на Маск беше привремена, а неговото заминување беше очекувано, но времето е значајно бидејќи доаѓа еден ден откако тој јавно критикуваше голем законодавен проект на администрацијата на Трамп.
„Бидејќи мојот мандат како специјален владин службеник истекува, сакам да му се заблагодарам на претседателот Трамп за можноста да го намалам расипничкото трошење“, напиша Маск на X.
„Мисијата на DOGE само ќе станува посилна со текот на времето, бидејќи станува начин на живот низ целата влада“, додаде тој.
Маск претходно изјави дека е разочаран од предлогот за буџет на Трамп, кој вклучува намалување на даноците во вредност од повеќе трилиони долари и зголемени воени трошоци.
Во времето на политичката вмешаност на Маск, Тесла забележа пад од 13% во продажбата во првиот квартал, најголем во својата историја. Акциите паднаа за дури 45%, и иако делумно се опоравија, тие сè уште се околу 10% под нивната почетна вредност.
Маск во вторникот на економски форум во Доха изјави дека ќе остане на чело на Тесла најмалку уште пет години.