Свет
(Видео) Пастор уапсен во Велика Британија зашто рекол дека бракот е помеѓу маж и жена
71-годишен христијански пастор, кој беше уапсен по проповедта од Библијата во вторникот, го опиша третманот кон него како срамен бидејќи бил обвинет за хомофобични забелешки бидејќи го дефинирал бракот како врска меѓу маж и жена, пренесува „Дејли мејл“
Пасторот Џон Шервуд бил уапсен пред станицата „Уксбриџ“ во западен Лондон, однесен со лисици и испрашуван во полициска станица, во која бил задржан преку ноќ. Шервид вели дека добил модринки кога полицијата му ги фатила рацете зад грбот и го одвлечкала од мини скалата на која бил качен.
„Јас не ширев хомофобични коментари, туку само го дефинирав бракот како врска помеѓу маж и жена. Го кажував само она што го вели Библијата – не сакав да повредам или навредам“, вели Шервуд, кој е пастор повеќе од 35 години.
„Го правев она што го е наведено во описот на мојата работа, а тоа е да го проповедам евангелието под отворено небо како и во црквата. Кога полицијата ми пријде, објаснив дека ги остварувам мојата верска слобода и совеста. Бев насила повлечен од скалите и добив повреда на зглобот и на лакотот. Ме третираа срамно. Не требаше да се случи тоа“, додава тој.
Шервуд, кој проповеда во независна евангелистичка црква во северен Лондон, бил уапсен за наводно предизвикување тревога или вознемиреност според законот за јавен ред и мир на Велика Британија. Тој бил ослободен без обвинение иако Обвинтелството наводно го разгледува неговиот случај.
Шервд бил уапсен по пријава на случаен минувач, кој алармирал патролни полицајци тврдејќи дека Шервуд шири хомофобични забелешки. Како што може да се види на видеото, додека полицајците му ставаат лисици на Шервуд и го придружуваат до полициско возило, набљудувачите викаат: „Тој е постар човек – пополека со него“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вучиќ одржува контрамитинг во Јагодина
Александар Вучиќ одржува контрамитинг во Јагодина.
Како што пренесува РТС, тој на насобраните им рекол дека е свесен за тежината на моментот во кој се нашле.
На студентите им порача „книги, а не знамиња“ и ги покани да разговараат, како и да кажат кое од барањата не е исполнето за да се исполни.
Регион
Студент: Го блокиравме автобусот што одеше на собирот на Вучиќ, не растераа 60 полицајци
Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, ги повикаа српските граѓани денеска да излезат на генерален штрајк.
Студентот Вељко Вучетиќ изјави дека толпата запрела автобус кој требало да оди на митинг организиран од српскиот претседател Александар Вучиќ и СНС во Јагодина.
„Не го запревме сообраќајот, туку еден автобус, стоевме таму 45 минути, дојде бригада со 60 полицајци и не растера под изговор дека го блокираат сообраќајот“, изјави студентот за Н1 Србија.
Тој додаде дека остануваат во Автокоманда „додека повторно не бидат растерани“.
„Ние стоиме овде без намера да си заминеме. Можам да им се заблагодарам на сите луѓе, студенти, граѓани, што го почитуваа генералниот штрајк, стојат покрај сите нас и постојано не поддржуваат“, кажа студентот.
Европа
Путин: Најдобро би било јас и Трамп да се сретнеме
Рускиот претседател Владимир Путин изјави дека тој и Доналд Трамп треба да се сретнат за да разговараат за војната во Украина и цените на енергијата, прашања што американскиот претседател ги истакна во првите пет дена од неговата нова администрација.
Путин, сепак, рече дека не може да има сериозни мировни преговори со Украина, освен ако Западот не се потпре на претседателот Володимир Зеленски за да го поништи декретот од 2022 година со кој се забрануваат преговори со рускиот лидер.
Путин го опиша Трамп, кој оваа недела и се закани на Русија со нови санкции и царини доколку не преговара за крај на војната, како паметен и прагматичен. Тој рече дека не очекува американскиот претседател да носи одлуки за санкции кои би влијаеле на американската економија.
„Затоа, најверојатно ќе биде подобро да се сретнеме, врз основа на денешната реалност, мирно да разговараме за сите оние области важни за САД и за Русија. Ние сме подготвени“, рече тој, додавајќи дека тоа зависи од изборот на американската страна.
Тоа беше најсилниот показател досега од Кремљ дека сака предвремен самит со Трамп по три години практично никаков контакт на високо ниво со западните лидери за војната во Украина.