Регион
(Видео) Пленковиќ на средба со Меркел, германската канцеларка потврди дека со Трамп разговарале за Србија и Косово
Германската канцеларка Ангела Меркел денеска во Берлин се сретна со хрватскиот премиер Андреј Пленковиќ, а на заедничката прес-конференција Меркел потврди дека вчера со американскиот претседател Доналд Трамп разговарале за ситуацијата меѓу Србија и Косово.
O bilateralnim odnosima ?? i ??, gospodarskoj suradnji, aktualnim EU temama i JIE razgovarat ću s kancelarkom Angelom Merkel. pic.twitter.com/rMyWgjZLzz
— Andrej Plenković (@AndrejPlenkovic) August 28, 2018
„Се разбира дека ги поддржуваме сите разговори кои водат кон целта, кон решение на тоа прашање, но територијалната целовитост, каква што е создадена сега, е една вредност и големина и истото тоа го реков кога овде беше претседателот на владата на БиХ и претседателот на владата на Црна Гора. Мораме да бидеме внимателни одредени мерки на една територија да не доведат до други чекори на други територии“, изјави гереманската канцеларка.
Меркел на средбата со Пленковиќ исто така посочила и дека нејзината земја е заинтересирана за зајакнување на соработката, а ја истакнала и важната улога на Хрватска во регионот, велејќи дека е свесна дека тоа е комплицирано соседство, ставајќи посебен акцент на ситуацијата во Босна и Херцеговина и проблемите со Словенија.
U cilju jačanja odnosa ?? i ?? razgovarali smo o Akcijskom planu koji će definirati prioritete i hodogram aktivnosti. Hrvatska i Njemačka će predsjedati Vijećem EU 2020. RH je zadovoljna potporom Njemačke pristupanju Schengenu i Eurozoni. pic.twitter.com/4dAZilhm4I
— Andrej Plenković (@AndrejPlenkovic) August 28, 2018
Хрватскиот премиерот, Пленковиќ , пак посочил дека Германија е првиот хрватски надворешен трговски партнер, и како многу важен елемент на партнерство меѓу двете земји, тој ги потенцирал два и пол милиони германски туристи во Хрватска кои дошле минатата година. Тој, исто така, ја нагласил и важната улога на Хрватите во Германија кои се добро интегрирани во германското општество и со својата работа придонесуваат и за Германија и за својата земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.