Свет
(Видео) Пожар во ковид-болница во Индија, голем број загинати

Најмалку 10 луѓе загинаа во пожар во приватна клиника, која лекува пациенти со Ковид-19 во Индија.
Nine COVID patients dead in a Mumbai hospital fire https://t.co/bUTuEWNCIe pic.twitter.com/T242k6736X
— Reuters India (@ReutersIndia) March 26, 2021
Пожарот избувнал синоќа на приземјето на трговски центар во Мумбај и бргу се проширил низ зградата до катот на кој се наоѓала болницата „Изгрејсонце“, што предизвика евакуација на 70-ина пациенти.
Many dead in fire at COVID hospital in India’s Mumbai https://t.co/ABXGw7Hoch
— Green Bird (@kabirspeaks) March 26, 2021
Во моментот на пожарот на клиниката имало најмалку седум пациенти поврзани со механичка вентилација.
Засега не е познато дали загинатите биле лекувани од Ковид-19, а роднините набргу ќе ги идентификуваат нивните тела, пренесе „Раша тудеј“.
दुखद: मुंबई में एक अस्पताल में आग लगने से इसमें 11 लोगों की दर्दनाक मौत हो गई है। घटना भांडुप इलाके की है। यहां के एक मॉल के तीसरे मंजिल पर एक अस्पताल था। यहां 70 से अधिक मरीज भर्ती थे। इनमें से ज्यादातर कोरोना से संक्रमित थे।#MumbaiFire pic.twitter.com/NWychJnnnF
— Kaushlendra Jha (@LiveKaushlendra) March 26, 2021
Повеќе од 20 противпожарни возила беа испратени на местото на пожарот, а истрагата за неговата причина е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.