Европа
(Видео) „Паѓа толку многу снег што луѓето излегуваат од дома преку прозорците“ – снежен хаос во Норвешка
Невидена снежна бура ја покри Норвешка, а во главниот град Осло предизвика хаос во транспортот.
„Жал ни е, ова е хаос. Надвор е минус 10, но тоа не е проблемот. Падна толку многу снег што немаа време да го расчистат. Вака никогаш не било, минатата недела беше -25. Беше тотален колапс, луѓето се евакуирани од метроата, снема струја во делови од градот“, изјави за „24 часа.хр“ една Хрваткам која живее во Осло.
Finalmente he podido salir, un corto reporte de como esta el tiempo de invierno en el norte de Oslo 🥶 pic.twitter.com/75VhQ7iVWs
— Enriques Norway (@EnriquesNorway) January 17, 2024
Таа вели дека едвај стигнала на работа и дека некои луѓе останале заглавени во своите куќи бидејќи снегот им ги затрупал вратите, па морале да излезат низ прозорците.
Сите автобуси во центарот на Осло се откажани, а преостанатиот дел од јавната транспортна мрежа на норвешкиот главен град е погоден од големи проблеми поради снежното невреме.
Just a normal day in Oslo. Busses can’t function, metros are stuck in tunnels, and all trains have stopped.
How’s your day going? #norway #snowday pic.twitter.com/U1ABGLAPAX
— ⏱Christopher Vonheim (@ChrisVonheim) January 17, 2024
„Голем дел од јавниот превоз е зафатен од снежното време. Ова води до одложувања и откажувања неколку линии. Ви препорачуваме да не патувате денес. Ако сепак треба да патувате, ве охрабруваме да планирате однапред и да го проверите планерот за патување“, напиша транспортната мрежа на својата веб-страница во средата.
Mega snow day in Oslo today.
Stay warm & safe.Extreme weather days (sun, rain, wind, snow!) are incredible experiences that I enjoy! pic.twitter.com/vMzhdqfn0A
— Kunal Shah (@kunalashah) January 17, 2024
Со големи проблеми се соочија и градските линии на трамвајот и метрото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пукање кај израелската амбасада во Стокхолм, неколкумина уапсени
Шведската полиција приведе неколку лица и опколи област во Стокхолм, откако патрола слушнала наводен истрел, соопшти полицијата во петокот, а израелската амбасада е во опкружената област.
„Полициска патрола во Страндваген во Стокхолм слушнала звуци и се посомневала дека има пукање“, објави полицијата на својата веб-страница.
Неколку лица се уапсени и покрената е истрага поради сомнение за тешко вооружено злосторство, додаваат тие.
„Во врска со истрагата која е во тек, сознанијата го потврдуваат сомнежот дека имало пукање“, се наведува во објавата на полицијата на својата веб-страница.
Ројтерс се уште не може да добие коментар од полицијата или израелската амбасада.
Шведската новинска агенција ТТ соопшти дека полицијата одбила да коментира дали има врска меѓу инцидентот и израелската амбасада.
Европа
Орбан: Фицо е меѓу животот и смртта
Словачкиот премиер Роберт Фицо е меѓу животот и смртта два дена по атентатот што ја шокира Европа, изјави унгарскиот премиер Виктор Орбан. Тоа беше првиот голем атентат на европски политички лидер во повеќе од 20 години и наиде на меѓународна осуда.
Политичките аналитичари и пратеници велат дека тоа ја разоткри сè пожешката и поларизирана политичка клима во Словачка и во Европа.
„Се молиме за премиерот и навиваме за Словачка“, рече Орбан. „Му посакуваме брзо закрепнување и враќање на работа. Роберт Фицо е меѓу животот и смртта“.
Орбан рече дека дури и ако Фицо закрепне, тој нема да работи со месеци во критично време пред изборите за Европскиот парламент на почетокот на следниот месец.
„Ни претстојат избори што ќе одлучуваат не само за пратениците во Европскиот парламент туку заедно со изборите во САД тие може да ги одредат текот на војната и мирот во Европа“, рече Орбан.
„Во таа ситуација навистина ќе ни требаат Роберт Фицо и Словачка, која се залага за мир“, додаде тој.
Европа
(Видео) По масовните напади на Крим, сателитските снимки откриваат уништени руски авиони и оштетени згради
Сателитските снимки до кои дојде Си-ен-ен покажуваат три уништени руски авиони и оштетени згради во воздухопловната база Белбек во Севастопол во средата. Станува збор за пресретнувачи Микојан МиГ-31 и борбени авиони Сухој Су-27.
Сателитските снимки од Максар покажуваат два изгорени авиони на главната писта кај Белбек, а третиот е паркиран на заштитен насип. Сателитските снимки покажуваат и уништена зграда во близина и друга која претрпела значителна штета.
On @Maxar imagery, two MiG-31s and one Su-27 have been completely destroyed, and a MiG-29 damaged, at the Russian Air Force's Belbek Airbase in occupied Crimea. A fuel storage near the main airbase runway was also destroyed, and debris continued to burn in the aftermath. https://t.co/ZWflMYUFVw pic.twitter.com/80N56MRP2h
— Christiaan Triebert (@trbrtc) May 16, 2024
Михаил Развозаев, гувернерот на Севастопол назначен од Русија, утринава преку Телеграм изјави дека Русите „успешно одбиле масовен непријателски напад врз Севастопол“. Вторпат Белбек е мета на Украинците во последните 48 часа.
Запрашан за украинскиот напад на Белбек, Дмитро Плетенчук, портпарол на украинската војска, вчера изјави: „Во моментов не можеме да објавиме никакви детали бидејќи во овој момент нема проверени информации“.