Свет
(Видео) Пијани мигранти демолирале италијанска црква
Двајца романските мигранти насилнои влегле католичката црква „Мадона дел мисерикордија дел Лугарес“ во Чезена во неделата по прославата на православниот Велигден, пренесува „Ил ресто дел Карлино“.
Видеото на кое двајца пијани мигранти речиси целосно демолираат црква во Италија за православниот Велигден стана вирално на социјалните мрежи.
Првичните шпекулации беа дека инцидентот го предизвикале исламски екстремисти, но се чини дека тоа не е точно.
Марко Ченси, директор на локалниот младински центар „Иституто деи Лугарези”, изјави дека во инцидентот биле искршени прозорци и некои клупи, но и дека исламските екстремисти немаат никаква врска со тоа нагласувајќи дека на инцидентот не треба да му се даваат конотации што ги нема.
„Оној што го направил видеото сигурно е полицаец кој интервенирал веднаш по инцидентот”, рече Ченси.
Православниот свештеник Силвиу Сас, кој веќе пет години ги одржува православните служби во католичката црква, коментираше дека ваков инцидент никогаш претходно не се случил меѓу неговите 150 парохијани.
Претходно овој месец во Рим северноафрикански мигрант прободе и се обиде да заколе еден грузиски христијанин по вжештена расправија откако муслиманот го забележал ѓерданот со распетие што го носел Грузиецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.