Свет
(Видео) Петмина загинати во ужасна несреќа во САД, се преврте автобус полн со патници

Пет лица загинаа кога туристички автобус со повеќе од 50 патници се преврте на автопат во западен Њујорк, соопшти полицијата.
Автобусот, кој се враќал од Нијагарините водопади, се преврте на автопат во близина на Пембрук, околу 48 километри североисточно од Бафало и 64 километри југоисточно од Нијагарините водопади, објави „CBS News“.
Според полициското соопштение, возилото ја изгубило контролата од непознати причини и завршило во канал.
Во несреќата немало други возила вклучени. Меѓу загинатите немало деца.
#BREAKING : Tour Bus Crash on I-90 in New York Leaves Multiple Dead, Dozens Injured
A tour bus overturned on I-90 West in Pembroke, New York, killing multiple people and injuring more than 50 others. #RoadAccident #NewYork #I90 #Pembroke #TourBus #KARMA #buscrash pic.twitter.com/wV8O3xLJfQ
— ViralVolt🟦 (@ViralVolT1) August 22, 2025
Во автобусот имало вкупно 54 лица, вклучувајќи двајца вработени во автобуската компанија „M&Y Tour Inc“.
Причината за несреќата сè уште е под истрага, додека механички дефект и грешка на возачот се исклучени, според „CBS“.
Возачот на автобусот соработувал со властите и против него не се поднесени кривични пријави.
Here’s a look at the crash on 90 E near Pembroke. Both sides of the Thruway backed up. At least two helicopters responding to the scene. @WBEN pic.twitter.com/xRgaC90yVO
— LMP (@lisapolizzibflo) August 22, 2025
Медицинскиот центар на округот Ери примил 24 пациенти, вклучувајќи четворица во сериозна состојба, додека двајца пациенти биле префрлени со хеликоптер во други болници.
Шест лица се лекуваат во Медицинскиот центар на Универзитетот во Рочестер, од кои двајца се тешко повредени.
Гувернерката на Њујорк, Кети Хочул, изрази сочувство за несреќата и најави координација со локалните власти за операциите за помош и спасување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место.
Во Хрватска, во шумско подрачје близу Крижевци, 54-годишен маж бил смртно нападнат од стршлени, соопшти полицијата од Копривничко-крижевечката жупанија.
Вчера, додека сечел дрва за огрев, мажот бил нападнат од стршлени, по што му се слошило, јавува Хина.
И покрај тоа што брзо му била укажана лекарска помош, мажот починал на самото место
Свет
Министерот за култура на Литванија поднесе оставка по изјавите за Крим

Литванскиот министер за култура Игнотас Адомавичиус, кој беше назначен на функцијата само пред една недела, вчера објави дека поднесува оставка, откако неговите претходни изјави за Крим предизвикаа скандал во јавноста, објави Делфи.
Адомавичиус на прес-конференција изјави дека одлучил да поднесе оставка поради растечкиот притисок, потребата да го заштити своето семејство и да не ѝ наштети на владата.
Претходно, изјавата на Адомавичиус за Крим предизвика скандал во Литванија, кога новинар го праша кому му припаѓа Крим, а тој одговори дека тоа е провокативно прашање и дека не сака да дискутира.
Подоцна тој го разјасни својот став дека Крим е „окупирана територија на Украина, која сега е во Русија“.
Украинските знамиња беа отстранети од неговата канцеларија и од прес-салата, што исто така предизвика реакции, по што министерството издаде соопштение во кое се вели дека украинските знамиња беа накратко отстранети поради чистење.
Свет
(Видео) Пожар и експлозии во рафинерија за нафта во Русија по напад со дронови

Рафинерија за нафта во градот Кириши, недалеку од Санкт Петербург, беше нападната со беспилотни летала, соопштија руските власти и локалните медиуми.
Сведоците пријавиле силна експлозија и пожар во индустрискиот комплекс. Регионалниот гувернер, Александар Дрозденко, потврди дека нападот се случил и дека противвоздушната одбрана успеала да уништи седум дронови над Кириши. Тој додаде дека пожарот во индустриската зона е изгаснат.
The Kirishi oil refinery in the Leningrad region, Russia, was struck and burns. pic.twitter.com/W1YrKQF79I
— (((Tendar))) (@Tendar) October 4, 2025
💥 Russia: Kirishi Oil Refinery confirmed struck by Ukrainian drones in Leningrad region, 100km from Saint Petersburg.
Daily refining capacity of 355,000-400,000 barrels per day – 6% of total production of Russia. pic.twitter.com/dLpNGi61r6— Igor Sushko (@igorsushko) October 4, 2025
Рафинеријата во Кириши, која се наоѓа на повеќе од 800 километри од границата со Украина, е една од најголемите во Русија и веќе беше цел на неколку напади во март и септември годинава, како и во март 2024 година.
Киев систематски ги засилува нападите врз руската нафтена и воено-индустриска инфраструктура, тврдејќи дека овие објекти се легитимни воени цели, бидејќи директно ја поддржуваат воената активност на Москва.