Свет
(Видео) Пожар во американската амбасада во Багдад, се слушаат истрели и експлозии
Десетици гневни ирачки приврзаници на шиитите влегоа во американската амбасада во Багдад кршејќи ја вратата. Според сведоци, употребен е солзавец и се слушнале истрели од огнено оружје.
Според најновите информации, припадниците на обезбедувањето во американската амбасада во Багдад употребиле шок-бомби врз демонстрантите пред влезот во зградата на амбасадата.
Агенцијата АП известува дека има пожар во амбасадата, како и дека најмалку тројца американски војници се на покривот на зградата.
#Breaking: Just in – Reports that #Hezbollah supporters are burning the back wall outside the #US embassy in #Baghdad‘s green zone in #Iraq, and are willing to storm inside the building to destroy everything inside. pic.twitter.com/LbFpURqTjX
— Sotiri Dimpinoudis (@sotiridi) December 31, 2019
Според „Ројтерс“, се слушнале четири гласни експлозии.
Засега не се познати причините за пожарот, но се наведува дека маж стои пред зградата и со помош на мегафон извикува да не се влегува во неа и дека е испратена порака.
Двајца полицајци се повредени по фрлањето бомби во обид обезбедувањето да ги присили демонстрантите да се разотидат, изјавил сведок за „Ројтерс“.
Претходно, неколку илјади луѓе се собраа пред амбасадата за да го искажат своето незадоволство од американските воздушни напади во кои загинаа 25 шиитски војници.
Толпата викаше „Долу САД“ и „Смрт за САД“ и фрлаше пластични шишиња и камења врз амбасадата.
Некои учесници носат воени униформи и поставуваат шатори пред американското претставништво.
Во меѓувреме, амбасадорот на САД и службениците од амбасадата се евакуирани од зградата откако протестот ескалира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.